Daniel 6:4 - Bible in Tzeltal Bachajón

⁴ Te gobernadoretic soc te schebal ajwaliletic la slehic bin ut'il ya slehbeyic smul ta scuenta ya'tel ta stojol te ajwalil; pero ma ba hu' yu'unic stahbeyel smul o falta yu'un, como jun yo'tan, hich mayuc bin chopol la stahic o te ma ts'acaluc la spas te ya'tele.

Bible in Tzeltal de Oxchuc y Tenejapa

⁴ Te mach'atic la yich' yat'elic ta yilel yat'el yantic, soc te gobernadoretic, la sleic bi ya yut ya slebeyic smul ta swenta yat'el te muc' ajwalile, pero melel buen toj yo'tan ya x'at'ej te Daniel, ma ba wejt' yu'unic banti ya stabeyic smul. Jich ma'yuc bila ju' yu'unic yaq'uel ta swenta.

Daniel 6:4 ပူးပေါင်းရင်းမြစ်များ

Génesis 41:38

Ha yu'un te faraón la yalbe te a'batetic yu'un: ¿Banti c'an jtatic te mach'a hich yo'tan te bin ut'il te winic ini, te yich'oj te espíritu yu'un te Diose? xchi.

Génesis 43:18

Ha yu'un te winiquetic och xiwel ta yo'tanic yu'un c'alal ic'otic ochel ta sna José, hich la yalbe sbahic: Ha la yic'otic tal li'i ta scaj te taq'uin te suht bahel ta jcostaltic ta shahchibal, yu'un ya slehbotic jmultic, ya stsacotic soc ya smosohinotic soc te burrohetic cu'untic, xchihic yu'un.

Proverbios 29:27

Te mach'a toj yo'tan ya yihlay te mach'a ma ba toj yo'tan, te mach'a chopol yo'tan ya yihlay te mach'a toj yo'tan.

Eclesiastés 4:4

Soc la jquil te spisil a'tel soc spisil te bin lec ya yich' pasel, tey ya xhahch tal a te sbic'tal yo'tan ta stojol te spat-xuhque. Ha nix hich tojol nax soc ha snutsel te iq'ue.

Jeremías 18:18

Hich la yalic: La'ic, ya jchahp jc'optic ta scontrahinel te Jeremías; como ma xpasot falta te nohptesel yu'un te sacerdotehetic, te j'ac'-o'tanil yu'un te mach'atic ay sp'ijilic, soc te sc'op te jalwanejetique. La'ic, ya jcomtic ta c'op, ma ba ya quich'tic ta cuenta te bin ya yale, xchihic.

Jeremías 18:23

Pero ha'at, Jehová, yac ana'be spisil te bin chapbil yu'unic yu'un ya smilonic. Ma me xapasbe perdón yu'un te schopolilic, soc ma me xatup'be ta atojol te smulique. ¡Ac'a sc'ohchin yoquic ta atojol, hich me xapasbe ta yorahil awilimba!

Jeremías 20:10

La jca'iybe sajsaj c'opic tsobolic te hich ya yalic: ¡Ay tulan xiwel ta bayuc! ¡Halbeyahic smul! ¡Ya jlehbetic smul! xchihic. Spisil te mach'atic jun co'tan soc ya smahliyic te ya jc'ohchin te coque. Hich ya yalic: Ya wan xhu' ta lo'loyel, hich ya jtsaltic soc ya jsutbetic spacol, xchihic.

Jeremías 29:7

Lehbeyahic te yutsil slequil te pueblo ta banti la jquiq'uex bahele, soc c'opombeyahic te Jehová, yu'un teme ay yutsil slequilique, hich ay awutsil alequilic.

Daniel 3:8

Ta hich ora ay caldeo-winiquetic te tal slehbeyic smul te judiohetique.

Daniel 5:12

como c'ax lec xan te espíritu yich'oj, bayel xan ya sna' bintic ay ta na'el, soc ya xhu' yu'un sna'beyel scuentahil wayichiletic, yalbeyel sc'oblal chuhcul c'opetic soc schahpanel te bintic wocol ta chahpanel; ha te Daniel, te a'bot yan sbihil Beltsasar yu'un te ajwalile. Ticona ta iq'uel tal te Daniel, ha ya ya'bat ana' te bin ya yal te bin ts'ihbabil, xchi.

