Daniel 5:19 - Bible in Tzeltal Bachajón

¹⁹ Ta scuenta te smuc'ul c'oblal te a'bot yu'une, spisil te pueblohetic, nacionetic soc c'opiletic xiwic soc nihquic ta stojol. La smil te mach'a la sc'an la smil, soc la yac' cuxajuc te mach'a la sc'an la yac' c'axuc; la stoybe sc'oblal te mach'a la sc'an la stoybe sc'oblal, soc la spehc'an te mach'a la sc'an la spehc'an.

Bible in Tzeltal de Oxchuc y Tenejapa

¹⁹ Ta swenta te yip ac'bot yu'un te Diose, ich'ot ta muc' yu'un spisil ants-winiquetic ta spisil lumetic soc nacionetic soc c'opiletic. Ya xtal nijq'uel yu'un xiwel ta yo'tanic ta stojol. Ya xju' ya smil te mach'a ya sc'an ya smile, soc ma ba ya smil te mach'a ma ba ya sc'an ya smile. Ay yantic la yac' toyuc sc'oplal soc ay yantic la yac' pejc'ajuc sc'oplalic.

Daniel 5:19 ပူးပေါင်းရင်းမြစ်များ

2 Reyes 25:28

Lec yo'tan la sjuc ta c'op, soc muc' xan sc'oblal c'oht a te bin ut'il te yantic ajwaliletic sjoquinejic ta Babilonia.

Proverbios 16:14

Ya yal bahel lajel te yilimba ajwalil, te mach'a ay sp'ijil yo'tan ya slahmajtes.

Eclesiastés 8:3

Ma me orahuc ya xloc'at bahel ta stojol te ajwalile. Soc ma me junuc xawac' aba soc te bin chopol ay ta pasel, como te ajwalil ya spas spisil bin ya sc'an yo'tan stuquel.

Ezequiel 31:11

ya ca'be ta sc'ab te jcuentahinwanej yu'un te nacionetic, te hich ya xpasbot yu'un ha chican te schopolile. La jquihlayix.

Daniel 11:12

Te c'alal tsalbilix yu'un te tsobol soldadohetic, ya stoy sba soc ya smilticlan bayel ta mil, pero ma ba ya xhalaj te yipe.

Daniel 11:16

Te mach'a tal ta contrahinel ya me spas te bin ya sc'an yo'tan, mayuc mach'a ya xhu' ya stsac sba soc. Ya xhalaj ta t'ujbil q'uinal te ya xlajinot yu'un te yipe.

Daniel 11:3

Patil ya xhahch ajwalil te bayel yip te ya xcuentahinwan ta scuenta bayel yip, soc ya spas te bin ya sc'an yo'tan.

Daniel 11:36

Te ajwalil ya me spas te bin ya sc'an yo'tan. Ya me stoy sba soc toyol ya yac' sba yu'un spisil diosetic, soc ay bintic c'ax chopol ya yal ta stojol te Dios yu'un te diosetique. Lec ya xc'oht ha to c'alal ts'acal ya xc'oht te yorahil ilimba, como ya me xc'oht ta pasel te bin chapale.

Daniel 3:29

Ha yu'un ya cal ta mandar te biluc pueblohil, nacionil o c'opil te ya sbohlc'optay te Dios yu'un Sadrac, Mesac soc Abed-nego ac'a yich'ic butsticlanel soc ac'a yich' busanel ta jinel te sna, como mayuc yan dios te hich ya xhu' ya xcoltaywan, xchi.

Daniel 3:4

Te mach'a ay ta scuenta yalel, hich la yal ta aw: Pueblohetic, nacionetic soc spisil ta chahp c'opiletic, hich ay te mandar ta atojolic:

Daniel 3:6

Te mach'atic ma ba ya squejan sbahic soc ya sch'uhuntayic, ora ya yich'ic ch'ojel ochel ta horno yu'un c'ahc' te yac ta tihlel, xchi.

Daniel 4:17

Te castigo ha smandar te j'il-q'uinaletic, te mach'atic ch'uhltesbilic la yalic te bin chapale, scuenta yu'un te mach'atic cuxajtic ya me sna'ic te Dios te mero toyol ay scuentahinej te ban c'alal scuentahinej te winiquetique, ya ya'be te mach'a ya sc'an ya ya'be, ya yotses ta jcuentahinwanej te mach'a mero peq'uel ay.

Daniel 4:19

Hich te Daniel, te Beltsasar yan sbihil, xch'ayet yo'tan, a'bot xiwel yu'un te bin la snope. Ha yu'un la yal te ajwalil: Beltsasar, ma me xiwat yu'un te wayichil o te sc'oblale, xchihon. La sjac' te Beltsasar: Ajwalil cu'un, te ha'uc yu'un acontratac te wayich, soc te ha'uc ya xc'oht te sc'oblal ta stojol te mach'atic ya scontrahinate.

Daniel 4:22

ha'at nix, ajwalil, te muc'ubat soc te la awich' awip. Te amuc'ul c'ohem c'alal ta ch'ulchan, soc te cuentahinel awu'un c'ohem c'alal ta sti'il te q'uinale.

Habacuc 2:5

Te mach'a bayel ya yuch' vino, ya x'ac'awan ta c'abal; te jtoybahil ma ba lec ya xc'oht ta loq'uel; ya xmuc'ub snuc' hich te bin ut'il te tsobojibal mach'atic chamenic, soc ma xnoj sch'uht hich te bin ut'il te lajel, aunque ya stsob ta stojol spisil te nacionetic, soc ya stsob spisil te pueblohetique.

San Juan 19:11

Jesús la yalbe: Mayuc awa'tel ta jtojol te manchuc a'bilat ta toyol. Ha yu'un te mach'a la yac'on ta ac'ab c'ax hich smul a stuquel, xchi.

Romanos 13:1

Spisilic ac'a yac' sbahic ta cuentahinel yu'un te mach'atic muc' ya'telic, como mayuc mach'atic yich'oj ya'telic te ma ha'uc a'bibilic yu'un Dios.

Apocalipsis 5:9

Soc la sc'ayojtayic yach'il c'ayoj te hich ya yal: Ha mero awu'un te yac atsac te balbil hun soc te yac ajam te sellohetic yu'une, como ha'at la awich' milel, soc ta scuenta ach'ich'el la amambe scolel te ants-winiquetic te ha yu'un Dios ya xc'ohtic, ta spisil ta chahp ts'umbaliletic, c'opiletic, pueblohetic soc nacionetic.