Daniel 7:2 - Bible in Tzeltal Bachajón

² Hich la yal te Daniel: La jquil ta jnahalsit ta ahc'abal, te chanchahp ic' la stijbeyic te muc'ul mar.

Bible in Tzeltal de Oxchuc y Tenejapa

² “La quil ta jwaich ta xchanxujc'ul q'uinal tal ic', te la sjujch'iy soc la yac'bey stij sba te ya'lel muc'ul mar.

Daniel 7:2 ပူးပေါင်းရင်းမြစ်များ

Isaías 17:12

¡Ay, te xjuyet bayel pueblohetic ini, hich sc'opic te bin ut'il xju'et mar! ¡Ay, te xjuyet nacionetic ini, hich sc'opic te bin ut'il xnilet bayel ha'etic!

Jeremías 49:36

Ya cac' tal ta stojol Elam te schanxuhcul iq'uetic te ya xtal ta schanxuhcul te ch'ulchane; ya pucticlan bahel ta schanxuhcul te iq'uetique. Mayuc nación te banti ma ba ya xbaht ta ahnel te mach'atic yu'un Elam.

Jeremías 51:42

Mucot yu'un mar te Babilonia, mucot yu'un te yip stselajan.

Daniel 11:4

Pero te c'alal hahchemix a, ya me yich' jimbeyel te ban c'alal scuentahinej soc ya yich' puhquel ta schanchahpal te ic' yu'un te ch'ulchan; ma ba ya x'a'bot te sts'umbal soc ma ba ya stahbe c'ohel yip te bin ut'il te yu'une, como ya me yich' bulel loq'uel, ha ya x'a'bot ta scuenta yantic.

Daniel 2:19

Hich ta ahc'abal a'bot sna' ta nahalsit te Daniel te bin wocol ta na'ele. Ha yu'un te Daniel la yalbe yutsil sc'oblal te Dios ta ch'ulchane,

Daniel 7:13

La jquil ta nahalsitil ta ahc'abal, ay mach'a yac ta talel ta tocal, pajal soc jtuhl snich'an winic; tal ta banti ay te Mamale, ac'ot te ya xnohpoj bahel ta stojol.

Daniel 7:7

Patil la jquil ta nahalsitiletic ta ahc'abal te schanebal chambahlam, mero ilobtic sba soc xiweltic sba, soc ay bayel yip, ha hierro te muc'ul sbaquel ye, yac sbic'ticlambel soc sbutsticlambel, soc yac sts'o'ts'o'tec'ticlambel te bintic hilemique. Ma pajaluc soc te yantic chambahlametic te la jquil ta nahil to; soc ay lajunch'ix xulub.

Daniel 8:2

La jquil ta nahalsit te ayon ta Susa, te capital ta jsehp q'uinal Elam. La jquil ta nahalsit te ayon ta sti'il muc'ul-ha' Ulai.

Daniel 8:8

Te tat tentsun c'ax muc' c'oht; pero c'alal bayelix yip a, wac' te smuc'ul xulube, tey loc' tal chanch'ix muc'ul xulubiletic a, te jujune yiloj bahel ta schanxuhcul te q'uinale.

Zacarías 6:5

Hich la sjac'bon te ch'ul a'bat: Ha te chaneb iq'uetic yu'un te ch'ulchan, te yaquic ta loq'uel tal ta stojol te Ajwalil yu'un swohlol bahlumilal.

San Mateo 24:31

Soc ya me sticonlan bahel te ch'ul a'batetic yu'un soc tulan yoq'uel corneta, ya stsobic tal ta schanebal ic' te mach'atic tsahticlambil yu'un, c'alal ta jehch ta jehch sti'il te ch'ulchane.

Apocalipsis 17:15

Soc hich la yalbon xan te ch'ul a'bat: Te ha'etic la awil te banti hucul te j'antsinel-ants, ha pueblohetic, bayel ants-winiquetic, nacionetic soc c'opiletic.

Apocalipsis 7:1

Patil la jquil chaneb ch'ul a'batetic tec'ajtic ta schanxuhcul bahlumilal, scomojic te chaneb ic' te ya xbehenic ta bahlumilal scuenta yu'un ma ba ya xbehen ic' ta q'uinal, ta mar o ta te'etic.