Daniel 7:25 - Bible in Tzeltal Bachajón

²⁵ Ya scontrac'optay te Mach'a mero toyol ay, ya me yuts'inlan te mach'atic ch'uhltesbilic te ha yu'unic te Mach'a mero toyol ay, soc ya snop te ya sjeltay te tiempohetic soc te Ley; te mach'atic ch'uhltesbilic ya x'a'botic ta sc'ab jun tiempo, cheb tiempo soc ohlil tiempo.

Bible in Tzeltal de Oxchuc y Tenejapa

²⁵ Ya me sbolc'optay te Dios mero toyole, soc ya sc'an slajinbey ta jc'axel te lum yu'une. Ya me sc'an ya sjeltay te mandaliletic yu'un Dios soc te q'uinetic yu'une; te lum yu'un Dios ya me x'och ta sc'ab oxeb ja'wil soc olil.

Daniel 7:25 ပူးပေါင်းရင်းမြစ်များ

Isaías 37:23

¿Mach'a a te la alaban? ¿Mach'a a te la abohlc'optay? ¿Mach'a a te la atoy ac'op ta stojol ta scontrahinel soc te la atoy asit yu'un toybahil? ¡Ha te Ch'ul Dios yu'un Israel!

Daniel 11:28

Te ajwalil te talem ta norte ya suht bahel ta slumal soc bayel sc'ulejal, pero ta yo'tan ya scontrahin te ch'ul chapbil-c'ope; ya spas te bin ya sc'an yo'tan, patil ya suht bahel ta slumal.

Daniel 12:7

Te winic sc'u'inej lino pac', te ay ta sba te muc'ul-ha', la shach mohel ta stojol ch'ulchan te swa'el-c'ab soc te sq'uexam-c'ab, la jca'iy te la yal ta jamal ta scuenta te mach'a cuxul sbahtel q'uinal, te ya xhalaj jun tiempo, cheb tiempo soc ohlil tiembo. Ha ya xc'oht ta pasel spisil ini te c'alal ya xquehchaj ta lajimbeyel yip te ch'ul pueblo, xchi.

Daniel 2:21

Ha ya syanijtes te tiempohetic soc te ha'biletic; ya sloq'ues soc ya yotses ajwaliletic, ya ya'be sp'ijil yo'tan te mach'atic ay sp'ijilic, ya ya'be sna'ojibal te mach'atic ay bintic sna'ojique.

Daniel 3:26

Hich te Nabucodonosor nopoj bahel ta sti'il te horno banti yac ta tihlel c'ahc', hich la yawtay: Sadrac, Mesac, Abed-nego, a'batex yu'un te Dios te mero toyol ay, la'ic, loc'anic talel, xchi. Hich te Sadrac, Mesac soc Abed-nego loq'uic talel ta yohlil te c'ahc'.

Daniel 4:17

Te castigo ha smandar te j'il-q'uinaletic, te mach'atic ch'uhltesbilic la yalic te bin chapale, scuenta yu'un te mach'atic cuxajtic ya me sna'ic te Dios te mero toyol ay scuentahinej te ban c'alal scuentahinej te winiquetique, ya ya'be te mach'a ya sc'an ya ya'be, ya yotses ta jcuentahinwanej te mach'a mero peq'uel ay.

Daniel 4:2

Ya jc'an ya calbeyex sc'oblal te señahiletic soc jchahp a'teliletic la spasbon te Dios te mero toyol ay.

Daniel 4:25

Ya me awich' loq'uesel ta stojol te ants-winiquetic, ya xnahinat ta yohlil te ha'mal chambahlametic; ha'mal yac awe' hich te bin ut'il j'a'tel-wacaxetic, soc ya me yahts'esbat abaq'uetal te sts'ujulil ch'ulchan. Ya xc'ax huqueb ha'bil ha to c'alal yac ana' te Mach'a mero toyol ay ha toyol xan ya'tel ta stojol ban c'alal scuentahinej winiquetic, soc ya ya'be ya'tel ta cuentahinwanej te mach'a ya sc'an ya ya'be.

Daniel 4:32

Yac awich' loq'uesel ta yohlil te ants-winiquetic, yac ajoquin ta nahinel ha'mal chambahlametic, yac awe' ha'mal hich te bin ut'il wacax. Ya xc'ax huqueb ha'bil ha to c'alal yac ana' te Mach'a mero toyol ay ha toyol xan ya'tel ta stojol ban c'alal scuentahinej ants-winiquetic, soc ya ya'be ya'tel ta cuentahinwanej te mach'a ya sc'an ya ya'be, xchi.

Daniel 7:18

Patil, te mach'atic yu'un te Mamal te ch'uhltesbilic ya me yich'ic te ban c'alal ay ta cuentahinel, ha yu'unic ya xc'oht ta sbahtel q'uinal.

