Daniel 5:11 - Bible in Tzeltal Bachajón

¹¹ Li' ta banti yac awa'iy cuentahinwanej ay jtuhl winic te ay ta yo'tan te espíritu yu'un te ch'ul diosetic, soc ta yorahil atat chicnaj te ya sna' q'uinal, ay bin ya sna' soc ay sp'ijil yo'tan hich te bin ut'il te sp'ijil yo'tan te diosetique. Te ajwalil Nabucodonosor, te atat, la ya'be ya'tel ta jtsobaw yu'un spisil te jpas-señahiletic, jmonawetic, caldeohetic soc jna'ojeletic,

Bible in Tzeltal de Oxchuc y Tenejapa

¹¹ Li' nix ta banti yacat ta pasaw ta mandal ay jtul winic te wentainbil ta espíritu yu'un te ch'ul Diose. Te c'alal ja' ay ta muc' ajwalil a te atate, te winic ya calbate la yac' ta ilel sp'ijil sjol, buen lec snopjibal yu'un soc buen lec sp'ijil yo'tan jichuc diosetic. Ja' yu'un te atate, te muc' ajwalil Nabucodonosor, la yac'bey yat'el te winique ta swentainel te mach'atic ay sp'ijilic, soc te mach'atic ya sna'ic syoljoltayel, soc te mach'atic spisil ay bila sna'ojic, soc te mach'atic snopojic bitic ayic ta ch'ulchan ta spamal nación.

Daniel 5:11 ပူးပေါင်းရင်းမြစ်များ

Génesis 41:38

Ha yu'un te faraón la yalbe te a'batetic yu'un: ¿Banti c'an jtatic te mach'a hich yo'tan te bin ut'il te winic ini, te yich'oj te espíritu yu'un te Diose? xchi.

2 Samuel 14:17

Ha yu'un hich ya yal te a'bat awu'une: Ha'uc me smuc'ul co'tan te suhtib sc'op te ajwalil cu'un, como te ajwalil cu'un hich c'ohem te bin ut'il ch'ul a'bat yu'un Dios yu'un stsahtayel te bin lec soc te bin ma lecuc. Ac'a sjoquinat te Jehová te Dios awu'un, xchi.

Ezequiel 28:3

¿C'ax bal hich ap'ijil a te bin ut'il Daniel? ¿Yu'un bal ana'oj spisil bintic muquen ay?

Ezequiel 28:4

Ta scuenta ap'ijil soc te bintic ana'oj la ata bayel ac'ulejal, la atsob oro soc plata ta yawil ac'ulejal.

Daniel 1:4

ha queremetic te mayuc bin jihnem ta sbaq'uetalic, te t'ujbilic, te p'ijubenic ta spisil bintic ay ta nopel, te ya sna'ic bintic ay ta na'el soc lec snopojibal yu'unic, te lec ya xtuhunic ta sna ajwalil. Ya me ya'be snopic te sc'opic soc te hunetic yu'un te caldeohetique.

Daniel 2:11

Como mero wocol te bin ya sc'an te ajwalil, mayuc mach'a ya xhu' ya yalbe te ajwalil, ha nax stuquel te diosetic, pero ma ba nahinemic ta yohlil te winiquetique, xchihic.

Daniel 2:22

Ya yac' ta na'el te bin wocol ta na'el soc te bin muquen ay; ya sna' te bin ay ta yihc'al q'uinal, te sacal q'uinal nahinem ta stojol.

Daniel 4:18

Ho'on, te ajwalil Nabucodonosor, la jquil te wayich ini. Ha'at, Beltsasar, halbon ca'iy te sc'oblale, como mayuc jtuhluc te p'ijil winiquetic ta ban c'alal jcuentahinej te ya xhu' yu'un sna'beyel sc'oblal. Pero te ha'at ya xhu' awu'un como nahinem ta awo'tan te espíritu yu'un te ch'ul diosetic, xchihon.

Daniel 4:5

La jca'iy wayich te la ya'bon xiwel. C'alal ayon ta jwayib a la ya'bon xiwel te bintic tal ta jol soc te nahalsitiletic.

Daniel 4:6

Ha yu'un la jcal ta mandar te ya xtalic ta jtojol spisil te p'ijil winiquetic yu'un Babilonia scuenta yu'un ya yalbonic sc'oblal te jwayiche.

Daniel 5:14

La jca'iybat ac'oblal te ay ta awo'tan te espíritu yu'un te ch'ul diosetic, te yac ana' q'uinal, ay bin yac ana' soc te ay bayel sp'ijil awo'tan.

Daniel 5:7

Tulan awon te ajwalil te ya me yiq'uic tal te jpas-señahetic, caldeohetic soc te jna'ojeletique; te ajwalil hich la yalbe te p'ijil winiquetic yu'un Babilonia: Te mach'a ya yil te bin ts'ihbabil ini soc ya ya'bon jna' te bin sc'oblale, ya x'a'bot slap chi'in-yaxal c'u'ul, ya x'a'bot yuhan cadena pasbil ta oro, soc ha yoxebal ajwalil ya xc'oht ta ban c'alal jcuentahinej, xchi.

Hechos 12:22

Hahchic ta aw te pueblo: ¡Ha sc'op jtuhl dios, ma ha'uc sc'op winic! xchihic.

Hechos 14:11

C'alal la yilic te ants-winiquetic te bin la spas te Pablo, hich la yalic ta aw ta licaónica-c'op: Cohemix tal ta jtojoltic diosetic te sjel ta winiquetic, xchihic.

Hechos 16:16

Ay jun buelta te c'alal yacotic ta bahel ta banti ya jc'opontic Dios, loc' tal stahotcotic jtuhl ach'ix te ay espíritu yu'un na'ojel ta yo'tan; bayel ya spasic ganar te yajwalic te ach'ix yu'un te bin ya sna'e.

Apocalipsis 3:9

Te mach'atic ta sinagoga yu'un Satanás, te ha judío ta sc'opic, pero ma ha'uc, ya me cac' taluc squejan sbahic ta ye'tal awoc soc ya me sna'ic te c'ux la jca'iyat ta co'tane.