Daniel 6:22

Te Dios cu'un la sticon tal ch'ul a'bat yu'un ya smacbe ye te chojetic scuenta yu'un ma ba ya yuts'inonic, como mayuc jmul ta stojol, soc mayuc bin chopol jpasoj ta atojol, ajwalil, xchi.

San Mateo 26:4

la schapic bin ya yut ya slo'loyic yu'un ya stsaquic soc ya smilic te Jesús.

San Mateo 27:18

Como sna'oj te ta scaj yil-o'tantaybelic te la yaq'uic ta c'abal.

San Lucas 20:20

Ha yu'un la sticonic bahel jtsahtaywanejetic te la scuy sbahic ta toj yo'tanic scuenta yu'un ya stsajic ta sc'op, hich ya xhu' ya yaq'uic ta sc'ab te gobernador a.

San Lucas 20:26

Hich ma ba hu' yu'unic stsajbelic ta c'op ta stojol te ants-winiquetic, pero xcham yo'tanic yu'un te suhtibe, ch'abic yu'un.

San Lucas 22:2

Te principal sacerdotehetic soc escribanohetic yac slehbelic bin ut'il ya smilic te Jesús, como ha xi'ojic te ants-winiquetique.

San Juan 19:4

Hich te Pilato loc' xan tal, hich la yalbe te judíohetique: Ilawilic, ya quic'beyex loq'uel tal scuenta yu'un ya me ana'ic te mayuc smul la jtahbe, xchi.

2 Corintios 11:12

Pero te bin yac jpasbel, hich ya jpas xan bahel, scuenta yu'un hich ma ba ya ca'be spas te mach'atic ya sle bin ut'il ya spajaltayotcotic te bin ya stoy sbahic yu'une,

Filipenses 2:15

scuenta yu'un mayuc bin ya sutotex ta c'op yu'un soc mayuc amulic, ha yal-snich'anex Dios te mayuc awa'baquil te ayex ta yohlil te caj ts'umbalil ini te chopol soc bohl, te hich ya xtihlex ta bahlumilal te bin ut'il eq'uetic ta yohlilic,

1 Timoteo 5:14

Ha yu'un ya jc'an te ya xnuhpunic te me'ba' antsetic te peq'uel to ya'bilalic, ac'a scoltes yalataquic, ac'a scuentahin snahic, hich ma xweht te bin chopol ya yal yu'un te contra,

Tito 2:8

soc lequil c'op xawal te ma xhu' ta contrahinel, scuenta yu'un ya sta q'uexlal a te acontra soc ma xweht bin chopol ya yalbotic jc'oblaltic.

1 Pedro 2:12

Lecuc me bin yac apasic ta stojol mach'atic ma ba sch'uhunejic Dios, aunque ya yalbeyex ac'oblalic te ha chopol bintic yac apasic, ya me yilbeyex te lec awa'telic, hich ya yalbe yutsil sc'oblal te Dios te bin c'ahc'alil ya xtale.

1 Pedro 3:16

Lecuc me bin ya yalbat awo'tan, scuenta yu'un ya xq'uexawic te mach'atic chopol bin ya yalbeyic sc'oblal te bintic lec yac apasic te bin ut'il yu'unex Cristo.

Jueces 14:4

Te sme'stat ma ba la sna'ic te ha chahpambil yu'un Jehová, yu'un yac ta slehel bin ut'il ya scontrahin te filisteohetic; como ha yorahil a te cuentahimbilic yu'un te filisteohetic te Israel.

1 Samuel 12:4

Mayuc la atojol-lehbotcotic jmulcotic o la awuts'inotcotic, soc mayuc bin awich'ojbe yan, xchihic.

1 Samuel 18:14

Lec c'oht spisil te bintic la spas, como joquimbil yu'un te Jehová.

1 Samuel 22:14

Te Ahimelec la sjac'be sc'op te ajwalil: Ta spisil te a'batetic awu'un, ¿mach'a a te hich jun yo'tan ta atojol te bin ut'il te David, te ha nix snihal te ajwalil, te yich'oj ya'tel ta stojol soc te ich'bil ta cuenta ta ana?