Daniel 5:23 - Bible in Tzeltal Bachajón

²³ La atoy aba ta stojol te Ajwalil yu'un te ch'ulchan; la aticon ta ich'el tal ta atojol te vasohetic yu'un te templo yu'un; ha'at soc te príncipaletic, te antsetic awu'un soc te yan antsetic awu'un la awuch'ic vino a; soc la awalbe yutsil sc'oblal te diosetic te pasbilic ta plata, oro, bronce, hierro, te' soc ton, te ma xyilic q'uinal, ma xya'iyic c'op, soc mayuc bin ya sna'ic; ma ba la awich' ta muc' te Dios te ay ta sc'ab te acuxlejal soc spisil te behetic awu'une.

Bible in Tzeltal de Oxchuc y Tenejapa

²³ Pero ma jichuc la apas. Ja'at te muc' ajwalilate, la alaban te Cajwaltic te ay ta ch'ulchane, melel la aticun ta ich'el tel ta amesa te vasoetic soc te muc'ul tazaetic yu'un templo ta Jerusalén. Ja'at soc te mach'atic ic'bil awu'une la awuch'ic vino a, soc la awalbey yutsil sc'oplal diosetic a te pasbil ta oro, ta plata, ta bronce, ta hierro, ta te' soc ta ton, ja'ic te ma xyilic q'uinal, te ma xyaiyic c'op, soc te ma'yuc bi ya sna'ique. Yan te Dios yich'ojbat ta sc'ab acuxlejal te ja'at te muc' ajwalilate, soc te ja' nax ta swenta stuquel te ay bila ya xju' awu'un spasele, ma ba ya awalbey yutsil sc'oplal stuquel.

Daniel 5:23 ပူးပေါင်းရင်းမြစ်များ

Génesis 14:19

soc la ya'be bendición te Abram, hich la yal: Bayeluc me yutsil sc'oblal te Abram yu'un te Dios te mero toyol ay, ha te mach'a la spas te ch'ulchan soc te bahlumilal:

Génesis 2:7

Dios la spas te winic ta ts'ubil lum, la shuhxibe sni' ta ic' yu'un cuxlejal, hich cuxaj.

2 Reyes 14:10

Melel la atsalix te Edom soc la atoyix aba yu'un. Toya aba yu'un hiche, pero hilan ta ana. ¿Bin yu'un yac ale te bin ma lecuc te ya yac' te pajal ya xlajat soc te Judá? xchi sc'oblal.

Job 12:10

Ay ta sc'ab te scuxlejal spisil bintic cuxajtic soc te ic' te cuxulic a spisil te ants-winiquetique.

Job 31:4

¿Ma bal yacuc yilbon Dios te behetic cu'un, soc ya yahtay te jujujihm te coque?

Salmos 104:29

Teme yac anac' asit awelaw ta stojolic, ya xiwic; teme yac apojbe te ic' yu'unic, ya xchamic, ya sutp'ijic ta ts'ubilum.

Salmos 115:16

Yu'un Jehová te ch'ulchan, ha la ya'be te ants-winiquetic te lumq'uinale.

Salmos 139:3

Atsahtayej banti ya xbehenon soc banti ya jcux co'tan; ana'oj spisil te behetic cu'un;

Salmos 146:4

Te c'alal ya xloc' sch'uhlel, ya suht ta ts'ubil lum; ha nix yorahil a ya xch'ay te bintic snopojique.

Proverbios 20:24

Te Jehová ya stojobtes bahel te jujujihm yoc te ants-winique, ¿bin ut'il c'an sna' te winic te be yu'une?

Isaías 13:11

Ya ca'be castigo te bahlumilal yu'un te schopolil, te mach'atic chopolic ta scaj smulic. Ya jlajimbe sc'oblal te stoybahil te jtoybahetic soc ya jpehc'ambe stoybahil te j'uts'inwanejetic.

Isaías 14:13

Hich la awal ta awo'tan: Ya xmohon bahel ta ch'ulchan, ya cac' juctajib ta sba te eq'uetic yu'un Dios; ya juhcan jba ta wits yu'un tsoblej, ta stojol norte;

Isaías 2:12

Como te Jehová te scuentahinej spisil ay sc'ahc'alel te ya xtal scontrahin spisil jtoybahetic soc te muc' yac'oj sbahic, spisil mach'atic stoyoj sc'oblalic, ya me yich'ic pehc'anel;

Isaías 33:10

Ya xcha'hahchonix, xchi te Jehová; yo'tic ya xtoyot jc'oblal, yo'tic muc' jc'oblal ya xc'oht.

Isaías 37:19

soc la sch'ojbeyic ta c'ahc' te diosetic yu'unic, como ma dioseticuc, ha ya'tel sc'ab winic te pasbilic ta te' soc ta ton; ha yu'un la sjinic.

Isaías 37:23

¿Mach'a a te la alaban? ¿Mach'a a te la abohlc'optay? ¿Mach'a a te la atoy ac'op ta stojol ta scontrahinel soc te la atoy asit yu'un toybahil? ¡Ha te Ch'ul Dios yu'un Israel!

Isaías 42:5

Te Jehová Dios, te la schicnajtes te ch'ulchan soc te la slim bahel, te la slim bahel te bahlumilal soc te bintic ya xcol tey a, te ya ya'be yich' ic' te mach'atic ya xnahinic tey a, soc ya ya'be scuxlejal te mach'atic ya xbehenic tey a, hich ya yal:

Jeremías 10:23

Jna'oj, Jehová, te ants-winic ma ha'uc scuentahinej te be yu'une, ma ha'uc yu'un te ya yal banti ya xbehen.

