Daniel 7:10 - Bible in Tzeltal Bachajón

¹⁰ Ay muc'ul-ha' yu'un c'ahc' yac ta oc loq'uel tal ta stojol; bayel ta mil ta mil ta tuhl ya yac' sbahic ta a'batinel yu'un, soc bayel ta millón ta millón tec'ajtic ta stojol. La shuhcan sba te Jchahpanwanej, soc la yich' jamticlanel te librohetique.

Bible in Tzeltal de Oxchuc y Tenejapa

¹⁰ jun muc'ul c'ajc' yac ta loq'uel tel jichuc ja' tey a. Bayal ta jmil te mach'atic ya yac' sbaic ta abatinel yu'une; bayal ta millón tec'ajtic ta stojol. Te jtsojp jchajbanwanejetic, jajch'ic ta at'el, la yich' jamel te libroetique.

Daniel 7:10 ပူးပေါင်းရင်းမြစ်များ

1 Reyes 22:19

La yal xan te Micaías: A'iya me awa'iy te sc'op Jehová: La jquil te Jehová hucul ta smuc'ul huctajib, spisil te mach'atic ayic ta ch'ulchan tec'ajtic ta stojol ta swa'el soc ta sq'uexam.

2 Crónicas 18:18

La yal xan te Micaías: A'iya me awa'iyic te sc'op Jehová: La jquil te Jehová hucul ta smuc'ul huctajib, soc spisil te ch'ul abatetic ta ch'ulchan ayic ta swa'el soc ta sq'uexam.

Job 25:3

¿Ya bal xhu' ta ahtayel te soldadohetic yu'une? ¿Mach'a a te ma ba sacuben q'uinal ta stojol yu'une?

Salmos 103:21

¡Halbeyahic yutsil sc'oblal Jehová, apisilic te a'batex yu'un, ha'ex te a'batex yu'un te yac apasic te bin ya sc'an yo'tan!

Salmos 18:8

Loc' ch'ahil ta sni' soc loc' jlajinwanej c'ahc' ta ye, loc' ac'al te stsacoj c'ahc'.

Salmos 50:3

Ya me xtal te Dios cu'untic, ma ba ya xch'ab; ay c'ahc' ta stojol te ya xlajinwan soc joytaybil ta tulan ic' ta sjoyobal.

Salmos 68:17

Te carretahetic yu'un Dios c'ax bayel ta mil; te Cajwal loc' tal ta Sinaí, hul ta templo yu'un.

Isaías 30:27

¡Ilawil, ya xtal ta namal te sbihil te Jehová! tihlem yilimba soc pim sch'ahilel; nojel yilimba ta ye, soc te yac' hich ay te bin ut'il c'ahc' te ya xlajinwan.

Isaías 30:33

Como ayix c'ahc'al chapal te Tofet, chapalix yu'un te ajwalile. Jamal soc c'ubul la yich' pasel te yawil c'ahc' yu'un, soc bayel c'ahc' soc si'. Te yic'al Jehová ya schic' te si' hich te bin ut'il bayel azufre te ya xmal bahel.

Daniel 12:1

Ta hich ora ya xhahch te Miguel, te muc'ul príncipal te ya scanantay te pueblo awu'une. Ha yorahil bayel wocol, mayuc hich c'ohem ta pasel c'alal hahchemic nacionetic c'alal ta hich ora. Pero ta hich ora ya x'ac'ot ta libre te pueblo awu'un, spisil te mach'atic ts'ihbabil sbihilic ta libro.

Daniel 7:22

ha to c'alal tal te jtuhl Mamal, la schahpan ta stojil te mach'atic ch'uhltesbilic yu'un te Mach'a mero toyol ay, soc c'oht yorahil te mach'atic ch'uhltesbilic la yu'untayic te ban c'alal ay ta cuentahinel.

Daniel 7:26

Pero ya shuhcan sbahic ta chahpanwanej te jchahpanwanejetique, ya xloq'uesbot ya'tel ta cuentahinwanej, ya xjihnot soc ya xlajinot sbahtel q'uinal.

Zacarías 14:5

Ya me x'ahnex bahel ta spamlej yu'un te witsiltique, como te spamlej yu'un te witsiltic ya xc'oht c'alal ta Azal. Hich ya x'ahnex bahel te bin ut'il ahnex bahel ta scaj te nihquel ta yorahil Uzías, ajwalil yu'un Judá. Soc ya xtal te Jehová te Dios cu'un, sjoquinejix tal spisil te mach'atic ch'ultesbilique.

San Mateo 25:31

C'alal ya xtal soc yutsilal te Nich'anil ay ta scuenta winic soc spisil te ch'ul a'batetic, ya shuhcan sba ta smuc'ul-huctajib ta utsilal,

Deuteronomio 33:2

Hich la yal: Te Jehová tal ta Sinaí; c'alal ta Seir yac'oj tal sts'anabul; la sacubtes tal q'uinal c'alal ta wits Parán, hahchem tal soc tsobol ta mil mach'atic ch'uhltesbilic, ta swa'el-c'ab yich'oj tal te ley te ay sts'anabul.

Hebreos 1:14

¿Ma bal meleluc te spisil te ch'ul a'batetic ha espírituhetic te ayic ta a'batinel, te ticombilic ta scoltayel te mach'atic ya yich'ic te colele?

Hebreos 12:22

Pero te ha'exe nohpojemex bahel ta wits Sión, ta muc'ul pueblo yu'un te cuxul Dios, ha te Jerusalén scuenta ch'ulchan, ta stojol tsobol ta mil ch'ul a'batetic,

Judas 1:14

Te Enoc, te shuc-cajal patil al-nich'an yu'un te Adán, hich nix la yalbe sc'oblalic ta sc'op-jalwanej: Ilawil, talix te Cajwaltic soc tsobol ta mil ta mil te mach'atic yu'un te ch'uhltesbilic,

Apocalipsis 11:18

Ilin yo'tanic te nacionetic, pero hulemix te awilimba; ha yorahilix te ya x'ochic ta ich'el ta c'op te mach'atic chamenic, yorahilix te ya x'a'bot stojol sc'abic te a'batetic awu'un, ha te jalwanejetic, te mach'atic ch'uhltesbilic, te ya yich'ic ta muc' te abihile, muc' biq'uit, soc yorahilix te yac ajinticlan te mach'atic ya sjinic te bahlumilale, xchihic.

Apocalipsis 5:11

Patil la jquil, soc la jca'iybe sc'op bayel ta mil millón ch'ul a'batetic ta sjoyobal te muc'ul-huctajibal, soc te bintic cuxajtic soc te mamaletic,