Daniel 6:22 - Bible in Tzeltal Bachajón

²² Te Dios cu'un la sticon tal ch'ul a'bat yu'un ya smacbe ye te chojetic scuenta yu'un ma ba ya yuts'inonic, como mayuc jmul ta stojol, soc mayuc bin chopol jpasoj ta atojol, ajwalil, xchi.

Bible in Tzeltal de Oxchuc y Tenejapa

²² Te Dios cu'un la sticun tel ch'ul abat yu'un, ja' la smacbey ye te león-chojetique. Jich ma'yuc bila la spasbon te león-chojetique, melel sna'oj te Dios te ma'yuc bila amen jpasojbat ta atojol te muc' ajwalilat cu'untique —xi'.

Daniel 6:22 ပူးပေါင်းရင်းမြစ်များ

Génesis 40:15

Yu'un elc'ambilon tal ta sq'uinal te hebreohetic, soc mayuc bin jpasoj te ac'bilon ta chuquel yu'un, xchi.

2 Samuel 22:7

C'alal ay jwocol a la jc'opon te Jehová, la jcawtay te Dios cu'un. La ya'iybon jc'op c'alal ta templo yu'un; c'oht ta schiquin te caw.

1 Reyes 13:28

hich baht. La sta te schamen-baq'uetal soc te burro soc te choj ayic ta sts'ehl. Te choj ma ba swe'beyej te schamen-baq'uetal soc mayuc bin spasbeyej te burro.

2 Crónicas 32:21

Hich te Jehová la sticon tal ch'ul a'bat te la smil spisil te mach'atic ma xiwic soc te jtsobawetic soc capitanetic ta campamento yu'un te ajwalil yu'un Asiria. Hich q'uexaw suhtel ta sq'uinal. Te c'alal och bahel ta templo yu'un te dios yu'une, tey milot yu'un a te mero snich'nabe.

Salmos 118:28

Ha'at Diosat cu'un, ya calbat wocol; Diosat cu'un, ya calbat yutsil ac'oblal.

Salmos 26:6

Ya jpoc jc'ab ta scuenta te mayuc jmul, hich ya xbehenon ta sjoyobal te scajtajib ta chiq'uel mahtanil awu'un, Jehová,

Salmos 31:14

Pero ha'at smuc'ulat co'tan, Jehová; hich ya cal: ¡Ha'at Diosat cu'un,

Salmos 34:7

Te ch'ul a'bat yu'un Jehová ay ta sjoyobal te mach'atic ya yich'ic ta muc', soc ha ya scoltay.

Salmos 38:21

Ma me xawihquitayon, Jehová, Dios cu'un, ma me namaluc xawac' aba ta jtojol.

Salmos 84:11

Como ha c'ahc'al soc mahquilal te Jehová Dios; ha ya yac' yutsil-o'tanil soc utsilal. Ma ba ya sloq'uesbe te bin lec te mach'atic mayuc bin smulinejic.

Isaías 3:10

Halbeya te mach'a toj te lec ya xc'oht ta loq'uel, como ya me swe'be sit te ya'tel sc'ab.

Isaías 63:9

Ta spisil te swocolic, ha nix hich la ya'iy wocol, ha coltayotic yu'un te ch'ul a'bat te ay ta stojol. Ta scuenta sc'uxul yo'tan soc sna'beyel yo'bolil sbahic la yac'ticlan ta libre; la shachticlan, la speticlan bahel spisil ora c'alal ta namey.

Jeremías 37:18

Ha nix hich te Jeremías la sjoc'obe te ajwalil Sedequías: ¿Bin jmul la jta ta atojol, ta stojol te a'batetic awu'un o te pueblo ini, yu'un yac awotseson ta cárcel?

Daniel 3:28

Hich la yal te Nabucodonosor: Bayel me yutsil te Dios yu'un Sadrac, Mesac soc Abed-nego, te la sticon tal ch'ul a'bat yu'un ta scoltayel te a'batetic yu'un te jun yo'tanic ta stojole. Ma ba la spasic bin la yal ta mandar te ajwalil, manchuc ya xlajic, ma ba ya yac' sbahic ta a'batinel ta stojol yan diosetic soc ma ba ya sch'uhuntayic, ha nax stuquel te Dios yu'unique.

Daniel 6:20

Te c'alal nopoj ta ch'en, smeloj yo'tan a la yawtay te Daniel, hich la yalbe: Daniel, a'batat yu'un te cuxul Dios, te Dios awu'un, te spisil ora awac'oj aba ta a'batinel yu'une, ¿hu' bal yu'un te la scoltayat ta ye te chojetic? xchi.

