Daniel 5:7 - Bible in Tzeltal Bachajón

⁷ Tulan awon te ajwalil te ya me yiq'uic tal te jpas-señahetic, caldeohetic soc te jna'ojeletique; te ajwalil hich la yalbe te p'ijil winiquetic yu'un Babilonia: Te mach'a ya yil te bin ts'ihbabil ini soc ya ya'bon jna' te bin sc'oblale, ya x'a'bot slap chi'in-yaxal c'u'ul, ya x'a'bot yuhan cadena pasbil ta oro, soc ha yoxebal ajwalil ya xc'oht ta ban c'alal jcuentahinej, xchi.

Bible in Tzeltal de Oxchuc y Tenejapa

⁷ Ora jajch' ta aw, ja' la yic' tel te mach'atic ay bila ya sna'ic syoljoltayele soc te mach'atic bayal bila sna'ojic, soc te mach'atic ay bila sna'ojic ta swenta c'aal, u, eq'uetic te ayic ta Babilonia, jich la yalbey: —Te mach'a ya sna' yilel te bila ts'ibubil ta pajq'ue, soc teme ya yalbon caiy te bila ya sc'an ya yale, ya me yich' ac'beyel slap púrpura c'u'il soc ya yich' ac'beyel yuan ta snuc' cadena pasbil ta oro, ja' me ya xc'ot ta yoxebal ajwalil ta banti yacon ta mandalteswaneje —xi'.

Daniel 5:7 ပူးပေါင်းရင်းမြစ်များ

Génesis 41:8

C'alal sacub q'uinal bayel bin tal ta yo'tan yu'un, ha yu'un la sticonlan ta iq'uel spisil te jna'ojeletic soc te p'ijil winiquetic ayic ta Egipto; la yalbe ya'iyic te swayich, pero mayuc mach'a la sna'be scuentahil.

Ester 3:1

Ta patil ini, te ajwalil Asuero la stohytesbe ya'tel te Amán snich'an Hamedata, sts'umbal Agag, ha toyol xan c'oht yu'un spisil te príncipaletic te joquimbilic yu'une.

Éxodo 7:11

Ha yu'un te faraón la yic' tal te p'ijil winiquetic soc te j'ac'-chameletic, hich nix la spasic te j'ilojeletic yu'un Egipto ta scuenta sc'oblaltesel yu'unic:

Proverbios 1:9

como yutsil sch'ahlel ajol ya xc'oht soc uhalil ta anuc'.

Cantares 1:10

Buen t'ujbil te acho ta yohlil ach'ahlel, soc te anuc' ta yohlil te uhaliletic.

Isaías 47:13

Luhbenat yu'un te bayel tojobtesel awich'oj. Ac'a tal scoltayat te mach'atic ya stsahtay yilic te ch'ulchan, te mach'atic ya yilulanic eq'uetic, ta jujun yach'il u ya yalic bin ya xc'oht ta pasel ta atojol.

Jeremías 50:35

Ac'a yich'ic contrahinel yu'un espada te caldeohetic, xchi te Jehová, soc te mach'atic nahinemic ta Babilonia, soc te príncipaletic soc te p'ijil winiquetic yu'une.

Ezequiel 16:11

La jch'alat ta ch'ahlelaletic, la jca'bat sch'ahlel snuc' ac'ab soc uhalil ta anuc'.

Daniel 1:20

Ta spisil te sc'oblal p'ijil-o'tanil soc te bintic ay ta na'el te joc'obotic yu'un te ajwalil, la sta te lajuneb buelta tohyem sp'ijilic a te bin ut'il spisil te jpas-señahiletic soc te jna'ojeletic te ayic ta ban c'alal scuentahinej te ajwalile.

Daniel 1:4

ha queremetic te mayuc bin jihnem ta sbaq'uetalic, te t'ujbilic, te p'ijubenic ta spisil bintic ay ta nopel, te ya sna'ic bintic ay ta na'el soc lec snopojibal yu'unic, te lec ya xtuhunic ta sna ajwalil. Ya me ya'be snopic te sc'opic soc te hunetic yu'un te caldeohetique.

Daniel 2:2

Hich te ajwalil la sticonlan ta iq'uel tal te jpas-señahetic, jna'ojeletic, jmonawetic soc te mach'atic ay sp'ijilic, yu'un ya yalbeyic sc'oblal te swayiche. Hich c'oht stehc'an sbahic ta stojol te ajwalile.

