Daniel 7:9 - Bible in Tzeltal Bachajón

⁹ Yacon ta yilel a, la yich' chahpanel huctajibaletic, la shuhcan sba jtuhl Mamal. Te sc'u' hich sacal te bin ut'il me'sic, te stsotsel sjol sac hich te bin ut'il stsotsel tuminchij. Yat c'ahc' te shuctajib, soc te ruedahetic ha c'ahc' te yac ta tihlel,

Bible in Tzeltal de Oxchuc y Tenejapa

⁹ “Tey yacon ta yilel a, la quil chicnaj muc'ul nactijibaletic, ay jtul Mamal yilel najc'aj tey a. Te sc'u' mero sac jichuc toib; te stsotsil sjol pajal soc buen saquil stsotsil chij te buen saque. Te smuc'ul nactijib soc te ruedaetic yu'une, puro c'ajc' yilel,

Daniel 7:9 ပူးပေါင်းရင်းမြစ်များ

1 Reyes 22:19

La yal xan te Micaías: A'iya me awa'iy te sc'op Jehová: La jquil te Jehová hucul ta smuc'ul huctajib, spisil te mach'atic ayic ta ch'ulchan tec'ajtic ta stojol ta swa'el soc ta sq'uexam.

2 Crónicas 18:18

La yal xan te Micaías: A'iya me awa'iyic te sc'op Jehová: La jquil te Jehová hucul ta smuc'ul huctajib, soc spisil te ch'ul abatetic ta ch'ulchan ayic ta swa'el soc ta sq'uexam.

Salmos 45:8

Spisil te ac'u' apac' yich'ojic mirra, áloe soc canela; c'alal ta nahetic yu'un ajwaliletic te ch'albilic ta marfil ya ya'bat tse'el awo'tan ta scuenta instrumentohetic yu'un música te ay scuerdahil.

Salmos 90:2

Te c'alal ma to ayuc a te witsiltic, te c'alal ma to ba pasbilic awu'un a te lumq'uinal soc te bahlumilal, stalel sbahtel q'uinal ha'at Diosat atuquel.

Salmos 93:2

C'alal ta shahchibal yich'oj yip ta huctajibal awu'un; ha'at atalel ayat sbahtel q'uinal.

Isaías 6:1

Ta ha'bil te cham te ajwalil Uzías, la jquil ta jnahalsit te Cajwaltic hucul ta huctajibal te toyol soc toybil sc'oblal, soc noj te templo ta sti'il snahtil-c'u'.

Isaías 9:6

Como ayinemix jtuhl alal ta jcuentatic, a'bilotic jtuhl nich'anil, ha ya xc'oht ta stojol te cuentahinwanej. Hich ya x'a'bot sbihil: C'ax lequil J'ac'-o'tanil, Dios te ay yu'el, Tatil sbahtel q'uinal, Snich'an ajwalil yu'un lamal q'uinal.

Jeremías 49:38

Ya cac' muc'ul huctajibal cu'un ta Elam, soc ya jlajimbe te ajwalil soc te príncipaletic yu'une, xchi te Jehová.

Ezequiel 1:26

Ta sba te bin limbil ta yahc'olal te sjolic ay bin chican te hich yilel te bin ut'il muc'ul huctajibal pasbil ta t'ujbil yaxal ton; soc ay mach'a te pajal soc winic yilel hucul ta bin pajal soc muc'ul huctajibal yilele.

Daniel 7:13

La jquil ta nahalsitil ta ahc'abal, ay mach'a yac ta talel ta tocal, pajal soc jtuhl snich'an winic; tal ta banti ay te Mamale, ac'ot te ya xnohpoj bahel ta stojol.

Daniel 7:22

ha to c'alal tal te jtuhl Mamal, la schahpan ta stojil te mach'atic ch'uhltesbilic yu'un te Mach'a mero toyol ay, soc c'oht yorahil te mach'atic ch'uhltesbilic la yu'untayic te ban c'alal ay ta cuentahinel.

