Daniel 6:14 - Bible in Tzeltal Bachajón

¹⁴ C'alal hich la ya'iy te ajwalil, bayel la smel yo'tan yu'un, la snop te ya scoltay te Daniel. Ha to c'alal mahl c'ahc'al la snop bin ya yut ya scoltay.

Bible in Tzeltal de Oxchuc y Tenejapa

¹⁴ C'alal la yaiy te muc' ajwalile, bayal la smel yo'tan yu'un, la sle bi ya yut ya scoltay te Daniel. Yac ta snopel smalel c'aal te bi ya yut ya scoltaye.

Daniel 6:14 ပူးပေါင်းရင်းမြစ်များ

1 Crónicas 12:35

Te sts'umbal Dan, oxpic soc lajunwinic slahchaybahc' (28,600) ta tuhl chapalic ta yaq'uel guerra.

Ester 3:8

Te Amán hich la yalbe te ajwalil Asuero: Ay jun pueblo te puhquemic ta yohlil te pueblohetic ta spisil ta jujusehp q'uinal te ban c'alal acuentahinej, te leyetic yu'unic ma pajaluc soc te leyetic yu'un te yantic pueblohetic, soc ma ba ya sch'uhunic spasel te leyetic yu'un te ajwalil. Mayuc bin ya xtuhun yu'un te ajwalil teme cuxul ya xhilic.

Daniel 1:6

Ta yohlil te queremetic tey ayic a te Daniel, Ananías, Misael soc Azarías, te sts'umbalic Judá.

Daniel 3:12

Ay judio-winiquetic te la awa'be ya'telic ta jsehp q'uinal yu'un Babilonia, ha te Sadrac, Mesac soc Abed-nego; te winiquetic ini ma xyich'at ta cuenta, ajwalil, ma ba ya sch'uhuntayic te diosetic awu'un soc ma ba ya sch'uhuntayic te loc'omba pasbil ta oro te atehc'anej.

Daniel 3:13

Ha yu'un te Nabucodonosor soc yilimba soc sc'ahc'al yo'tan la yal te ya x'ic'bot tal te Sadrac, Mesac soc Abed-nego. Ha yu'un ic'otic tal ta stojol ta ora.

San Marcos 6:26

Te ajwalil bayel la smel yo'tan yu'un. Pero ta scaj te bin jc'axel yaloj ta jamal soc ta scaj te mach'atic sjoquinej ta mesa, ma ba la sc'an te ya smac ta c'op.