Daniel 5:17 - Bible in Tzeltal Bachajón

¹⁷ Hich te Daniel la sjac'be te ajwalil: Hilan soc te mahtaniletic awu'un, a'beya yantic. Ya quil te bin ts'ihbabil soc ya ca'bat ana' te sc'oblale.

Bible in Tzeltal de Oxchuc y Tenejapa

¹⁷ Jich la yal te Daniel: —Te majt'aniletic ya awale, ich'a jilel muc' ajwalil, ac'beya ta swenta yan. Pero ya calbat te bila ya yal te c'opetic ts'ibubil ta pajq'ue.

Daniel 5:17 ပူးပေါင်းရင်းမြစ်များ

Génesis 14:23

ma ba ya quich' ni jlihcuc hilera ni jlihcuc schuhquil tepil, ma ba ya quich'bat te bintic ay awu'un, scuenta yu'un ma ba yac awal: Ho'on la jcac' c'ulejubuc te Abram, ma xchihucat.

2 Reyes 3:13

Te Eliseo hich la yalbe te ajwalil yu'un Israel: ¿Bin cochelat a te ha'ate? Bahan ta stojol te jalwanejetic yu'un te anane, la yut. Ma'uc, como te Jehová ha stsoboj te oxeb ajwaliletic ini yu'un ya ya'be ta sc'ab te moabetic, xchi te ajwalil yu'un Israel.

2 Reyes 5:16

Pero la yal te Eliseo: ¡Yiloj Jehová te ayon ta stojol! ma ba ya jtsac, xchi. Aunque la suj te ayuc bin ya yich', ma ba la sc'an.

2 Reyes 5:26

Pero hich la yal te Eliseo: ¿Ma bal teyuc ay co'tan a te c'alal co ta scarreta te winic yu'un tal stahat? ¿Yorahil bal ta ich'el plata soc c'u'uletic, olivohetic, ts'usubiletic, tuminchijetic, wacaxetic soc a'bat ants-winiquetic?

Salmos 119:46

Ya me cal ta stojol ajwaliletic te testigo-c'op awu'un, ma ba ya xq'uexawon yu'un;

Daniel 2:6

Pero teme yac awalbonic te bin la jwayichtay soc te bin ya sc'an ya yale, ya ca'beyex amahtanic, yac awich'ic c'uxultayel soc ich'el ta muc'. Ha yu'un halbonic te bin la jwayichtay soc te bin ya sc'an ya yal, xchi.

Daniel 5:29

Hich te Belsasar la yal mandar te ya x'a'bot slap chi'in-yaxal c'u'ul te Daniel, te ya x'a'bot yuhan cadena pasbil ta oro soc te ya yich' puhquel ta halel te ha yoxtuhlul ajwalil ya xc'oht te ban c'alal scuentahinej te ajwalile.

Hechos 8:20

Hich halbot yu'un te Pedro: ¡Pajal lajan soc te ataq'uine, yu'un la acuy te ay ta manel ta taq'uin te mahtanil yu'un Dios!