Daniel 6:10 - Bible in Tzeltal Bachajón

¹⁰ Te c'alal la ya'iy te Daniel te yich'oj firma te mandare, baht ta sna, la sjam te ventanahetic ta banti ya xway, te ayic ta stojol bahel te Jerusalén, la squejan sba oxeb buelta jujun c'ahc'al, la sc'opon Dios soc la yalbe wocol, hich te bin ut'il ya spasulan spisil ora.

Bible in Tzeltal de Oxchuc y Tenejapa

¹⁰ Te c'alal la yaiy te Daniel te la yac' sfirma, bajt' ta sna. La sjam te ventanaetic te banti ya xwaye, te ayic ta stojol bael Jerusalén. La squejan sba ta sc'oponel Dios soc ta yalel yutsilal. Jich la spas oxeb buelta ta jujun c'aal, jich nix te bit'il la spas spisil ora.

Daniel 6:10 ပူးပေါင်းရင်းမြစ်များ

1 Reyes 8:30

A'iybeya awa'iy te sc'op te a'bat awu'un soc te sc'op te pueblo Israel awu'un. C'alal ya sc'oponat ta lugar ini, a'iybeya sc'opic c'alal banti nahinemat ta ch'ulchan. A'iybeya soc pasbeya perdón.

1 Reyes 8:38

mach'ayuc a, o teme spisil te pueblo Israel awu'un te ya sc'oponat o te ya yalbat wocol, te bin ora ya yil te ay swocol soc ya shach sc'abic ta stojol te Na ini,

1 Reyes 8:44

Te c'alal ya xloc' bahel ta ya'beyel guerra te scontra te pueblo awu'un, ta bayuc behil te yac aticon bahel, teme ya yac' sitic ta stojol te pueblo te tsahbil awu'un soc ta stojol te Na te la jpasbat yu'un te abihil c'alal ya sc'oponic Jehová,

1 Reyes 8:54

Te c'alal laj yo'tan te Salomón ta sc'oponel Jehová soc ta yalbeyel wocol, hahch ta stojol te scajtajib ta chiq'uel mahtanil te banti squejanej sba soc shachoj sc'ab ta stojol ch'ulchan.

2 Crónicas 6:13

Te Salomón spasojix yawil pasbil ta bronce banti ya stehc'an sba, ho'eb xuhc'ubil snahtil, ho'eb xuhc'ubil sjamalil soc oxeb xuhc'ubil stoyolil, soc yac'oj ta yohlil te amac'. La stehc'an sba tey a, la squejan sba ta stojol spisil te pueblo Israel, la shach mohel sc'ab ta ch'ulchan,

2 Crónicas 6:38

teme ya suhtes yo'tanic ta atojol ta spisil yo'tanic soc ta spisil sch'uhlelic tey ta sq'uinal te scontrahic te ic'otic bahel ta chuquel yu'un, teme ya yac' tal sit yelawic ta stojol te q'uinal te la awa'be te sme'static yu'un ya sc'oponat, ta stojol te pueblo te tsahbil awu'un soc te Na la jpasbat yu'un te abihile,

Esdras 9:5

Ta yorahil yaq'uel te mahtanil ta tibiltic, hahchon, loc'on tey ta jwocol, jch'i'ojix a te jmuc'ul c'u' soc te jnahtil-c'u', la jquejan jba, la hach jc'ab ta stojol Jehová te Dios cu'un,

Nehemías 6:11

Pero hich la jcalbe: Te jtuhl winic hich te bin ut'il ho'on ¿ya bal xloc' ta ahnel? Soc ¿mach'a a, te pajal soc ho'on, te ya x'och ta Templo ta scoltayel scuxlejal? Ma ba ya x'ochon, xchihon.

Salmos 34:1

Ya calbe yutsil sc'oblal Jehová ta spisil ora; spisil ora ay ta que sc'ayojtaybeyel yutsilal.

Salmos 5:7

Yan te ho'one, ta scuenta bayel sc'uxul awo'tan ya x'ochon ta Na awu'un; ta scuenta quich'belat ta muc' ya jquejan jba ta stojol te ch'ul Templo awu'une.

Salmos 55:17

Ta tibiltic, ta sab soc ta ohlil c'ahc'al ya xc'opojon soc ya x'awonon, ha me ya ya'iybon jc'op.

Salmos 86:3

Na'bon yo'bolil jba, Jehová, como ya cawtayat spisil ora.

Salmos 95:6

La'ic, ya jquejan jbahtic ta stojol, ya jch'uhuntaytic, ac'a jquejan jbahtic ta stojol Jehová, te Jpaswanej cu'untic,

Daniel 6:13

Hich la sjac'beyic te ajwalil: Te Daniel, te jtuhl te ic'ot loq'uel tal ta chuquel ta Judá, ma ba ya yich'at ta cuenta, ajwalil, o te mandaril te la awac' afirma a, oxeb buelta jujun c'ahc'al ya sc'opon te Dios yu'une, xchihic.

Daniel 9:4

La jc'opon te Jehová te Dios cu'un, hich la jcal: Cajwal, muc'ul Diosat, te ayat ta xi'el, te yac awac' c'ohtuc ta pasel te chapbil-c'op soc yac ac'uxultay te mach'atic c'uxat ta yo'tanic soc te ya sch'uhunic spasel te mandariletic awu'une.

Jonás 2:4

Ha yu'un hich la jcal: Loq'uesbilon ta atojol, mayuquix bin ora ya quil te ch'ul templo awu'un, xchihon.

San Marcos 3:3

Te Jesús hich la yalbe te winic te taquijem sc'ab: Hahchan, tehc'ana aba ta ohlil, xchi.

