Daniel 6:11 - Bible in Tzeltal Bachajón

¹¹ Hich te winiquetic la stsob sbahic, la stahic te Daniel yac ta sc'oponel Dios soc yac ta yalbeyel wocol ta stojol te Dios yu'une.

Bible in Tzeltal de Oxchuc y Tenejapa

¹¹ Jich te winiquetique, pajal ochic bael ta sna Daniel, yac ta sc'oponel Dios soc yac ta yalel yutsilal sc'oplal Dios c'o staic.

Daniel 6:11 ပူးပေါင်းရင်းမြစ်များ

1 Reyes 8:48

teme ya suhtes yo'tanic ta atojol ta spisil yo'tanic soc ta spisil sch'uhlelic tey ta sq'uinal te scontrahic te ic'otic bahel ta chuquel yu'un, teme ya sc'oponat tal ta stojol te q'uinal la awa'be te sme'static, ta stojol te pueblo te tsahbil awu'un soc te Na la jpasbat yu'un te abihile,

Salmos 10:9

hich ya snac' sba te bin ut'il choj ay ta ch'en, ya snac' sba yu'un ya stsac te pobre; ya stsac te pobre, ya yic' bahel soc stsacojibal.

Salmos 119:164

Huqueb buelta jujun c'ahc'al ya calbat yutsil ac'oblal ta scaj stojil bintic chahpambil awu'un.

Salmos 28:2

A'iybon awa'iy caw te c'alal ya jc'ambat coltayel, te c'alal ya jtoy jc'ab ta stojol te ch'ul Templo awu'une.

Jeremías 51:50

¡Ha'ex te colex loq'uel ta espada, bahanic, ma xatehc'an abahic! ¡Na'ahic me te Jehová ta banti namal ayex, soc na'ahic me te Jerusalén!

Daniel 6:6

Ha yu'un te gobernadoretic soc te schebal ajwaliletic la stsob sbahic ta stojol te ajwalil, hich la yalbeyic: ¡Sbahtel q'uinal ac'a cuxajuc te ajwalil Darío!