Daniel 5:21 - Bible in Tzeltal Bachajón

²¹ La yich' loq'uesel ta stojol te ants-winiquetic, te spensar hich c'oht te bin ut'il te spensar chambahlam, soc la sjoquin ta nahinel te ha'mal burrohetique. A'bot swe' ha'mal hich te bin ut'il wacax, t'ux sbaq'uetal ta sts'ujulil ch'ulchan, ha to c'alal la sna' te Dios te mero toyol ay ha toyol xan ya'tel ta stojol ban c'alal scuentahinej winiquetic, soc te ya ya'be ya'tel ta cuentahinwanej te mach'a ya sc'an ya ya'be.

Bible in Tzeltal de Oxchuc y Tenejapa

²¹ La yich' loq'uesel ta stojol te ants-winiquetique, la yich' c'atp'unel, pajal soc chambalam c'ot. Ja' la sjoin ta nainel te ja'mal burroetique. La slo' wamal jichuc wacaxetic, ajts'esot yu'un ts'ujul ta scojt'ol te sbaq'uetale, ja' to te la sna' te ja' nax te Dios mero toyol te ay yu'el ta stojol ta spisil te ajwaliletic ta balumilal, soc te ja' ya stojtes te mach'a ajwalil ya sc'an yo'tan ya stojtese.

Daniel 5:21 ပူးပေါင်းရင်းမြစ်များ

Job 39:5

¿Mach'a la yac' ta libre te ha'mal burrohetic? ¿Mach'a la scoltaybe te schuhquile?

Ezequiel 17:24

Spisil te te'etic ta q'uinal ya me sna'ic te ho'on Jehovahon, ya jpehc'an te toyol te' soc ya cac' muc'ubuc te comil te'; ya cac' taquijuc te yaxal te' soc ya cac' cha'yaxubuc te taquin te', xchi.

Daniel 4:14

Hich tulan la yal: Ts'etahic te te' soc set'beyahic te sc'abc'ab, jixbeyahic te ya'binal soc pucbeyahic te site. Ac'a ahnuquic bahel te chambahlametic te ayic ta ye'tal, soc te mutetic ayic ta sc'abc'ab.

Daniel 4:17

Te castigo ha smandar te j'il-q'uinaletic, te mach'atic ch'uhltesbilic la yalic te bin chapale, scuenta yu'un te mach'atic cuxajtic ya me sna'ic te Dios te mero toyol ay scuentahinej te ban c'alal scuentahinej te winiquetique, ya ya'be te mach'a ya sc'an ya ya'be, ya yotses ta jcuentahinwanej te mach'a mero peq'uel ay.

Daniel 4:22

ha'at nix, ajwalil, te muc'ubat soc te la awich' awip. Te amuc'ul c'ohem c'alal ta ch'ulchan, soc te cuentahinel awu'un c'ohem c'alal ta sti'il te q'uinale.

Daniel 4:25

Ya me awich' loq'uesel ta stojol te ants-winiquetic, ya xnahinat ta yohlil te ha'mal chambahlametic; ha'mal yac awe' hich te bin ut'il j'a'tel-wacaxetic, soc ya me yahts'esbat abaq'uetal te sts'ujulil ch'ulchan. Ya xc'ax huqueb ha'bil ha to c'alal yac ana' te Mach'a mero toyol ay ha toyol xan ya'tel ta stojol ban c'alal scuentahinej winiquetic, soc ya ya'be ya'tel ta cuentahinwanej te mach'a ya sc'an ya ya'be.

Daniel 4:26

Te mandar te ya yich' ihquitayel hilel ta lum te schumante'el soc slohp' te te', ha ya yac' ta na'el te ya to xcha'ochat xan ta ajwalil te c'alal yac ana' te ha ya xcuentahinwan te ch'ulchane.

Daniel 4:34

C'alal ts'acay te yorahil, ho'on Nabucodonosor, la jquil mohel ta ch'ulchan, la jna' xan q'uinal. La jcalbe wocol te Mach'a mero toyol ay, la jcalbe yutsil sc'oblal soc la jquich' ta muc' te Mach'a cuxul scuenta sbahtel q'uinal, hich la jcal: Sbahtel q'uinal ay te cuentahinel yu'un, ay ta ajwalinel ta cajalcaj ts'umbalil.

Daniel 4:35

Te mach'atic nahinemic ta bahlumilal hich c'ohemic te mayuc sc'oblalic ta stojol; ha ya spas te bin ya sc'an yo'tan ta stojol tsobolic ta ch'ulchan soc te mach'atic nahinemic ta bahlumilal. Mayuc mach'a ya xhu' ya scombe sc'ab o te hich ya yalbe: ¿Bin yac apas? te xchihe.

Daniel 4:37

Yo'tic, ho'on Nabucodonosor, ya calbe wocol, ya jtoybe sc'oblal soc ya calbe yutsil sc'oblal te Muc'ul Ajwalil ta ch'ulchan, como smelelil spisil bin ya spas soc toj te behetic yu'une; ya xhu' ya spehc'an te mach'atic toyol yac'oj sbahic, xchi.

Daniel 5:18

Ajwalil, te Dios te mero toyol ay la ya'be ya'tel ta ajwalil te atat Nabucodonosor, la ya'be te smuc'ul c'oblal, yutsil sc'oblal soc smuc'ul yutsilal.