Daniel 7:14 - Bible in Tzeltal Bachajón

¹⁴ A'bot ya'tel ta cuentahinwanej, a'bot yutsilal soc te banti ya xcuentahinwan, scuenta yu'un spisil pueblohetic, nacionetic soc c'opiletic ya yac' sbahic ta a'batinel yu'un; sbahtel q'uinal te ya'tel ta cuentahinwanej, mayuc bin ora ya xc'ax bahel; soc te banti ya xcuentahinwan mayuc bin ora ya yich' jinel.

Bible in Tzeltal de Oxchuc y Tenejapa

¹⁴ Ac'bot yu'el, ac'bot yutsilal, soc ac'bot yich' yat'el ta muc' ajwalil; la yac' sbaic ta abatinel yu'un ants-winiquetic ta spisil nacionetic soc ta spisil ta jchajp c'opiletic. Stalel ay sbajt'el q'uinal te yu'ele, ma sna' xyanaj, sbajt'el q'uinal ma xlaj yat'el ta mandalteswanej.

Daniel 7:14 ပူးပေါင်းရင်းမြစ်များ

Salmos 102:22

te c'alal ya stsob sbahic te pueblohetic soc te nacionetic yu'un ya sch'uhuntayic te Jehová.

Salmos 103:19

Te Jehová yac'oj smuc'ul-huctajib ta ch'ulchan, soc ha scuentahinej spisil.

Salmos 145:13

Te cuentahinel awu'un ha cuentahinel scuenta sbahtel q'uinal, soc te awa'tel ta ajwalil ay ta spisil ta cajalcaj ts'umbaliletic.

Salmos 146:10

Te Jehová ay ta ajwalil sbahtel q'uinal, ha te Dios awu'un, Sión, ta cajalcaj ts'umbalil. ¡Aleluya!

Salmos 45:6

Te amuc'ul-huctajib, Dios cu'un, spisil ora soc sbahtel q'uinal ay; te bastón yu'un ban c'alal cuentahimbil awu'un, ha bastón yu'un te bin stojil ta pasele.

Salmos 72:11

Spisil te ajwaliletic ya me squejan sbahic ta stojol; spisil te nacionetic ya me yac' sbahic ta a'batinel yu'un.

Salmos 72:17

Ac'a ayinuc spisil ora te sbihile; ac'a halajuc te c'alal ay te c'ahc'ale. Spisil te nacionetic ac'a yich'ic bendición ta scuenta, ac'a yalbeyic lec sc'oblal.

Salmos 8:6

La awa'be scuentahimbat te bintic apasticlanej ta ac'ab, la awa'be spisil ta ye'tal yoc:

Isaías 16:5

Ya yich' yip te huctajibal ta scuenta c'uxul-o'tanil, soc ya xhuhcaj tey a ta nahilpac' yu'un David te jchahpanwanej te stalel jun yo'tan, te ya sle stojil chahpanel soc ora ya spas te bin toj ya sc'an pasele.

Isaías 60:12

Como te nación o te ban c'alal cuentahimbil te ma ba ya yac' sba ta a'batinel awu'un ya me xch'ay bahel; spisil ya yich' jinel ta jc'axel.

Isaías 9:6

Como ayinemix jtuhl alal ta jcuentatic, a'bilotic jtuhl nich'anil, ha ya xc'oht ta stojol te cuentahinwanej. Hich ya x'a'bot sbihil: C'ax lequil J'ac'-o'tanil, Dios te ay yu'el, Tatil sbahtel q'uinal, Snich'an ajwalil yu'un lamal q'uinal.

Isaías 9:7

Te ya xmuc'ub te cuentahinel yu'un soc te lamal q'uinal yu'une, mayuc slajibal ta shuctajib David soc ta ban c'alal scuentahinej; ha ya shach soc ya ya'be yip ta scuenta stojil chahpanel soc toj bin ay ta pasel ta ora ini soc ta sbahtel q'uinal. Ha ya sc'ohtes ta pasel ini te xut'et yo'tan te Jehová te scuentahinej spisil.

Daniel 2:35

La yich'ic wuyticlanel te hierro, chic'bil lum, bronce, plata soc te oro, hich c'oht te bin ut'il suhlil trigo ta swuyojibal ta yorahil snahtil c'ahc'al, jc'axel lichot bahel ta ic', mayuc bin chican hilel. Pero te ton te la smaj te loc'omba c'atp'uj ta muc'ul wits te la snojes spisil te bahlumilale.

Daniel 2:37

Ha'at, ajwalil, ha'at ajwalilat yu'un ajwaliletic; como te Dios ta ch'ulchan la yotsesat ta ajwalil, la ya'bat awu'el, awip soc awutsilal.

Daniel 2:44

Te yorahil te ajwaliletic ini te Dios ta ch'ulchan ya me shach jchahp ban c'alal ya scuentahin jtuhl ajwalil te mayuc bin ora ya xlaj, soc ma ba ya x'ac'ot hilel ta sc'ab yan nación; ha ya swuyticlan soc ya slajinlan spisil te jchahp ban c'alal scuentahinejic te ajwaliletic ini, pero sbahtel q'uinal ya xhil stuquel,

Daniel 3:4

Te mach'a ay ta scuenta yalel, hich la yal ta aw: Pueblohetic, nacionetic soc spisil ta chahp c'opiletic, hich ay te mandar ta atojolic:

Daniel 4:3

¡C'ax muc' te señahiletic yu'un soc c'ax bayel yip te jchahp a'teliletic yu'une! Sbahtel q'uinal ay ta ajwalil; te cuentahinel yu'un stalel ay ta cajalcaj ts'umbalil.