Miqueas 5:2

Pero ha'at, Belén Efrata, aunque tut ayat ta yohlil te mach'atic yu'un Judá, ya xloc' tal ta atojol te mach'a ajwalil ya xc'oht yu'un Israel; nameyix te shahchibal, c'ax bayel ha'bil.

Habacuc 1:12

¿Ma bal ha'ucat ayat c'alal ta shahchibal, Jehová Dios cu'un, Ch'ul Diosat cu'un? Ma ba ya xchamotcotic. La atsa te caldeohetic yu'un ya xchahpanwanic, ha'at, Muc'ul Tonat, la awac' te ya yaq'uic castigo.

San Mateo 17:2

Tey c'atp'uj ta stojolic, hich c'oht sit yelaw te bin ut'il sts'anabul c'ahc'al, soc xlipet sacal baht te sc'u' spaq'ue.

San Mateo 28:3

Hich yilel te bin ut'il tsantsehwal, soc sac sc'u' spac' hich te bin ut'il me'sic.

San Marcos 9:3

Buen xlipet sacal c'oht te sc'u' spac', hich te bin ut'il me'sic, mayuc mach'a hich ya xhu' ya sacubtes pac' ta bahlumilal a.

Hechos 2:30

Pero te bin ut'il ha jalwanej, sna'oj te halbil ta jamal yu'un Dios te ay sts'umbal te ya xhuhcaj ta shuctajib.

Hechos 2:33

Ha yu'un, te bin ut'il ac'otix ta swa'el-c'ab te Dios soc a'botix yich' yu'un te Tatil te Ch'ul Espíritu te halbot sc'oblal ya yich', hich la yaq'uix tal te bin yac awilbelic soc te yac awa'iybelique.

Filipenses 3:9

soc jun ya xc'ohon soc. Ma ha'uc te toj c'ohemon yu'un sch'uhunel te Ley, ha toj c'ohemon ta scuenta sch'uhunel co'tan ta stojol Cristo, ha te toj-o'tanil te ya yac' te Dios soc te ay ta scuenta sch'uhunel-o'tanil.

1 Timoteo 6:16

te ha nax stuquel ma xcham, te nahinem ta sacal q'uinal te ma xhu' ochel tey a, te mayuc mach'a yiloj soc ma xhu' ya yil. Ha ac'a ich'ec ta muc' soc ayuc yu'el sbahtel q'uinal stuquel. Hichuc.

1 Juan 1:5

Ha ini te bin la yal ca'iycotic te Jesucristo soc te ya calbeyexcotic awa'iyique: Ha sacal q'uinal te Diose, jc'axel mayuc yihc'al q'uinal ta scuenta stuquel.

Apocalipsis 1:14

Xlipet sacal te stsotsel sjol, hich sacal te bin ut'il stsotsel tuminchij, hich te bin ut'il me'sic, soc sjel ta sts'anabul yat c'ahc' te site.

Apocalipsis 19:18

yu'un yac ati'beyic sbaq'uetal ajwaliletic, capitanetic soc mach'atic ay yipic, sbaq'uetal cawuhetic soc mach'atic cajajtic tey a, soc sbaq'uetal spisil ants-winiquetic, mosohetic soc mach'atic ayic ta libre, muc' biq'uit, xchi ta aw.

Apocalipsis 20:4

La jquil muc'ul-huctajibaletic, soc huculic tey a te mach'atic a'bot ya'telic ta chahpanwanej. Soc la jquilbe sch'uhlelic te mach'atic xot'bot sjolic ta scaj te testigo-c'op yu'un Jesús soc ta scaj te sc'op Dios, ha te mach'atic ma ba la sch'uhuntayic te chambahlam te xiweltic sba o te sloc'ombahil, soc ma ba la yich'beyic smarca ta sti'bahic o ta sc'abic; la yich'ic scuxlejalic soc la sjoquinic Cristo ta cuentahinwanej lajunwinic yoxbahc' (1,000) ha'bil.

Apocalipsis 4:2

Ora la scuentahinon te Espíritu, la jquil ay muc'ul-huctajibal ta ch'ulchan soc ay Mach'a hucul tey a.