Daniel 5:18 - Bible in Tzeltal Bachajón

¹⁸ Ajwalil, te Dios te mero toyol ay la ya'be ya'tel ta ajwalil te atat Nabucodonosor, la ya'be te smuc'ul c'oblal, yutsil sc'oblal soc smuc'ul yutsilal.

Bible in Tzeltal de Oxchuc y Tenejapa

¹⁸ “Te Dios mero toyole la yac'bey ta swenta te at'el ta muc' ajwalil te Nabucodonosor, ja' te atate, soc la yac'bey yutsil sc'oplal soc la yac' ta ich'el ta muc'.

Daniel 5:18 ပူးပေါင်းရင်းမြစ်များ

2 Reyes 25:28

Lec yo'tan la sjuc ta c'op, soc muc' xan sc'oblal c'oht a te bin ut'il te yantic ajwaliletic sjoquinejic ta Babilonia.

Salmos 47:2

Como ay ta xi'el te Jehová te mero toyol ay, ha Muc'ul Ajwalil ta swohlol bahlumilal.

Salmos 7:17

Ya calbe yutsil sc'oblal te Jehová yu'un toj te yo'tane, ya jc'ayojtaybe sbihil te Jehová te mero toyol ay.

Salmos 9:2

Tse'el co'tan soc ay yutsil co'tan ta atojol; ya jc'ayojtaybat abihil, ha'at te Toyolate.

Salmos 92:8

Yan te ha'at, Jehová, sbahtel q'uinal ayat ta mero toyol.

Jeremías 25:9

ya jticon tal spisil ta chahp ants-winiquetic ta stojol norte soc te ca'bat Nabucodonosor ajwalil yu'un Babilonia, xchi te Jehová, ya quic'ticlan tal ta scontrahinel te q'uinal ini soc te mach'atic nahinemic tey a, soc ta scontrahinel spisil te nacionetic te ayic ta sjoyobal. Ya jinticlan ta jc'axel, soc ya cac' ta tse'layel, ta labanel soc te stalel jimbil ya xhilic.

Jeremías 27:5

Ta scuenta smuc'ul cu'el soc ta scuenta te jc'ab la jpas te bahlumilal, te ants-winiquetic soc te chambahlametic te ayic ta sba te lumq'uinal, soc la jca'be te mach'a ya sc'an co'tane.

Jeremías 27:7

Spisil te nacionetic ya me yac' sbahic ta a'batinel yu'un soc te snich'an soc smam, ha to c'alal ya xc'oht yorahil te slumal nix ya x'och ta mosohil yu'un bayel nacionetic soc muc'ul ajwaliletic.

Lamentaciones 3:35

te sjinel te bin toj ta pasel ta stojol ants-winiquetic ta stojol te Mach'a ay ta Toyol,

Lamentaciones 3:38

¿Ma bal ha'uc ya xloc' ta ye te Mach'a mero toyol te bintic lec soc te bintic ma lecuc ya xc'oht ta pasel?

Ezequiel 31:11

ya ca'be ta sc'ab te jcuentahinwanej yu'un te nacionetic, te hich ya xpasbot yu'un ha chican te schopolile. La jquihlayix.

Daniel 4:17

Te castigo ha smandar te j'il-q'uinaletic, te mach'atic ch'uhltesbilic la yalic te bin chapale, scuenta yu'un te mach'atic cuxajtic ya me sna'ic te Dios te mero toyol ay scuentahinej te ban c'alal scuentahinej te winiquetique, ya ya'be te mach'a ya sc'an ya ya'be, ya yotses ta jcuentahinwanej te mach'a mero peq'uel ay.

Daniel 4:19

Hich te Daniel, te Beltsasar yan sbihil, xch'ayet yo'tan, a'bot xiwel yu'un te bin la snope. Ha yu'un la yal te ajwalil: Beltsasar, ma me xiwat yu'un te wayichil o te sc'oblale, xchihon. La sjac' te Beltsasar: Ajwalil cu'un, te ha'uc yu'un acontratac te wayich, soc te ha'uc ya xc'oht te sc'oblal ta stojol te mach'atic ya scontrahinate.

Daniel 4:2

Ya jc'an ya calbeyex sc'oblal te señahiletic soc jchahp a'teliletic la spasbon te Dios te mero toyol ay.

Daniel 4:32

Yac awich' loq'uesel ta yohlil te ants-winiquetic, yac ajoquin ta nahinel ha'mal chambahlametic, yac awe' ha'mal hich te bin ut'il wacax. Ya xc'ax huqueb ha'bil ha to c'alal yac ana' te Mach'a mero toyol ay ha toyol xan ya'tel ta stojol ban c'alal scuentahinej ants-winiquetic, soc ya ya'be ya'tel ta cuentahinwanej te mach'a ya sc'an ya ya'be, xchi.

Daniel 4:34

C'alal ts'acay te yorahil, ho'on Nabucodonosor, la jquil mohel ta ch'ulchan, la jna' xan q'uinal. La jcalbe wocol te Mach'a mero toyol ay, la jcalbe yutsil sc'oblal soc la jquich' ta muc' te Mach'a cuxul scuenta sbahtel q'uinal, hich la jcal: Sbahtel q'uinal ay te cuentahinel yu'un, ay ta ajwalinel ta cajalcaj ts'umbalil.

Daniel 5:21

La yich' loq'uesel ta stojol te ants-winiquetic, te spensar hich c'oht te bin ut'il te spensar chambahlam, soc la sjoquin ta nahinel te ha'mal burrohetique. A'bot swe' ha'mal hich te bin ut'il wacax, t'ux sbaq'uetal ta sts'ujulil ch'ulchan, ha to c'alal la sna' te Dios te mero toyol ay ha toyol xan ya'tel ta stojol ban c'alal scuentahinej winiquetic, soc te ya ya'be ya'tel ta cuentahinwanej te mach'a ya sc'an ya ya'be.

Daniel 6:22

Te Dios cu'un la sticon tal ch'ul a'bat yu'un ya smacbe ye te chojetic scuenta yu'un ma ba ya yuts'inonic, como mayuc jmul ta stojol, soc mayuc bin chopol jpasoj ta atojol, ajwalil, xchi.

Hechos 26:13

Ta ohlil c'ahc'al, ajwalil, yacon ta behel ta be a la jquil ay bin tal sjahts' c'ahc' ta ch'ulchan, c'ax hich sts'anabul a te bin ut'il sts'anabul te c'ahc'ale; hul stihltes sba ta joyobal soc ta sjoyobal te mach'atic sjoquinejonic.

Hechos 26:19

Ha yu'un, ajwalil Agripa, ma ba la jc'axuntay te bin halboton ta jnahalsit ta ch'ulchan.

Hechos 7:48

Pero te Mach'a toyol ay ma ba ya xnahin ta nahetic pasbilic ta c'abal, hich te bin ut'il ya yal te jalwanej:

Deuteronomio 32:8

Te Mach'a Toyol, c'alal la ya'be sq'uinalic te nacionetic, c'alal la ya'be sjat sbahic te yal-snich'nab ants-winiquetic, la yac'ticlambe smojonil te pueblohetic, chican hich yipalic te snich'nab Israel.