Daniel 7:24 - Bible in Tzeltal Bachajón

²⁴ Te lajunch'ix xulubiletic, ha tey ta ban c'alal scuentahinej ya xchicnaj lajuntuhl ajwaliletic; patil ya xchicnaj yan te ma pajaluc soc te nahil c'axique, soc ya stsal oxtuhl ajwaliletic.

Bible in Tzeltal de Oxchuc y Tenejapa

²⁴ Te lajunch'ix xulub seña lajuntul ajwaliletic te ya swentainic mandalteswanej, te ya x'ochic ta ajwalil tey a. Ta patil teme c'axique, ya me yich' yat'el yan ajwalil. Te ajwalil ma pajaluc yat'el soc ta spisil te yantic sbabial c'axique, ja' ya sloq'uesbey yat'elic ta ajwalil te oxtule.

Daniel 7:24 ပူးပေါင်းရင်းမြစ်များ

Daniel 11:36

Te ajwalil ya me spas te bin ya sc'an yo'tan. Ya me stoy sba soc toyol ya yac' sba yu'un spisil diosetic, soc ay bintic c'ax chopol ya yal ta stojol te Dios yu'un te diosetique. Lec ya xc'oht ha to c'alal ts'acal ya xc'oht te yorahil ilimba, como ya me xc'oht ta pasel te bin chapale.

Daniel 2:41

Te la awil te yoc soc te yalatac yoc te pasbil ta chic'bil lum yu'un jpac'ojom soc ta hierro, ha jchahp ban c'alal scuentahinej ajwalil te sjatoj sbahic; pero yich'beyej jtebuc yip te hierro, hich te bin ut'il la awil te capal ta hierro soc ta chic'bil lum.

Daniel 7:20

Soc ha nix hich co'tanuc la jca'iybe sc'oblal te lajunch'ix xulubil te ayic ta sjol, soc te yan tut xulubil te loc' talel, te yahlem oxch'ix xulubil ta stojol, ha te xulub te ay sit soc te ay ye te yac ta yalel bayel toyba-c'op, soc te ha muc' xan te bin ut'il te yantic xulubiletique.

Daniel 7:23

Hich la yal: Te schanebal chambahlam, ha schanebal ban c'alal ay ta cuentahinel te ya xchicnaj ta q'uinal, ma pajaluc soc spisil te yantique, ya sbic'ticlan c'ohem spisil te q'uinal, ya sts'o'ts'o'tec' soc ya sbutsticlan.

Apocalipsis 12:3

Ay yan seña chicnaj ta ch'ulchan: jun tsajal dragón te ay huqueb sjol soc lajuneb xulub, soc jujun corona ta jujun sjol.

Apocalipsis 13:1

La jtehc'an jba ta shi'al ti'mar, la jquil loc' tal ta mar jcoht chambahlam te xiweltic sba te ay huqueb sjol soc lajunch'ix xulub. Yahtalal scorona te jujuch'ix xulub, soc ta jujun sjol ay sbihil te ya xbohlc'optaywan.

Apocalipsis 17:3

La yic'on bahel ta jochol taquin q'uinal ta scuenta te Espíritu, la jquil jtuhl ants cajal ta tsajal chambahlam te xiweltic sba te scohtol ts'ihbabil bihililetic scuenta sbohlc'optayel Dios, soc ay huqueb sjol soc lajuneb xulub.