Daniel 8:12 - Bible in Tzeltal Bachajón

¹² Ta scaj toybahil, te tsobolic ac'otic ta sc'ab soc te milbil mahtanil scuenta jujun c'ahc'al; la sch'oj cohel ta lum te smelelil c'op, soc la spas te bin la sc'an yo'tan, soc lec c'oht yu'un.

Bible in Tzeltal de Oxchuc y Tenejapa

¹² Ta scaj te sbolile, la yal mandal te och ta scampamento soldadoetic yu'un te banti la yich' ac'beyel milbil smajt'an te Diose, la xch'oj coel ta lum c'oem te smelelil c'ope. Spisil bila la sc'an yo'tan la spas, spisil ju' yu'un spasel.

Daniel 8:12 ပူးပေါင်းရင်းမြစ်များ

Job 12:6

Lec ay snahic te j'eleq'uetic, jun yo'tan cuxajtic te mach'atic ya shachbe yilimba te Diose; te ha a'botic yu'un te jayeb bintic ay yu'unic.

Salmos 119:142

Te stojil awo'tan stalel ay, soc smelelil te ley awu'une.

Salmos 119:43

Ma me xaloq'uesbon ta que te smelelil ac'op, como ha smuc'ulinej co'tan te bintic awaloje.

Salmos 28:5

Te bin ut'il ma ba la yich'ic ta cuenta te bintic spasoj te Jehová, te bintic spasticlanej ta sc'ab, ¡ha ya sjinticlan, ma ba ya scha'pasticlanix xan!

Isaías 59:14

Hich suht bahel te stojil chahpanel, soc namal hil te bin stojil ta pasele; como te bin smelelil la sc'ohchin sba ta plaza, soc ma ba hu' ya xtal te toj-o'tanile.

Jeremías 12:1

Toj te bin yac apas, Jehová, te c'alal ya calbat te bin ut'il ayon. Pero ay bin ya joc'obat: ¿Bin yu'un te lec ya xc'oht ta loq'uel te mach'atic chopolic, soc te lec ayic te j'ac'awetic ta c'abal?

Daniel 11:28

Te ajwalil te talem ta norte ya suht bahel ta slumal soc bayel sc'ulejal, pero ta yo'tan ya scontrahin te ch'ul chapbil-c'ope; ya spas te bin ya sc'an yo'tan, patil ya suht bahel ta slumal.

Daniel 7:21

La jquil te xulubil ini yac ta ya'beyel guerra te mach'atic ch'uhltesbilic, soc yac stsalbel,

Daniel 8:4

La jquil te tat tuminchij la sluchticlan ta xulub ta stojol smahlib c'ahc'al, ta norte soc ta sur. Mayuc ni jcohtuc chambahlam te hu' yu'un te ya stsal sba soc, soc mayuc mach'a hu' yu'un ya scoltay sba ta yip te xulube. La spas te bin la sc'an yo'tan, soc xquechcon ta muc'ubel.

Apocalipsis 13:7

A'bot permiso te ya ya'be guerra te mach'atic ch'uhltesbilic, soc te ya stsalticlan. Soc a'bot ya'tel ta stojol spisil ta chahp ts'umbaliletic, pueblohetic, c'opiletic soc nacionetic.

1 Samuel 23:9

C'alal la ya'iy te David te bin chopol snopoj te Saúl, hich la yalbe te sacerdote Abiatar: Ich'bon tal te efod, xchi.