Daniel 6:26

Ho'on ya cal tulan mandar te ta spisil te ban c'alal jcuentahinej spisilic ya me xiwic soc ya me yich'ic ta muc' te Dios yu'un Daniel. Como ha te cuxul Dios soc sbahtel q'uinal ay. Te ban c'alal cuentahimbil yu'un mayuc bin ora ya xlaj, soc te cuentahinel yu'un stalel ya xhalaj.

Daniel 7:18

Patil, te mach'atic yu'un te Mamal te ch'uhltesbilic ya me yich'ic te ban c'alal ay ta cuentahinel, ha yu'unic ya xc'oht ta sbahtel q'uinal.

Daniel 7:27

Soc te cuentahinel, te yip soc te yutsilal spisil ta chahp ban c'alal ayic ta cuentahinel ta ye'tal ch'ulchan ya x'a'bot te mach'atic ch'uhltesbilic te ha yu'unic te Mach'a mero toyol ay. Sbahtel q'uinal ay te cuentahinel yu'unic, soc spisil te ajwaliletic ya me yac' sbahic ta a'batinel yu'unic soc ya me sch'uhumbeyic smandar.

Abdías 1:21

Te jcoltaywanejetic ya xmohic bahel ta wits Sión yu'un ya scuentahinic te wits yu'un Esaú. ¡Yu'un Jehová ya xc'oht te ban c'alal ay ta cuentahinele!

Miqueas 4:7

Te coxo'etic ya cac' te ha'ic te mach'atic hilemic, te mach'atic puhquemic ya cac' te ha tulan nación ya xc'ohtic. Ya xcuentahinotic yu'un Jehová ta wits Sión, ta ora ini soc ta sbahtel q'uinal.

San Mateo 11:27

Spisil te bintic ay, a'bibilon ta jc'ab yu'un te Jtate; soc mayuc mach'a ya sna'be sba te Nich'anil, ha nax te Tatil te ya sna'be sba, soc mayuc mach'a ya sna'be sba te Tatil, ha nax te Nich'anil te ya sna'be sba soc te mach'atic ya sc'an ya x'a'botic sna'beyic sba yu'un te Nich'anil.

San Mateo 28:18

Nohpoj tal te Jesús, hich la yalbe: A'botonix quich' tulan ca'tel ta ch'ulchan soc ta bahlumilal.

San Lucas 1:33

Sbahtel q'uinal ay ta ajwalil yu'un te patil al-nich'anetic yu'un Jacob; mayuc slajibal te cuentahinel yu'une, xchi sc'oblal.

San Lucas 10:22

Spisil te bintic ay, a'bibilon ta jc'ab yu'un te Jtate; soc mayuc mach'a ya sna'be sba te Nich'anil, ha nax te Tatile; soc mayuc mach'a ya sna'be sba te Tatil, ha nax te Nich'anil soc te mach'atic ya sc'an ya x'a'bot sna'beyic sba yu'un te Nich'anile, xchi.

San Juan 12:34

Hich la sjaq'uic te ants-winiquetique: Ca'iyejcotic ta Shun Dios te stalel cuxul te Cristo. Ha yu'un ¿bin yu'un yac awal te ya sc'an ya yich' toyel hahchel te Nich'anil ay ta scuenta winic? ¿Mach'a a te Nich'anil ay ta scuenta winic yac awale? xchihic.

San Juan 3:35

Te Tatil c'ux ya ya'iy ta yo'tan te Nich'anil soc ya'beyej ta sc'ab spisil bintic ay.

Hebreos 12:28

Te cuentahinel yu'un Dios te yac quich'beltic ma xhu' ta niquel, ha yu'un ac'a me caltic wocol yu'un, soc ac'a cac' jbahtic ta a'batinel ta stojol Dios soc xiwel soc yich'el ta muc', hich te bin ut'il lec yo'tan yu'une.

1 Pedro 3:22

te mach'a mohix ta ch'ulchan soc te ayix ta swa'el-c'ab te Diose; ha scuentahinej ch'ul a'batetic soc te mach'atic ay ya'telic soc te ay yu'elique.

Apocalipsis 1:6

soc te la yac'otic ta ajwalil soc ta sacerdotehil ta stojol Dios te State. Hichuc.

Apocalipsis 11:15

Te shuquebal ch'ul a'bat la yoq'uesin te scorneta, ay mach'atic tulan c'opojic ta ch'ulchan, hich yacalic ta yalel: Te cuentahinel yu'un te bahlumilal, ha yu'unix te Cajwaltic Dios soc te Cristo yu'une, ha ya xcuentahinwan sbahtel q'uinal, xchihic.

Apocalipsis 17:14

Ya me ya'beyic guerra te Jcolel Tuminchij, pero ya me xtsalotic yu'un, como ha principal yu'un principaletic soc ha Ajwalil yu'un ajwaliletic; soc te mach'atic sjoquinejic, ha'ic te mach'atic ic'bilic, tsahbilic soc te jun yo'tanic ta stojol, xchi.

Apocalipsis 3:21

Te mach'a ya ya'iy tsalaw, ya cac' sjoquinon ta huclej ta jmuc'ul-huctajib, hich te bin ut'il la jca'iy tsalaw soc la joquin ta huclej ta smuc'ul-huctajib te Jtate.