Daniel 7:7 - Bible in Tzeltal Bachajón

⁷ Patil la jquil ta nahalsitiletic ta ahc'abal te schanebal chambahlam, mero ilobtic sba soc xiweltic sba, soc ay bayel yip, ha hierro te muc'ul sbaquel ye, yac sbic'ticlambel soc sbutsticlambel, soc yac sts'o'ts'o'tec'ticlambel te bintic hilemique. Ma pajaluc soc te yantic chambahlametic te la jquil ta nahil to; soc ay lajunch'ix xulub.

Bible in Tzeltal de Oxchuc y Tenejapa

⁷ “Te xchanebal muc'ul chambalam la quile, mero ilaybil sba soc xiweltic sba, soc mero bayal yip ta jyalel. Ay buen muq'uic sbaquel ye, taq'uin te yee. Spisil la sbic' soc la sjin, soc la spech' ta teq'uel te sobraile. Te chambalam, ma pajaluc soc te yantic la quil ta jwaiche, melel ay lajunch'ix xulub ta sjol.

Daniel 7:7 ပူးပေါင်းရင်းမြစ်များ

2 Samuel 22:43

La juch', hich te bin ut'il ts'u'lum c'ohtic; la jts'ot ta teq'uel hich te bin ut'il ahch'al ta callehetic.

Job 41:14

¿Mach'a ya xhu' ya sjambe sti'il ye? ¡Te chohlolchohl sbaquel ye ya yaq'uic xiwel!

Ezequiel 40:2

Ta scuenta nahalsitil yu'un Dios la yic'on bahel ta sq'uinal Israel, la yac'on hilel ta sba mero toyol wits te banti ay nahetic te hich yilelic te bin ut'il jun pueblo, ta stojol sur.

Daniel 2:19

Hich ta ahc'abal a'bot sna' ta nahalsit te Daniel te bin wocol ta na'ele. Ha yu'un te Daniel la yalbe yutsil sc'oblal te Dios ta ch'ulchane,

Daniel 7:13

La jquil ta nahalsitil ta ahc'abal, ay mach'a yac ta talel ta tocal, pajal soc jtuhl snich'an winic; tal ta banti ay te Mamale, ac'ot te ya xnohpoj bahel ta stojol.

Daniel 7:2

Hich la yal te Daniel: La jquil ta jnahalsit ta ahc'abal, te chanchahp ic' la stijbeyic te muc'ul mar.

Daniel 8:10

Muc'ub bahel ha to c'oht c'alal ta banti ay te tsobolic yu'un te ch'ulchane. Ay la sjin cohel c'alal ta lum j'ohlil te tsobolic yu'un te ch'ulchan soc te eq'uetic, la sts'o'ts'o'tec'ticlan.

Daniel 8:22

Te xulubil te wac', te loc' chaneb xulubiletic tey a, ha sc'oblal te ya xloc' chanchahp nacionetic tey a, pero ma pajaluc yipic soc te shahchibal ajwalile.

Zacarías 2:1

Patil la jquil mohel, la jquil jtuhl winic te yich'oj ta sc'ab p'is yu'un ya sp'is.

Apocalipsis 12:3

Ay yan seña chicnaj ta ch'ulchan: jun tsajal dragón te ay huqueb sjol soc lajuneb xulub, soc jujun corona ta jujun sjol.

Apocalipsis 13:1

La jtehc'an jba ta shi'al ti'mar, la jquil loc' tal ta mar jcoht chambahlam te xiweltic sba te ay huqueb sjol soc lajunch'ix xulub. Yahtalal scorona te jujuch'ix xulub, soc ta jujun sjol ay sbihil te ya xbohlc'optaywan.

Apocalipsis 17:12

Te lajuneb xulubiletic te awiloj ha lajuntuhl ajwaliletic te ma to ba yich'oj ya'telic; pero ta junax ora pajal ya yich' ya'telic ta ajwalil soc te chambahlam te xiweltic sbahe.

Apocalipsis 17:7

Hich la yalbon te ch'ul a'bat: ¿Bin yu'un xcham awo'tan yu'un? Ya calbat awa'iy bin ut'il ay sc'oblal te bin muquen ay ta na'el yu'un te ants soc te chambahlam te xiweltic sba te cajal a, te ay huqueb sjol soc lajuneb xulub.

Apocalipsis 17:8

Te chambahlam te xiweltic sba la awile, ay ta namey, ma ba ay ta ora ini, ya to xloc' tal ta xahab soc ya xbaht ta ch'ayel. Te mach'atic nahinemic ta bahlumilal te ma ba ts'ihbabil sbihilic ta libro scuenta cuxlejal ta shahchel to tal bahlumilal, xcham yo'tanic yu'un te c'alal ya yilic te chambahlam te xiweltic sba te ay ta namey, ma ba ay ta ora ini, soc te ya to xchicnaje.