Daniel 5:2 - Bible in Tzeltal Bachajón

² C'alal u'untayot yu'un te vino, te Belsasar la sticon ta ich'el tal te vasohetic pasbilic ta oro soc ta plata te ich'otic talel ta templo ta Jerusalén yu'un te Nabucodonosor te stat, yu'un ya yuch'ic vino a te ajwalil soc te príncipaletic, te antsetic yu'un soc te yan antsetic yu'une.

Bible in Tzeltal de Oxchuc y Tenejapa

^2-3 Te c'alal yacubenix yu'un a te vino te muc' ajwalil Belsasar, la sticun ta ich'el tel te vasoetic soc muc'ul tazaetic pasbil ta oro soc plata, te la yich' tel ta templo ta Jerusalén te Nabucodonosor, ja' te state. Te vasoetic soc te muc'ul tazaetic c'ot ta ich'el tel. Te muc' ajwalil, spisil te yinam soc te yantic antsetic yu'une, soc ta spisil te mach'atic ic'bilic ta we'ele, uch'bajic a te biluquetic yu'un templo.

Daniel 5:2 ပူးပေါင်းရင်းမြစ်များ

2 Samuel 9:7

La yal te David: Ma xiwat, yu'un ya jc'uxultayat scuenta sna'ojibal te atat Jonatán. Ya me suht ta atojol spisil te sq'uinal te amamuch Saúl, soc spisil ora ya xwe'at ta mesa cu'un, xchi.

2 Reyes 24:13

Te Nabucodonosor la sloq'ues spisil te c'ulejalil ta sna Jehová soc ta sna ajwalil, hich te bin ut'il la yal te Jehová, soc la swuyticlan spisil te biluquetic pasticlambil ta oro te ay ta sna Jehová te pasticlambil yu'un Salomón ajwalil yu'un Israel.

2 Reyes 25:15

ha te schic'ojbil pom, muc'ul tazahetic, te bintic pasticlambil ta oro, spisil la yich'ticlan bahel te capitán.

2 Crónicas 11:20

Patil la yic' yihnamin te Maaca yantsil-nich'an Absalón, te hich sbihilic te yalatac: Abías, Atai, Ziza soc Selomit.

2 Crónicas 15:16

Soc te ajwalil Asa la sloq'ues ta ya'tel ta snan-ajwalil te Maaca te snane, como spasoj sloc'omba Asera. La sjimbe te sloc'omba, la swuyticlan soc la schic' ta be-ha' Cedrón.

2 Crónicas 36:10

Ta shahchel te ha'bil te Nabucodonosor la sticon ta iq'uel bahel ta Babilonia te Joaquín soc te biluquetic te bayel sc'oblalic ta sna Jehová, soc la yotses ta ajwalil yu'un Judá soc Jerusalén te Sedequías te stajun te Joaquín.

2 Crónicas 36:18

Soc spisil te biluquiletic ta sna Dios, muq'uic soc tutic, te c'ulejaliletic yu'un te sna Jehová, te c'ulejaliletic yu'un te sna ajwalil soc yu'un te príncipaletic, spisil la yich' bahel ta Babilonia.

Esdras 5:14

Soc te biluquetic pasticlambil ta oro soc ta plata ta sna Dios, te Nabucodonosor la sloq'ues ta Templo te ay ta Jerusalén, la yich' bahel ta templo ta Babilonia. Te ajwalil Ciro la sloq'ues ta templo ta Babilonia, la ya'be ta sc'ab te Sesbasar, te mach'a otsesot ta gobernador yu'un.

Jeremías 27:7

Spisil te nacionetic ya me yac' sbahic ta a'batinel yu'un soc te snich'an soc smam, ha to c'alal ya xc'oht yorahil te slumal nix ya x'och ta mosohil yu'un bayel nacionetic soc muc'ul ajwaliletic.

Jeremías 50:35

Ac'a yich'ic contrahinel yu'un espada te caldeohetic, xchi te Jehová, soc te mach'atic nahinemic ta Babilonia, soc te príncipaletic soc te p'ijil winiquetic yu'une.

Jeremías 52:19

Te capitán la yich' bahel te yawil ta chiq'uel pom, te muc'ul tazahetic, copahetic, oxometic, scajtajib c'ahq'uetic, platohetic soc tazahetic, te bintic pasbil ta oro soc ta plata.

Daniel 1:2

Te Jehová la yac' ta sc'ab Nabucodonosor te Joacim ajwalil yu'un Judá, soc te bintic ya xtuhun ta templo yu'un Dios; la yich'ticlan bahel ta sq'uinal Sinar, ta templo yu'un te dios yu'un, la yac' te biluquetic ta yawil sc'ulejal ta templo yu'un te diosetic yu'une.

Daniel 5:11

Li' ta banti yac awa'iy cuentahinwanej ay jtuhl winic te ay ta yo'tan te espíritu yu'un te ch'ul diosetic, soc ta yorahil atat chicnaj te ya sna' q'uinal, ay bin ya sna' soc ay sp'ijil yo'tan hich te bin ut'il te sp'ijil yo'tan te diosetique. Te ajwalil Nabucodonosor, te atat, la ya'be ya'tel ta jtsobaw yu'un spisil te jpas-señahiletic, jmonawetic, caldeohetic soc jna'ojeletic,

Daniel 5:13

Ha yu'un la yiq'uic tal ta stojol ajwalil te Daniel. Hich halbot yu'un te ajwalil: ¿Ha'at bal te Daniel te ic'otat loq'uel tal ta Judea yu'un te jtate?

Daniel 5:18

Ajwalil, te Dios te mero toyol ay la ya'be ya'tel ta ajwalil te atat Nabucodonosor, la ya'be te smuc'ul c'oblal, yutsil sc'oblal soc smuc'ul yutsilal.

Daniel 5:23

La atoy aba ta stojol te Ajwalil yu'un te ch'ulchan; la aticon ta ich'el tal ta atojol te vasohetic yu'un te templo yu'un; ha'at soc te príncipaletic, te antsetic awu'un soc te yan antsetic awu'un la awuch'ic vino a; soc la awalbe yutsil sc'oblal te diosetic te pasbilic ta plata, oro, bronce, hierro, te' soc ton, te ma xyilic q'uinal, ma xya'iyic c'op, soc mayuc bin ya sna'ic; ma ba la awich' ta muc' te Dios te ay ta sc'ab te acuxlejal soc spisil te behetic awu'une.

Daniel 5:3

Hich la yich'ic talel te vasohetic pasbilic ta oro te loq'uemic tal ta templo yu'un Dios te ay ta Jerusalén, la yuch'ic vino a te ajwalil soc te príncipaletic, te antsetic yu'un soc te yan antsetic yu'une.

Daniel 5:30

Ha nix ta ahc'abal laj ta milel te Belsasar te ajwalil yu'un te caldeohetique.

Daniel 5:4

La yuch'ic vino soc la yalbeyic yutsil sc'oblalic te diosetic te pasbilic ta oro, ta plata, ta bronce, ta hierro, ta te' soc ta ton.

Números 7:79

la yac' te mahtanil yu'un: jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina;