Daniel 8:11 - Bible in Tzeltal Bachajón

¹¹ Muc' la yac' sba ta scontrahinel te príncipe yu'un te tsobolic yu'un te ch'ulchan; la yac' quehchajuc yac'ulanel te milbil mahtaniletic yu'un, soc la sjin cohel c'alal lum te ch'ul awilal yu'une.

Bible in Tzeltal de Oxchuc y Tenejapa

¹¹ soc la stoy sba ta stojol te jwentainwanej yu'un te eq'uetique. La yac' quejch'ajuc ta aq'uel milbil smajt'an Dios swenta jujun c'aal. La sboltesbey sc'oplal te awilal banti ya yich' ich'el ta muc' te Diose.

Daniel 8:11 ပူးပေါင်းရင်းမြစ်များ

Isaías 37:23

¿Mach'a a te la alaban? ¿Mach'a a te la abohlc'optay? ¿Mach'a a te la atoy ac'op ta stojol ta scontrahinel soc te la atoy asit yu'un toybahil? ¡Ha te Ch'ul Dios yu'un Israel!

Isaías 37:29

Te bin ut'il ilinemat ta jtojol soc te c'ohem ta jchiquin te toybahil awu'une, ya ca'bat ta ani' te xotbil taq'uin cu'un soc te freno cu'un ta awe, soc ya cac' te ya suhtat bahel ta be te banti nix talate, xchi te Jehová.

Jeremías 48:26

¡Yacubtesahic te Moab, como la stoy sba ta stojol te Jehová! ac'a sbal sba ta xe te Moab, soc ac'a yich' labanel.

Jeremías 48:42

Jc'axel ya xjihn te Moab, ma ba nación ya xhilix, como la stoy sba ta stojol Jehová.

Ezequiel 46:14

Ta jujun sahb ya me awa'be sjoquin jun ta swaquebal efa harina soc jun ta yoxebal hin aceite te ya yich' wots'el soc te lequil harina. Ha te mahtanil te spisil ora ya yich' a'beyel te Jehová, ha mandaril te stalel ay.

Daniel 11:22

Bayel soldadohetic ya yich'ic mesel bahel ta stojol hich te bin ut'il snojel ha', pajal ya yich'ic lajinel soc te príncipal yu'un te chapbil-c'ope.

Daniel 11:31

Te soldadohetic yu'un ya me sbohlobtesbeyic sc'oblal te ch'ul awilal soc te ahnibal ts'ahc, ya me scom ta aq'uel te chic'bil mahtanil scuenta jujun c'ahc'al soc ya yac' tey a te bin ilobtic sba te ya xjinawan.

Daniel 12:11

C'alal ya yich' comel ta aq'uel te chic'bil mahtanil scuenta jujun c'ahc'al ha to c'alal ya xtehc'anot te bin ilobtic sba te ya xjinawan, ha lajuneb yo'winic schanbahc' (1,290) c'ahc'al.

Daniel 5:23

La atoy aba ta stojol te Ajwalil yu'un te ch'ulchan; la aticon ta ich'el tal ta atojol te vasohetic yu'un te templo yu'un; ha'at soc te príncipaletic, te antsetic awu'un soc te yan antsetic awu'un la awuch'ic vino a; soc la awalbe yutsil sc'oblal te diosetic te pasbilic ta plata, oro, bronce, hierro, te' soc ton, te ma xyilic q'uinal, ma xya'iyic c'op, soc mayuc bin ya sna'ic; ma ba la awich' ta muc' te Dios te ay ta sc'ab te acuxlejal soc spisil te behetic awu'une.

Daniel 7:25

Ya scontrac'optay te Mach'a mero toyol ay, ya me yuts'inlan te mach'atic ch'uhltesbilic te ha yu'unic te Mach'a mero toyol ay, soc ya snop te ya sjeltay te tiempohetic soc te Ley; te mach'atic ch'uhltesbilic ya x'a'botic ta sc'ab jun tiempo, cheb tiempo soc ohlil tiempo.

Daniel 8:12

Ta scaj toybahil, te tsobolic ac'otic ta sc'ab soc te milbil mahtanil scuenta jujun c'ahc'al; la sch'oj cohel ta lum te smelelil c'op, soc la spas te bin la sc'an yo'tan, soc lec c'oht yu'un.

Daniel 8:24

Bayel yip ya xc'oht, pero ma yu'unuc te yipe; ya me yac' bayel jinaw, spisil ya xhu' yu'un te bintic ya sc'an ya spase. Ya me slajinlan te mach'atic bayel yipic, soc te pueblo yu'un mach'atic ch'uhltesbilic.

Daniel 8:25

Ta scuenta sp'ijil yo'tan ta lo'loywanej ya yac' te ya ya'iy tsalaw te lo'loyele; ya scuy sba ta muc', ya me smilticlan tsobolic te jun yo'tanic ayique. Ya xhahch scontrahin te Príncipal yu'un te príncipaletic, pero ya me yich' jinel, ma ha'uc ta sc'ab winic.

Daniel 9:25

Na'a me soc ac'a c'ohtuc ta awo'tan: te c'alal ya yich' halel mandar te ya yich' cha'pasel xan te Jerusalén ha to c'alal ya xtal te príncipal te malbil ta aceite, ya xc'ax huqueb semana, soc cheb schanwinic (62) semana; ya yich' xan pasel te callehetic soc te sts'ahcul ta yorahil wocol.

Números 28:3

Soc hich me xawalbe: Ha ini te chic'bil mahtanil te yac awa'beyic te Jehová: cha'coht tuminchijetic te jujun ya'bilal te mayuc bin jihnem yu'unic, scuenta scohtol chic'bil mahtanil jujun c'ahc'al.

San Lucas 21:24

Ya xlajic ta espada soc ya xbahtic ta chuquel ta spisil nacionetic, soc te Jerusalén ya yich' ts'o'el ta teq'uel yu'un jyanlumetic ha to c'alal ya sts'acay te yorahil yu'un te jyanlumetique.

2 Tesalonicenses 2:4

te ya scontrahin soc ya stoy sba ta stojol spisil bintic a'bot sbihilin Dios o te bintic ay ta ch'uhuntayel; ya x'och shuhcan sba ta templo yu'un Dios, ya yac' sba ta cuyel ta Dios.

Hebreos 2:10

Te Dios te spasoj soc te scuentahinej spisil bintic ay, ha stojil te la yac' te ts'acal c'oht ta scuenta swocol te mach'a la swehtesbe scolelic, te hich ya xhu' ya yic' bahel ta utsilal tsobol al-nich'anetic.

Apocalipsis 17:14

Ya me ya'beyic guerra te Jcolel Tuminchij, pero ya me xtsalotic yu'un, como ha principal yu'un principaletic soc ha Ajwalil yu'un ajwaliletic; soc te mach'atic sjoquinejic, ha'ic te mach'atic ic'bilic, tsahbilic soc te jun yo'tanic ta stojol, xchi.