Daniel 7:5 - Bible in Tzeltal Bachajón

⁵ Patil la jquil yan chambahlam, pajal yilel soc oso, te jehch smochbaquel toyol xan te bin ut'il te yane. Scats'oj ta ye oxch'ix moch-bac, hich halbot: Hahchan, ti'a bayel ti'bal, xchi sc'oblal.

Bible in Tzeltal de Oxchuc y Tenejapa

⁵ “Te xchebale pajal yilel soc oso, ts'eel yac ta beel ta jun yacan soc ta jun sc'ab. Te muc'ul chambalam scats'oj ta ye oxch'ix sbaquel moch yilel. La caiy jich albot: ‘Baan, ti'a te baq'uet te bay c'alal ya xju' awu'un sti'ele’, xi' sc'oplal.

Daniel 7:5 ပူးပေါင်းရင်းမြစ်များ

2 Reyes 2:24

Te Eliseo la sut sba, la yil soc la sc'ambe chopol c'oblalil ta scuenta sbihil Jehová. Ora loc' talel ta ha'mal cha'coht osohetic te la stuch'ticlanic cheb yoxwinic (42) ta tuhl queremetic.

Proverbios 17:12

Ha lec xan yac ata aba soc me' oso te elc'ambil yalatac te bin ut'il yac ata aba soc te jsohquejol ta sohqueholal.

Isaías 56:9

Spisil te chambahlametic ta q'uinal, spisil te chambahlametic ta tohyem te'etic, la'ic, lajinahic ta we'el.

Daniel 11:2

Yo'tic ya ca'bat ana' te bin smelelil. Ya to xchicnaj oxeb ajwaliletic ta Persia, te schanebal c'ax hich jc'ulej ya xc'oht a te bin ut'il spisil te yantique. Te c'alal ya sta yip ta scuenta sc'ulejal, ya shachbe yo'tan spisilic ta scontrahinel te nación Grecia.

Daniel 2:39

Ta patil awu'un ya xchicnaj yan jchahp ajwaliletic te peq'uelix awu'un; ta patil ya xchicnaj yoxchahpal ajwaliletic te pajalic soc bronce te ya scuentahin spisil te bahlumilale.

Daniel 5:28

PARSIN: te ban c'alal acuentahinej jatem soc ya x'a'bot ta scuenta te medohetic soc persahetic, xchi.

Daniel 7:4

Te jcohte pajal soc choj, soc ay xic' yu'un jxic. C'alal yacon ta yilel a la yich' bulbeyel te xiq'ue, la yich' hahchel ta lum, la yich' tehc'anel ta yoc hich te bin ut'il winic, soc la yich' a'beyel yo'tan winic.

Daniel 7:6

Patil la jquil yan chambahlam, pajal yilel soc c'anbo'olay choj te ay chaneb xic' ta spat soc ay chaneb sjol; a'bot ya'tel ta cuentahinwanej.

Oseas 13:8

Ya jta ta lehel hich te bin ut'il me' oso te pojbil yalatac, ya jlombe stahn, tey ya jwe' a hich te bin ut'il choj, ya xbutsticlanot yu'un ti'awal chambahlam.

Apocalipsis 13:2

Te chambahlam te xiweltic sba la jquil sjel ta ti'awal c'an bo'olay choj, sjel ta yoc oso te yoc soc sjel ta ye choj te yehe. Te dragón la ya'be yich' yu'el, te smuc'ul-huctajib soc te tulan ya'tele.