Jeremías 48:26

¡Yacubtesahic te Moab, como la stoy sba ta stojol te Jehová! ac'a sbal sba ta xe te Moab, soc ac'a yich' labanel.

Jeremías 50:28

Ya xchicnaj sc'op te mach'atic loq'uic ta ahnel ta sq'uinal Babilonia, yu'un ya yalbeyic ta Sión sc'oblal te spacol a'botic yu'un Jehová te Dios cu'untic, te a'botic spacol yu'un te templo yu'une.

Jeremías 50:29

Ic'ahic tal ta scontrahinel Babilonia j'ac'-t'ihmalte'etic, spisil mach'atic ya yaq'uic t'imalte'; joytayahic ta sjoyobal, ma me ayuc mach'a ya xcol loq'uel. A'beyahic stoj chican bin yilel te ya'telic; ha chican bin la spas, hich me yac apasbe, como la shachbe yo'tan te Jehová, te Ch'ul Dios yu'un Israel.

Ezequiel 28:17

La atoy aba ta scaj t'ujbilat, la ajin te p'ijil-o'tanil awu'un ta scaj te xojobil awutsilal; la jch'ojat cohel ta lum, la jcac'at te ya x'ilotat yu'un ajwaliletic.

Ezequiel 28:2

Snich'anat winic, halbeya te ajwalil yu'un Tiro: Hich yaloj te Jehová, te Ajwalil: La atoyba aba soc awo'tan, hich la awal: Ho'on dioson, huculon ta smuc'ul huctajib dios ta yohlil te mar, xchihat; pero ha'at winicat, ma diosucat, acuyoj aba te pajal awo'tan soc jun dios.

Ezequiel 28:5

Ta scuenta bayel sp'ijil awo'tan ta chombajel p'ohlix awu'un te ac'ulejal, soc ta scaj ac'ulejal la atoy aba yu'un.

Ezequiel 31:10

Ha yu'un hich la yal te Jehová, te Ajwalil: Te bin ut'il mero toyol c'oht te te' soc te tohy mohel sni'il c'alal ta tocaletic, te la stoy sba yu'un,

Daniel 11:12

Te c'alal tsalbilix yu'un te tsobol soldadohetic, ya stoy sba soc ya smilticlan bayel ta mil, pero ma ba ya xhalaj te yipe.

Daniel 4:37

Yo'tic, ho'on Nabucodonosor, ya calbe wocol, ya jtoybe sc'oblal soc ya calbe yutsil sc'oblal te Muc'ul Ajwalil ta ch'ulchan, como smelelil spisil bin ya spas soc toj te behetic yu'une; ya xhu' ya spehc'an te mach'atic toyol yac'oj sbahic, xchi.

Daniel 8:11

Muc' la yac' sba ta scontrahinel te príncipe yu'un te tsobolic yu'un te ch'ulchan; la yac' quehchajuc yac'ulanel te milbil mahtaniletic yu'un, soc la sjin cohel c'alal lum te ch'ul awilal yu'une.

Habacuc 2:4

Te mach'a ma tojuc yo'tan, ya stoy sba, yan te mach'a toj yo'tan ya xcuxaj ta scuenta sch'uhunel yo'tan.

Hechos 17:25

soc ma smajambe sc'ab winiquetic, como mayuc bin ya xpasot falta yu'un stuquel, como ha nix te ya ya'be scuxlejal ants-winiquetic soc te ya ya'be yich'ic ic' soc spisil bintic ya xtuhun yu'unique.

1 Corintios 8:4

Te bin ut'il ay sc'oblal te we'elil te ya yich' aq'uel scuenta milbil mahtanil ta stojol loc'ombahetic, jna'ojtic te mayuc stuc ta q'uinal te loc'omba, te junax Dios ay.

1 Timoteo 3:6

Ma ocheluc to ta sch'uhunel Dios, teme repente ya stoy sba, te hich pajal ya x'a'bot stoj smul soc te pucuje.

Hebreos 4:13

Mayuc bin pasbil te ma ba ya x'ilot yu'un Dios; spisil jamal chican ta ilel ta sit te Mach'a ya xc'ohotic ta pasbeyel cuenta yu'une.

Apocalipsis 9:20

Te jayeb xan mach'atic ma ba lajic yu'un te wocoletic ini, ma teyuc la suhtes yo'tanic yu'un a te bin spasoj ta sc'abic, soc ma ba la yihquitayic sch'uhunel te pucujetic soc te yahcananic pasticlambil ta oro, plata, bronce, ton, soc te', te ma xyilic q'uinal, ma xya'iyic c'op soc ma xbehenic.

Jueces 16:23

Te príncipaletic yu'un te filisteohetic la stsob sbahic ta ya'beyel milbil smahtan te Dagón, te dios yu'unic, soc ta spasel q'uin. Hich la yalic: Te dios cu'untic la ya'botic ta jc'abtic te Sansón, te jcontratic, xchihic.

1 Samuel 17:26

Ha yu'un te David la sjoc'obe te mach'atic ayic ta sts'ehl: ¿Bin ya spasbeyic te winic te ya stsal te filisteo ini, te hich ya xlaj sc'oblal a te labanel yu'un Israel? ¿Mach'a ya scuy sba a te filisteo te ma ba yich'oj circuncisión yu'un ya stijbe hahchel yo'tanic te soldadohetic yu'un te cuxul Dios? xchi.

1 Samuel 17:36

Aunque choj, aunque oso, pero te a'bat awu'un la smil. Te filisteo ini te ma ba yich'oj circuncisión pajal ya xc'oht soc, como stijbeyej yo'tan te soldadohetic yu'un te cuxul Dios.