Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Daniel 6:7 - Bible in Tzeltal Bachajón

7 Spisil te gobernadoretic yu'un te ban c'alal jcuentahinejtic, te j'il-a'teliletic, schebal ajwaliletic, príncipaletic soc capitanetic la schap sc'opic te ay bin ya yal ta mandar te ajwalil soc ya yac' te ya xc'oht ta pasel, ha te mach'ayuc a te ay bin ya sc'ambe jtuhl dios o jtuhl winic ta lajuneb scha'winic (30) c'ahc'al, te ma ba atuquel nax ya sc'ambat, ya yich' ch'ojel ochel ta sch'en chojetic.

အခန်းကိုကြည့်ပါ။ ကော်ပီ

Bible in Tzeltal de Oxchuc y Tenejapa

7 —Ta jpisiltic te ya jwentaintic te nacione, la jpastic tsoblej te banti la yich' chapel te ya yich' puquel ta alel chajbanbil c'op ta awenta, ja'at muc' ajwalil, te banti ya yal mandal te lajuneb xcha'winic (30) c'aal, ma'yuc mach'a ya yalbey wocol ni junuc dios, ni jtuluc winic, ja'at nax atuquel ya yich' alel wocol ta atojol. Te mach'a ma ba ya xch'uune, ya me yich' ch'ojel ochel ta xch'en león-chojetic.

အခန်းကိုကြည့်ပါ။ ကော်ပီ




Daniel 6:7
25 ပူးပေါင်းရင်းမြစ်များ  

hich ya snac' sba te bin ut'il choj ay ta ch'en, ya snac' sba yu'un ya stsac te pobre; ya stsac te pobre, ya yic' bahel soc stsacojibal.


Ya xhahchic te ajwaliletic ta q'uinal, soc te príncipaletic junax ya yac' sbahic ta schapel scontrahinel te Jehová soc te mach'a tsahbil yu'une.


Como snac'oj sbahic yu'un ya smilonic; stsoboj sbahic ta jcontra winiquetic te ay yipic, ma ha'uc ta scuenta te bin jpasoj o ta scuenta jmul, Jehová.


Ha'at Jehová, Diosat yu'un tsobolic, Diosat yu'un Israel, cuxa awo'tan yu'un yac awac'ticlambe castigo spisil te nacionetic; ma me xana'be yo'bolil sbahic te mach'atic stoyoj sbahic soc schopolil. Selah


Ha nax ya snopic te ya sjinic cohel te banti toyol ay; ha c'ux ta yo'tanic te lote. Ya yalbeyic lec sc'oblal ta yehic, pero ta yo'tanic ya yalbe chopol sc'oblal. Selah


Junax sc'op ya schapic; ya schap sbahic yu'un scontrahimbelat:


¿Ya bal xpas te jun awo'tan soc te jmulawil huctajibal te ya spas te bin chopol ta scuenta te ley yu'une?


Ha yu'un te mach'atic ay sp'ijilic hich la yalbeyic te ajwalil ta arameo: ¡Ajwalil, te yacuc xcuxajat sbahtel q'uinal! Halbeya te a'batetic awu'un te awayiche, hich ya calbatcotic te bin ya sc'an ya yal, xchihic.


soc te mach'a ma ba ya squejan sbahic soc ma ba ya sch'uhuntayic ya me yich' ch'ojel ochel ta horno banti yac ta tihlel c'ahc'.


Te ajwalil Nabucodonosor la sticonlan ta iq'uel tal te schebal ajwaliletic, mach'atic toyol ya'telic, gobernadoretic, j'ac'-o'taniletic, tesorerohetic, juecetic, soc spisil mach'atic yich'oj ya'telic ta jujusehp q'uinal, yu'un ya xtalic ta q'uin yu'un te loc'omba te la stehc'an te ajwalil Nabucodonosor.


Te schebal ajwaliletic, te gobernadoretic, capitanetic soc te j'ac'-o'taniletic la stsob sbahic tal ta yilel te winiquetic; la yilic te mayuc bin pasbot yu'un te c'ahc' te sbaq'uetalic, jxuht' ma ba c'ahc' te stsotsel sjolic, mayuc bin pasbot te sc'u' spaq'uic, ni ma chicanuc yic' te ch'ahile.


Te mach'atic ma ba ya squejan sbahic soc ya sch'uhuntayic, ora ya yich'ic ch'ojel ochel ta horno yu'un c'ahc' te yac ta tihlel, xchi.


Ha yu'un te ajwalil la yal mandar te ya sticonic ta iq'uel te Daniel, hich la sch'ojic ochel ta sch'en te chojetique. Te ajwalil hich la yalbe te Daniel: Te Dios awu'un, te spisil ora awac'oj aba ta a'batinel yu'une, ac'a scoltayat, xchi.


Te Dios cu'un la sticon tal ch'ul a'bat yu'un ya smacbe ye te chojetic scuenta yu'un ma ba ya yuts'inonic, como mayuc jmul ta stojol, soc mayuc bin chopol jpasoj ta atojol, ajwalil, xchi.


Pueblohat cu'un, na'a me yo'tic bin la snop te Balac ajwalil yu'un Moab, soc te bin jac'bot yu'un te Balaam snich'an Beor. Na'a me c'alal ayat ta Sitim, c'alal c'axat bahel ta Gilgal, yu'un yac ana'ticlanic te bintic toj la spas te Jehová.


Te choj bayel swe'el la stsacbe te alal chojetic yu'un, la sbutsticlambe te me' chojetic yu'un, noj ta ti'bal te ch'enetic yu'un, noj ta yelec' te yawilique.


Ha yu'un loq'uic bahel te fariseohetic, baht schapic bin ya yut ya smilic te Jesús.


la schapic bin ya yut ya slo'loyic yu'un ya stsaquic soc ya smilic te Jesús.


Te principal sacerdotehetic, te mamaletic, escribanohetic soc spisil mach'atic ay ya'telic schapoj sc'opic ta buen sab, hich chucul a la yiq'uic bahel te Jesús, la ya'beyic ta sc'ab te Pilato.


Ha yu'un te principal sacerdotehetic ha nix hich la schapbeyic sc'oblal ta milel te Lázaro,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