Daniel 2:27

La sjac' te Daniel: Mayuc ni jtuhluc p'ijil winic o te mach'a ay bin ya sna' ta scuenta te c'ahc'al, u, eq'uetic, mayuc jpas-senahil o jna'ojel te ya xhu' ya ya'be sna' te ajwalil te bin wocol ta na'ele.

Daniel 2:48

Te ajwalil la stohytesbe ya'tel te Daniel, la ya'be bayel mahtaniletic, la ya'be ya'tel ta gobernador yu'un spisil te jsehp q'uinal Babilonia soc jtsobaw yu'un spisil te p'ijil winiquetic yu'un Babilonia.

Daniel 2:6

Pero teme yac awalbonic te bin la jwayichtay soc te bin ya sc'an ya yale, ya ca'beyex amahtanic, yac awich'ic c'uxultayel soc ich'el ta muc'. Ha yu'un halbonic te bin la jwayichtay soc te bin ya sc'an ya yal, xchi.

Daniel 4:14

Hich tulan la yal: Ts'etahic te te' soc set'beyahic te sc'abc'ab, jixbeyahic te ya'binal soc pucbeyahic te site. Ac'a ahnuquic bahel te chambahlametic te ayic ta ye'tal, soc te mutetic ayic ta sc'abc'ab.

Daniel 5:11

Li' ta banti yac awa'iy cuentahinwanej ay jtuhl winic te ay ta yo'tan te espíritu yu'un te ch'ul diosetic, soc ta yorahil atat chicnaj te ya sna' q'uinal, ay bin ya sna' soc ay sp'ijil yo'tan hich te bin ut'il te sp'ijil yo'tan te diosetique. Te ajwalil Nabucodonosor, te atat, la ya'be ya'tel ta jtsobaw yu'un spisil te jpas-señahiletic, jmonawetic, caldeohetic soc jna'ojeletic,

Daniel 5:15

Te p'ijil winiquetic soc te jmonawetic la yich'ic iq'uel tal ta jtojol yu'un ya yilic te bin ts'ihbabil ini soc ya yalbonic bin sc'oblal, pero ma ba hu' yu'unic ya ya'bonic jna' te sc'oblale.

Daniel 5:16

Pero ca'iyej te ya xhu' awu'un yalbeyel sc'oblal soc schahpanel bintic chuhcul ta chahpanel. Teme ya xhu' yac awil te bin ts'ihbabil li'i soc te yac awalbon te sc'oblale, ya x'a'botat alap chi'in-yaxal c'u'ul, ya x'a'botat awuhan cadena pasbil ta oro, soc ha yoxebal ajwalil ya xc'ohat ta ban c'alal jcuentahinej, xchi.

Daniel 5:29

Hich te Belsasar la yal mandar te ya x'a'bot slap chi'in-yaxal c'u'ul te Daniel, te ya x'a'bot yuhan cadena pasbil ta oro soc te ya yich' puhquel ta halel te ha yoxtuhlul ajwalil ya xc'oht te ban c'alal scuentahinej te ajwalile.

Números 22:17

yu'un bayel ya cac'at ta ich'el ta muc' soc ya jpas spisil te bin yac awalbon. La' me hiche, bohlobtesbeya sc'oblal te pueblo ini, xchihic.

Números 22:7

Bahtic te mamaletic yu'un Moab soc Madián, yich'ojic bahel ta sc'abic te mahtaniletic scuenta na'ojel. C'ohtic ta stojol Balaam, la yalbeyic te bin la yal te Balac.

Números 24:11

¡Yo'tic, bahanix ta ahnel ta alumal! La jcalbat te bayel ya cac'at ta ich'el ta muc', pero te Jehová ma ba la yac' te ya x'ich'otat ta muc', la yut.

1 Samuel 17:25

Hich ya yalic ta jujutuhl te mach'atic yu'un Israel: ¿La bal awilic te winic te loc' talel? Ya xloc' tal stijbe hahchel yo'tan te Israel. Te mach'a ya xhu' yu'un stsalele, ya x'a'bot bayel sc'ulejal yu'un te ajwalil soc ya x'a'bot te yantsil-nich'an, soc ma ba ya yac' spatan te mach'atic ay yu'un te stat ta Israel, xchihic.