San Lucas 14:26

Te mach'a ya xtal ta jtojol, teme ma ba ya sloq'ues ta yo'tan te sme'stat, yihnam, yal-snich'nab, sbanquiltac, swixitac, yihts'inab soc nix te scuxlejale, ma xhu' ya x'och ta jnopojel cu'un.

San Lucas 22:41

Hich spimil jahc bahel te bin ut'il ay ta ch'ojel ton, tey c'oht squejan sba ta sc'oponel Dios a,

Hechos 10:9

Ta schebal c'ahc'al, te c'alal yacalic ta behel soc nopol ya xc'ohtiquix ta pueblo a, te Pedro mo bahel ta yamaq'uil scha'cajal na ta sc'oponel Dios, nopol sta ohlil c'ahc'al a.

Hechos 2:15

Te winiquetic ini ma ba yuch'ojic, ma hichuc te bin ut'il acuyojic, como baluneb to nax ora sacubel q'uinal.

Hechos 20:24

Pero mayuc sc'oblal ta co'tan te jcuxlejal, ha nax ay sc'oblal te yacuc xhu' cu'un slajinel soc yutsil co'tan te ahnimal soc te ca'tel quich'oj yu'un te Cajwaltic Jesús, ha te yalbeyel sc'oblal te lec yach'il c'op yu'un te yutsil yo'tan te Diose.

Hechos 20:36

C'alal laj yalbel a ini, la squejan sba, la sc'opon Dios soc te yantique.

Hechos 21:5

C'alal ts'acay sc'ahc'alel, loc'otcotic bahel. La sjoquinotcotic loq'uel tal ta sti'il te pueblo spisilic soc yihnamic soc yal-snich'nabic, la jquejan jbahcotic ta ti'ha', la jc'oponcotic Dios.

Hechos 3:1

Te Pedro soc Juan bahtic ta Templo ta oxeb ora suhtel c'ahc'al a, ha te yorahil sc'oponel Dios.

Hechos 4:29

Yo'tic, Cajwal, ilawil te comel yu'unic soc a'beya yip yo'tanic te a'batetic awu'un ta yalel te ac'op,

Hechos 5:20

Bahanic, tehc'ana abahic ta Templo, halbeya ya'iyic te pueblo spisil bin ut'il ay sc'oblal te yach'il cuxlejale, xchi.

Hechos 5:29

Hich la sjac' te Pedro soc te yantic jpuc-c'opetic: Ha bayel xan sc'oblal te ya jch'uhumbetic smandar Dios te bin ut'il te smandar winiquetique.

Hechos 7:60

Hich la squejan sba, tulan c'opoj: Cajwal, ma me xawa'be smulinic, xchi. Laj yalbel a, way sbaq'uetal.

Hechos 9:40

Te Pedro la sticon loq'uel spisilic, la squejan sba soc la sc'opon Dios; la sut sba ta stojol te chamen baq'uet soc hich la yal: Hahchan, Tabita, xchi. La swic' sit te Tabita, c'alal la yil te Pedro, la shuhcan hahchel sba.

Efesios 3:14

Ha scuentahil te ya jquejan jba ta stojol te Stat te Cajwaltic Jesucristo,

Filipenses 1:14

Soc ay tsobol quermanotactic te tey la yich' xan yip yo'tanic a ta scuenta te Cajwaltic yu'un te bin ut'il chuculon, mayuc xiwel yu'unic a ya yaq'uic xan fuersa ta yalel te sc'op Diose.

Filipenses 1:20

Ha ya sc'an co'tan soc ha smuc'ul co'tan te mayuc bin ya jta q'uexlal yu'un, pero socuc yip co'tan ta ora ini, hich te bin ut'il ta spisil ora, yacuc x'ich'ot ta muc' Cristo ta scuenta jbaq'uetal, teme cuxulon o teme ya xchamone,

Filipenses 4:6

Ma me ayuc bin ya sna'ulan awo'tanic yu'un, pero ta scuenta sc'oponel Dios soc yalel wocol, a'beya sna' Dios spisil te bintic yac ac'ambeyic, soc halbeyahic wocol Dios yu'un.

Colosenses 3:17

Spisil te bintic yac apasic, teme ta ac'opic o te bin yac apasic, pasahic spisil ta scuenta sbihil te Cajwaltic Jesús, soc halbeyahic wocol te Jtatic Dios ta scuenta.

Hebreos 13:15

Ha yu'un ta scuenta Jesús spisiluc me ora ac'a calbetic yutsil sc'oblal te Diose, te ha milbil mahtanil cu'untic c'ohem, ha te jc'optic te ya yalbe ta jamal te sbihile.

Hebreos 4:16

Ha yu'un junuc co'tantic ac'a nopojucotic bahel ta stojol te muc'ul-huctajibal yu'un Dios banti ay yutsil-o'tanil, scuenta yu'un ya jtahtic c'uxultayel soc yu'el te ya scoltayotic ta yorahil te jwocoltique.

Apocalipsis 2:10

Ma me xiwat yu'un teme ya xc'ax awocol. Ay me ya yotsesex ta cárcel te pucuj scuenta atsajelic; lajuneb c'ahc'al ya me xc'ax awocolic. Junuc me awo'tan ha to c'alal ya xlajat, ya me ca'bat te corona scuenta cuxlejal.

Apocalipsis 2:13

Ya jna' banti nahinemat, ta banti ay te shuctajib te Satanás. Pero stalel jun awo'tan ta jtojol, ma ba amucoj ta awo'tan te ach'uhunejon, ni ha'uc te c'alal laj ta awohlilic te Antipas te testigo cu'un te jun yo'tan ta jtojol, tey ta banti nahinem te Satanás.