Daniel 7:4 - Bible in Tzeltal Bachajón

⁴ Te jcohte pajal soc choj, soc ay xic' yu'un jxic. C'alal yacon ta yilel a la yich' bulbeyel te xiq'ue, la yich' hahchel ta lum, la yich' tehc'anel ta yoc hich te bin ut'il winic, soc la yich' a'beyel yo'tan winic.

Bible in Tzeltal de Oxchuc y Tenejapa

⁴ Te jcojt'e pajal soc león-choj yilel, pero ay xic'. Te xiq'ue xic' águila yilel. C'alal yacon ta yilel a, la yich' bulel te xiq'ue. La yich' jachel ta lum, la yich' tejc'anel ta yacan, jich tejc'aj te bit'il ya xtejc'aj te winique. Te xchinam c'atp'uj ta xchinam winic.

Daniel 7:4 ပူးပေါင်းရင်းမြစ်များ

2 Samuel 1:23

Saúl soc Jonatán, c'uxic ta o'tanil soc mulambil, ma ba la spit sbahic c'alal cuxulic, soc ma ba la spit sbahic te c'alal lajic. C'ax hich ahnimajic a te bin ut'il ya xwihl jxiquetic, c'ax hich yipic a te bin ut'il chojetic.

Job 25:6

¿ha'uc to balix a te winic te pajal soc yal ha, te snich'an winic te pajal soc lucum? xchi te Bildad.

Salmos 9:20

Jehová, a'beya xiwel ta yo'tanic; a'beya sna'ic te nacionetic te ch'ich'-baq'uet nax ayic. Selah

Jeremías 25:38

Hich loc' tal te bin ut'il choj ta sch'en, jc'axel jihn te q'uinal yu'unic ta scaj yilimba te j'uts'inwanej, ta scaj sc'ahc'al te yilimbahe.

Jeremías 4:13

Ilawil, ya xmo tal hich te bin ut'il tocal, te carretahetic yu'un hich te bin ut'il sutu-ic'. Te cawuhetic yu'unic c'ax hich tulan ya xbehenic a te bin ut'il ya xwihlic te jxiquetique. ¡Obol jbahtic, ac'bilotic ta pojel!

Jeremías 4:7

Loq'uemix tal choj ta yawil, te jinawal yu'un nacionetic yaquix ta behel; loq'uemix tal ta slumal scuenta yu'un ya sjimbat te alumale, jimbil soc jochol ya xhilic te pueblohetic awu'une.

Jeremías 48:40

Como hich yaloj te Jehová: Hich te bin ut'il ya xwihl te jxic, hich ya sjam xic' ta scontrahinel te Moab.

Jeremías 49:19

Hich te bin ut'il ya xloc' tal choj ta pimil q'uinal yu'un Jordán soc ya xbaht ta yaxal c'unil ha'maletic, ora nax ya cac' ahnuc loq'uel tey a te Edom, soc ya cac' tey a te mach'a tsahbil cu'un, como ¿mach'a pajalon soc? ¿Mach'a ya xhu' ya stsalon? ¿Mach'a jcanan-tuminchij te ya xhu' ya scontrahinon?

Lamentaciones 4:19

Te jnutsawal cu'untic c'ax hich ya x'ahnimajic a te bin ut'il jxic ya xwihl ta ch'ulchan; la snutsotic ta witsiltic, la smacliyotic ta jochol taquin q'uinal.

Ezequiel 17:3

Hich xawalbe: Hich yaloj te Jehová: Ay jcoht muc'ul jxic, te muc' xic' soc naht sc'uc'umal, bayel sch'ahlel te sc'uc'umal, c'oht ta Líbano, la stsacbe sni' tehc' cedro.

Ezequiel 28:2

Snich'anat winic, halbeya te ajwalil yu'un Tiro: Hich yaloj te Jehová, te Ajwalil: La atoyba aba soc awo'tan, hich la awal: Ho'on dioson, huculon ta smuc'ul huctajib dios ta yohlil te mar, xchihat; pero ha'at winicat, ma diosucat, acuyoj aba te pajal awo'tan soc jun dios.

Ezequiel 28:9

¿Hich bal ya xc'opojat ta stojol te mach'a ya smilat: Ho'on dioson, xchihat bal? Ha'at winicat, ma diosucat ta sc'ab te mach'a ya smilate.

Daniel 2:38

Bayuc ya xnahinic ants-winiquetic, chambahlametic ta q'uinal soc mutetic te ya xwihlic ta toyol, la ya'bat ta ac'ab, la ya'bat acuentahin spisil. Ha'at te jolalat te pasbil ta oro.

Daniel 4:36

Ha nix yorahil a te la jna' xan q'uinal, te suht ta jtojol te smuc'ul yutsil te bin ut'il ajwalilon, te quich'el ta muc' soc smuc'ul jc'oblal. Tal slehonic te gobernadorehetic soc te j'ac'-o'taniletic cu'un; cha'ochon xan ta ajwalil soc c'ax hich to xan muc'ub ca'tel a te bin ut'il ta nahil to.

Daniel 7:12

Ha nix hich te yantic chambahlametic la yich'ic pojbeyel te ya'telic ta cuentahinwanej, pero cuxul hilic jtebuc xan.

Daniel 7:5

Patil la jquil yan chambahlam, pajal yilel soc oso, te jehch smochbaquel toyol xan te bin ut'il te yane. Scats'oj ta ye oxch'ix moch-bac, hich halbot: Hahchan, ti'a bayel ti'bal, xchi sc'oblal.

San Mateo 24:28

Ta banti ay te chamen baq'uet, tey ya stsob sbahic a te hosetique.

Deuteronomio 28:49

Te Jehová ya me yic' tal scontrahinat jun nación te namal ay, te ay ta sti'il te q'uinal, te ya xwihl tal hich te bin ut'il jxic, jun nación te ma xana'be sc'op;

Apocalipsis 13:2

Te chambahlam te xiweltic sba la jquil sjel ta ti'awal c'an bo'olay choj, sjel ta yoc oso te yoc soc sjel ta ye choj te yehe. Te dragón la ya'be yich' yu'el, te smuc'ul-huctajib soc te tulan ya'tele.