Daniel 5:13 - Bible in Tzeltal Bachajón

¹³ Ha yu'un la yiq'uic tal ta stojol ajwalil te Daniel. Hich halbot yu'un te ajwalil: ¿Ha'at bal te Daniel te ic'otat loq'uel tal ta Judea yu'un te jtate?

Bible in Tzeltal de Oxchuc y Tenejapa

¹³ Jich bajt' ta iq'uel ta stojol muc' ajwalil te Daniel, jojc'obot yu'un: —¿Ja'at bal te Danielate, te ja' ajoy te judioetic ic'otic loq'uel tel ta Judea yu'un te anima muc' ajwalil Nabucodonosor, ja' te jtate?

Daniel 5:13 ပူးပေါင်းရင်းမြစ်များ

Esdras 10:16

Te mach'atic suhtic tal ta chuquel hich la spasic. Te sacerdote Esdras la stsa jtsobawetic yu'un jujun sna sme'static. Ta spisilic jujutuhl huhcajic ta sba c'ahc'alil ta slajunebal u ta schahpanel te c'ope.

Esdras 10:7

La yich' halel ta spisil Judá soc Jerusalén te ya me stsob sbahic ta Jerusalén spisil te mach'atic suhtemic tal ta chuquel.

Esdras 4:1

Te c'alal la ya'iyic te scontratac te Judá soc Benjamín te yaquic ta scha'pasel te templo yu'un Jehová Dios yu'un Israel te mach'atic suhtemiquix tal ta chuquel,

Esdras 6:16

Te snich'nab Israel, te sacerdotehetic, levitahetic soc te mach'atic suhtemiquix tal ta chuquel, mero tse'el yo'tanic la spasic q'uin yu'un yaq'uel ta stojol Dios te Templo.

Daniel 1:1

Ta yoxebal ha'bil yochel ta ajwalil a te Joacim ajwalil yu'un Judá, tal ta Jerusalén te Nabucodonosor ajwalil yu'un Babilonia, la sjoytay ta ya'beyel guerra.

Daniel 1:2

Te Jehová la yac' ta sc'ab Nabucodonosor te Joacim ajwalil yu'un Judá, soc te bintic ya xtuhun ta templo yu'un Dios; la yich'ticlan bahel ta sq'uinal Sinar, ta templo yu'un te dios yu'un, la yac' te biluquetic ta yawil sc'ulejal ta templo yu'un te diosetic yu'une.

Daniel 1:21

Tey hil a te Daniel ha to c'alal ta shahchibal ha'bil ay ta ajwalil te Ciro.

Daniel 1:6

Ta yohlil te queremetic tey ayic a te Daniel, Ananías, Misael soc Azarías, te sts'umbalic Judá.

Daniel 2:25

Ha yu'un te Arioc ora la yic' bahel ta stojol ajwalil te Daniel, hich la yalbe: La jta ta yohlil te judiohetic te ic'bilic loq'uel tal ta slumalic te ya xhu' ya yalbe ya'iy te ajwalil te bin scuentahil te swayiche, xchi.

Daniel 2:48

Te ajwalil la stohytesbe ya'tel te Daniel, la ya'be bayel mahtaniletic, la ya'be ya'tel ta gobernador yu'un spisil te jsehp q'uinal Babilonia soc jtsobaw yu'un spisil te p'ijil winiquetic yu'un Babilonia.

Daniel 5:11

Li' ta banti yac awa'iy cuentahinwanej ay jtuhl winic te ay ta yo'tan te espíritu yu'un te ch'ul diosetic, soc ta yorahil atat chicnaj te ya sna' q'uinal, ay bin ya sna' soc ay sp'ijil yo'tan hich te bin ut'il te sp'ijil yo'tan te diosetique. Te ajwalil Nabucodonosor, te atat, la ya'be ya'tel ta jtsobaw yu'un spisil te jpas-señahiletic, jmonawetic, caldeohetic soc jna'ojeletic,

Daniel 5:14

La jca'iybat ac'oblal te ay ta awo'tan te espíritu yu'un te ch'ul diosetic, te yac ana' q'uinal, ay bin yac ana' soc te ay bayel sp'ijil awo'tan.

Daniel 5:18

Ajwalil, te Dios te mero toyol ay la ya'be ya'tel ta ajwalil te atat Nabucodonosor, la ya'be te smuc'ul c'oblal, yutsil sc'oblal soc smuc'ul yutsilal.

Daniel 5:2

C'alal u'untayot yu'un te vino, te Belsasar la sticon ta ich'el tal te vasohetic pasbilic ta oro soc ta plata te ich'otic talel ta templo ta Jerusalén yu'un te Nabucodonosor te stat, yu'un ya yuch'ic vino a te ajwalil soc te príncipaletic, te antsetic yu'un soc te yan antsetic yu'une.

Daniel 6:13

Hich la sjac'beyic te ajwalil: Te Daniel, te jtuhl te ic'ot loq'uel tal ta chuquel ta Judá, ma ba ya yich'at ta cuenta, ajwalil, o te mandaril te la awac' afirma a, oxeb buelta jujun c'ahc'al ya sc'opon te Dios yu'une, xchihic.

Daniel 8:1

Ta yoxebal ha'bil yochel ta ajwalil a te Belsasar, ho'on Daniel la jquil nahalsitil, yan a te la jquil ta nahil to.

Daniel 8:27

Ho'on, Daniel, laj quip la jca'iy yu'un, bayel c'ahc'al ayon ta chamel. Patil hahchon, cha'ochon xan ta spasel te a'tel yu'un te ajwalil. Pero ay xiwel ta co'tan ta scaj te nahalsit, ma ba la jna'be scuentahil.

San Juan 7:1

Ta patil behen ta Galilea te Jesús, yu'un ma ba la sc'an ya xbaht ta Judea, como te judíohetic schapbeyejic sc'oblal ta milel tey a.

San Juan 7:3

Te Jesús halbot yu'un te yihts'inab: Ya sc'an ya xloc'at bahel li'i, bahan ta Judea scuenta yu'un ya yilic te jnopojeletic awu'un te a'teliletic yacat ta spasele.