Daniel 5:3 - Bible in Tzeltal Bachajón

³ Hich la yich'ic talel te vasohetic pasbilic ta oro te loq'uemic tal ta templo yu'un Dios te ay ta Jerusalén, la yuch'ic vino a te ajwalil soc te príncipaletic, te antsetic yu'un soc te yan antsetic yu'une.

Daniel 5:3 ပူးပေါင်းရင်းမြစ်များ

2 Crónicas 36:18

Soc spisil te biluquiletic ta sna Dios, muq'uic soc tutic, te c'ulejaliletic yu'un te sna Jehová, te c'ulejaliletic yu'un te sna ajwalil soc yu'un te príncipaletic, spisil la yich' bahel ta Babilonia.

Isaías 5:14

Ha yu'un muc'ub te yutil te yawil mach'atic chamenic soc ma p'isbiluc la sjam ye; tey ya xcohic bahel a te mach'atic yu'un Jerusalén te ay sc'oblalic soc te tsobolic yu'un, te mach'atic xjuyetic soc te mach'atic tse'el yo'tanic yu'un.

Jeremías 50:28

Ya xchicnaj sc'op te mach'atic loq'uic ta ahnel ta sq'uinal Babilonia, yu'un ya yalbeyic ta Sión sc'oblal te spacol a'botic yu'un Jehová te Dios cu'untic, te a'botic spacol yu'un te templo yu'une.

Daniel 5:2

C'alal u'untayot yu'un te vino, te Belsasar la sticon ta ich'el tal te vasohetic pasbilic ta oro soc ta plata te ich'otic talel ta templo ta Jerusalén yu'un te Nabucodonosor te stat, yu'un ya yuch'ic vino a te ajwalil soc te príncipaletic, te antsetic yu'un soc te yan antsetic yu'une.

Daniel 5:23

La atoy aba ta stojol te Ajwalil yu'un te ch'ulchan; la aticon ta ich'el tal ta atojol te vasohetic yu'un te templo yu'un; ha'at soc te príncipaletic, te antsetic awu'un soc te yan antsetic awu'un la awuch'ic vino a; soc la awalbe yutsil sc'oblal te diosetic te pasbilic ta plata, oro, bronce, hierro, te' soc ton, te ma xyilic q'uinal, ma xya'iyic c'op, soc mayuc bin ya sna'ic; ma ba la awich' ta muc' te Dios te ay ta sc'ab te acuxlejal soc spisil te behetic awu'une.

Daniel 5:4

La yuch'ic vino soc la yalbeyic yutsil sc'oblalic te diosetic te pasbilic ta oro, ta plata, ta bronce, ta hierro, ta te' soc ta ton.

Oseas 2:8

Ma ba la sna' te ho'on la jca'be te trigo, vino soc te aceite; te la jp'ohltes te plata soc te oro te la smahtantesic a te Baal.

Habacuc 1:11

Patil ya xc'axic xan bahel hich te bin ut'il tulan ic'; ha smulic te ha dios c'ohem yu'unic te yipique.

Malaquías 1:12

Pero ha'ex yac abohlobtesbe sc'oblal te c'alal hich yac awalic: Bohloben sc'oblal te mesa yu'un te Jehová, te xchihex, soc te c'alal yac awalic te p'ajbil te we'elil yu'une.

1 Tesalonicenses 5:3

Te c'alal hich ya yalic: Lamal q'uinal, lec ay spisil, repente nax ya xtal jinel ta stojolic, hich te bin ut'il ya xhahch sc'uxul c'alal ya x'ayin yal te antse, ma ba ya xhu' ya x'ahnic loq'uel.

Jueces 19:1

Ta yorahil te mayuc ajwalil ta Israel a, ay jtuhl levita-winic te nahinem hich te bin ut'il jbehyom ta lugar te namal ay ta witsiltic yu'un Efraín. Yic'oj jtuhl ants talem ta Belén ta sq'uinal Judá.