Daniel 7:20

Soc ha nix hich co'tanuc la jca'iybe sc'oblal te lajunch'ix xulubil te ayic ta sjol, soc te yan tut xulubil te loc' talel, te yahlem oxch'ix xulubil ta stojol, ha te xulub te ay sit soc te ay ye te yac ta yalel bayel toyba-c'op, soc te ha muc' xan te bin ut'il te yantic xulubiletique.

Daniel 7:8

Te c'alal yacon ta snopbeyel sc'oblal te xulubiletic, loc' talel yan tut xulubil ta yohlilic, soc la yich' bulel oxch'ix xulubil ta stojol te nahil ayique. Te xulub ay sit hich te bin ut'il sit winic soc ay ye te yac yalbel toyba-c'op.

Daniel 8:11

Muc' la yac' sba ta scontrahinel te príncipe yu'un te tsobolic yu'un te ch'ulchan; la yac' quehchajuc yac'ulanel te milbil mahtaniletic yu'un, soc la sjin cohel c'alal lum te ch'ul awilal yu'une.

Daniel 8:14

Hich la yal: Ha to c'alal ts'acal ho'lajunwinic swacbahc' (2,300) tibiltic soc sahb; patil ya yich' lecubtesel te ch'ul awilal, xchi.

Daniel 8:9

Ay tut xulub te loc' tal ta jun xulubil, te nahtub bahel ta stojol sur, ta stojol banti ya xloc' tal c'ahc'al, soc ta stojol te t'ujbil q'uinale.

Daniel 9:27

Ta jun xan semana ya schap sc'op soc tsobolic, ta j'ohlil semana ya scom ta aq'uel te milbil mahtanil soc te mahtanil yu'un harina. Ya me stehc'an bin ilobtic sba te ya xjinawan, ha to c'alal ya xc'oht ta stojol te jinaw te lajinel te chapal ya yich'e, xchi.

Oseas 7:16

Suhtic, pero ma ha'uc ta stojol te Mach'a mero toyol ay; hich c'ohemic te bin ut'il lo'loywanej t'ihmalte'. Yahlic ta espada te príncipaletic yu'unic ta scaj stoybac'opic; ha ya xtse'layotic yu'un ta sq'uinal Egipto.

2 Tesalonicenses 2:3

Ma me ayuc mach'a ya slo'loyex ta biluc nax ut'il, como ma ba ya xtal ha to teme c'ohtix ta pasel te tsobol ya yihquitayic sch'uhunel Dios soc te ya xchicnaj te winic yu'un mulil, ha te mach'a ch'ayel ya xbaht,

2 Tesalonicenses 2:4

te ya scontrahin soc ya stoy sba ta stojol spisil bintic a'bot sbihilin Dios o te bintic ay ta ch'uhuntayel; ya x'och shuhcan sba ta templo yu'un Dios, ya yac' sba ta cuyel ta Dios.

2 Tesalonicenses 2:8

Tey ya xchicnaj a te mach'a chopol, ha te mach'a ya xjihnot yu'un te Cajwaltic ta sahb nax ye soc te ya xlajinot yu'un te sts'anabul c'alal ya xtale.

Apocalipsis 12:14

Te ants a'bot cheb xic' muc'ul jxic scuenta yu'un hich ya xwihl loq'uel ta stojol te chan, ya xbaht ta jochol taquin q'uinal ta banti ya yich' mac'linel jun shalalil, cheb shalalil, soc j'ohlil shalalil.

Apocalipsis 12:6

Te ants ahn bahel ta jochol taquin q'uinal ta banti chahpambil yawil yu'un Dios, yu'un tey ya yich' mac'linel oxbahc' soc oxwinic (1,260) c'ahc'al a.

Apocalipsis 14:12

Ha ya sc'an te ay yip yo'tanic te mach'atic ch'uhltesbilic, ha te mach'atic ya sch'uhunic spasel te smandar Dios soc te jun yo'tanic ta stojol te Jesús.

Apocalipsis 16:6

como la smalbeyic sch'ich'el te mach'atic ch'uhltesbilic soc te jalwanejetic; ha nix hich ch'ich' la awa'be yuch'ic, como hich ya sc'an pasel ta stojolic, xchi.

Apocalipsis 17:6

La jquil te ants yacuben yu'un te sch'ich'el te mach'atic ch'uhltesbilic soc te sch'ich'el te mach'atic lajemic ta milel ta scuenta Jesús. Mero xcham co'tan yu'un te c'alal la jquil te antse.

Apocalipsis 18:24

Tey ta Babilonia chicnaj te sch'ich'el jalwanejetic soc te mach'atic ch'uhltesbilic soc spisil te lajemic ta milel ta bahlumilal, xchi sc'oblal.