Daniel 6:16 - Bible in Tzeltal Bachajón

¹⁶ Ha yu'un te ajwalil la yal mandar te ya sticonic ta iq'uel te Daniel, hich la sch'ojic ochel ta sch'en te chojetique. Te ajwalil hich la yalbe te Daniel: Te Dios awu'un, te spisil ora awac'oj aba ta a'batinel yu'une, ac'a scoltayat, xchi.

Bible in Tzeltal de Oxchuc y Tenejapa

¹⁶ Ja' yu'un te muc' ajwalil la sticun ta iq'uel te Daniel, swenta yu'un ya xch'ojic ochel ta xch'en te león-chojetique. Pero te c'alal ma to ba ch'ojbil coel a te Daniel, jich albot yu'un te muc' ajwalile: —Te Dios awu'une, ja' te mero jun awo'tan awac'oj aba ta abatinel yu'un, ac'a scoltayat —xi'.

Daniel 6:16 ပူးပေါင်းရင်းမြစ်များ

2 Samuel 3:39

Mayuc quip yo'tic, aunque tsahbilon ta ajwalil. Te winiquetic ini, ha te yalatac Sarvia, c'ax tulanic stuquelic. ¡Ac'a ya'be stoj Jehová te mach'a chopol bin ya spas, ha chican bin yilel te schopolile! xchi.

Job 5:19

Ya scoltayat loq'uel ta waqueb awocol, ta shuquebal ma ba ya stahat te bin chopole.

Proverbios 29:25

Te xiwel ta stojol ants-winiquetic, ha yaquil c'ohem, yan te mach'a ha smuc'ulinej yo'tan te Jehová, canantaybil stuquel.

Isaías 41:10

Ma me xiwat, como joquinejat; ma me xamel awo'tan, como ho'on te Dioson awu'une; ya ca'bat awip, ya jcoltayat, ya jtsacat ta jwa'el-c'ab te ya xtsalawane.

Isaías 43:2

Te c'alal ya xc'axat ta ha'etic, ho'on ya joquinat; te c'alal ya c'axat ta muc'ul-ha'etic, ma ba ya smulat. C'alal ya xc'axat ta c'ahc', ma ba ya xchic'at; ma ba ya spetat te yat c'ahq'ue.

Jeremías 26:14

Te ho'one ayon ta ac'abic, pasbonic te bin lec soc te bin toj yac awa'iyique.

Jeremías 38:5

La sjac' te ajwalil Sedequías: Ay ta ac'abic, mayuc bin ya xhu' ya spas te ajwalil yu'un ya scomex, xchi.

Jeremías 38:6

Ha yu'un la stsaquic te Jeremías, la yotsesic ta hotbil ch'en yu'un Malquías snich'an te ajwalil, te ay ta yamaq'uil te cárcel. La scohtesic ta lazo. Mayuc ya'lel te hotbil ch'en, ha nax ahch'al; te Jeremías co bahel ta ahch'al.

Jeremías 39:17

Pero ta hich ora ya me cac'at ta libre, xchi te Jehová, ma ba ya x'ochat ta sc'abic te mach'atic yac axi'e.

Daniel 3:15

Yo'tic, teme yac awa'iybeyic sc'op te corneta, flauta, cítara, lira, salterio, gaita, soc spisil te a'tejibaletic yu'un música, ¿ya bal aquejan abahic soc ya bal ach'uhuntayic te loc'omba te jpasoje? Como teme ma ba yac ach'uhuntayique, ora nax yac awich'ic ch'ojel ochel ta horno banti yac ta tihlel c'ahc'. ¿Mach'a diosil ya xhu' ya scoltayex loq'uel ta jc'ab? xchi.

Daniel 3:17

Te Dios cu'uncotic, te cac'oj jbahcotic ta a'batinel yu'une, ya xhu' ya scoltayotcotic loq'uel ta horno banti yac ta tihlel c'ahc', soc ya xhu' ya scoltayotcotic loq'uel ta ac'ab, ajwalil.

Daniel 3:28

Hich la yal te Nabucodonosor: Bayel me yutsil te Dios yu'un Sadrac, Mesac soc Abed-nego, te la sticon tal ch'ul a'bat yu'un ta scoltayel te a'batetic yu'un te jun yo'tanic ta stojole. Ma ba la spasic bin la yal ta mandar te ajwalil, manchuc ya xlajic, ma ba ya yac' sbahic ta a'batinel ta stojol yan diosetic soc ma ba ya sch'uhuntayic, ha nax stuquel te Dios yu'unique.

Daniel 6:20

Te c'alal nopoj ta ch'en, smeloj yo'tan a la yawtay te Daniel, hich la yalbe: Daniel, a'batat yu'un te cuxul Dios, te Dios awu'un, te spisil ora awac'oj aba ta a'batinel yu'une, ¿hu' bal yu'un te la scoltayat ta ye te chojetic? xchi.

Daniel 6:7

Spisil te gobernadoretic yu'un te ban c'alal jcuentahinejtic, te j'il-a'teliletic, schebal ajwaliletic, príncipaletic soc capitanetic la schap sc'opic te ay bin ya yal ta mandar te ajwalil soc ya yac' te ya xc'oht ta pasel, ha te mach'ayuc a te ay bin ya sc'ambe jtuhl dios o jtuhl winic ta lajuneb scha'winic (30) c'ahc'al, te ma ba atuquel nax ya sc'ambat, ya yich' ch'ojel ochel ta sch'en chojetic.

Hechos 24:27

C'alal ts'acay cheb ha'bil, hil ta sjelol Félix te Porcio Festo. Pero te Félix la sc'an te lecuc yo'tanic ya xhilic yu'un te judíohetic, hich hil ta chuquel yu'un te Pablo.

Hechos 25:11

Teme ay bin chopol jpasoj te bin scuenta lajel, ma ba ya cal te ma ba ya xlajon yu'un; yan teme mayuc hich jpasoj te bin ya yalbonic, mayuc mach'a ya xhu' ya yac'on ta sc'abic. Ha ya jc'an ya schahpanon te César, xchi.

Hechos 25:9

Pero te Festo yo'tan spasbe te bin lec yo'tanic yu'un te judíohetic, ha yu'un la sjoc'obe te Pablo: ¿Ya bal ac'an ya xmohat bahel ta Jerusalén yu'un tey yac awich' chahpanel ta jtojol a? xchi.

Romanos 13:3

Como te mach'atic ay ya'telic ma yu'unuc ya ya'be xiwel te mach'atic lec bin ya spasic, ha nax te mach'atic chopol bin ya spasique. Teme yac ac'an te ma ba yac axi' te mach'a ay ya'tel, pasa te bin lec, hich ya xhalbotat lec ac'oblal yu'un,

2 Corintios 1:10

Ha nix la scoltayotcotic ta muc'ul lajel soc ya scoltayotcotic ta ora ini, soc ha smuc'ul co'tancotic te ya to scoltayotic xan ta patil.