Daniel 6:23

Te ajwalil buen tse'el yo'tan yu'un, la yac' ta loq'uesel tal ta ch'en te Daniel. Hich la sloq'uesic ta ch'en te Daniel, mayuc banti ehchenajem, como ha smuc'ulinej yo'tan te Dios yu'une.

Daniel 6:4

Te gobernadoretic soc te schebal ajwaliletic la slehic bin ut'il ya slehbeyic smul ta scuenta ya'tel ta stojol te ajwalil; pero ma ba hu' yu'unic stahbeyel smul o falta yu'un, como jun yo'tan, hich mayuc bin chopol la stahic o te ma ts'acaluc la spas te ya'tele.

Daniel 6:7

Spisil te gobernadoretic yu'un te ban c'alal jcuentahinejtic, te j'il-a'teliletic, schebal ajwaliletic, príncipaletic soc capitanetic la schap sc'opic te ay bin ya yal ta mandar te ajwalil soc ya yac' te ya xc'oht ta pasel, ha te mach'ayuc a te ay bin ya sc'ambe jtuhl dios o jtuhl winic ta lajuneb scha'winic (30) c'ahc'al, te ma ba atuquel nax ya sc'ambat, ya yich' ch'ojel ochel ta sch'en chojetic.

Miqueas 7:7

Pero te ho'one ya cac' jsit ta stojol te Jehová, ha ya jmahliy te Dios yu'un te jcolele; ya ya'iybon jc'op te Dios cu'une.

Números 20:16

Ha yu'un awonotcotic ta stojol Jehová, la ya'iy jc'opcotic, la sticon tal jtuhl ch'ul a'bat, la sloq'uesotcotic tal ta Egipto. Yo'tic li' ayotcotic ta Cades, te pueblo ay ta sti'il te aq'uinale.

San Mateo 27:46

Nopol sta oxeb ora suhtel c'ahc'al a, tulan awon te Jesús: Elí, Elí, ¿lama sabactani? xchi. (Dios cu'un, Dios cu'un, ¿bin yu'un apihtesejon? xchi te c'asesbile.)

Hechos 12:11

C'alal la sna' q'uinal te Pedro, hich la yal: La jna'ix te melel te Cajwaltic la sticon tal ch'ul a'bat yu'un soc la scoltayonix loq'uel ta sc'ab te Herodes soc spisil bintic yac smahliybel te judíohetic, xchi.

Hechos 24:16

Ha scuentahil te spisil ora ya jc'an te lec co'tan ya ca'iy ta stojol Dios soc ta stojol ants-winiquetic.

Hechos 27:23

Yu'un ahc'abe la stehc'an sba ta jtojol jtuhl ch'ul a'bat yu'un Dios, ha te ayon ta scuenta soc te ayon ta a'batinel yu'un,

2 Corintios 1:12

Hich ay te bin ya xtohy q'uinal ya ca'iycotic yu'un: Ha te ya yal te co'tancotic te smelelil soc ta scuenta jun-o'tanil te ya yac' te Dios hich a'tejotcotic ta bahlumilal, soc c'ax to xan hich a ta awohlilic. Ma hichuc la jpascotic ta scuenta sp'ijil ch'ich'-baq'uet, ha la jpascotic ta scuenta yutsil yo'tan te Diose.

2 Timoteo 4:17

Pero ay ta jts'ehl te Cajwaltic soc la ya'bon quip, scuenta yu'un hich ts'acal la yich' halel te Sc'op Dios ta jcuenta, yu'un hich me ya ya'iyic spisil a te jyanlumetique. Hich colon ta ye jti'awal choj.

Hebreos 1:14

¿Ma bal meleluc te spisil te ch'ul a'batetic ha espírituhetic te ayic ta a'batinel, te ticombilic ta scoltayel te mach'atic ya yich'ic te colele?

Hebreos 11:33

te ha ta scuenta sch'uhunel yo'tanic hu' yu'unic stsalel ajwaliletic, toj la ya'iyic chahpanwanej, la stahic te bin halbotic sc'oblal, la smacbeyic ye chojetic,

1 Samuel 17:37

Te Jehová te la scoltayon loq'uel ta yehch'ac choj soc ta yehch'ac oso, ha nix hich ya scoltayon loq'uel ta sc'ab te filisteo ini, xchi. Te Saúl la yalbe te David: Bahan, soc ac'a sjoquinat te Jehová, xchi.

1 Samuel 26:18

Soc la yal xan: ¿Bin yu'un yac anutsbelon te a'baton awu'une, cajwal? ¿Bin jpasoj? ¿Bin chopol jpasoj?