Daniel 5:1 - Bible in Tzeltal Bachajón

¹ Te ajwalil Belsasar la spas muc'ul q'uin yu'un lajunwinic yoxbahc' (1,000) ta tuhl príncipaletic yu'un, soc la yuch' vino ta stojolic.

Bible in Tzeltal de Oxchuc y Tenejapa

¹ Belsasar, muc' ajwalil yu'un Babilonia, la stsob ta we'el swenta pas-q'uin jmil ta jtul te mach'atic muc' sc'oplalic ta nación. Te muc' ajwalil soc te ic'bilic yu'une, te c'alal yacalic ta we'el a, la yuch'ic bayal vino.

Daniel 5:1 ပူးပေါင်းရင်းမြစ်များ

Génesis 40:20

Ta yoxebal c'ahc'al c'oht sc'ahc'alel te loc' ya'bilal te faraón, la spas q'uin yu'un spisil te a'batetic yu'une. La ya'be stehc'anlan sbahic te jcuentahinwanej yu'un te sc'asesej-copa soc jcuentahinwanej yu'un te jpas-panetic ta stojol te a'batetic yu'une.

Ester 1:3

Ta yoxebal ha'bil yochel ta ajwalil a la spasbe q'uin spisil te príncipaletic yu'un soc te mach'atic ay ya'telic; soc tey nix ay a te jtsobaw-soldadohetic yu'un Persia soc Media, te gobernadoretic soc príncipaletic yu'un jujusehp q'uinal,

Isaías 22:12

Ha yu'un te Jehová te scuentahinej spisil, ta hich ora la yiq'uex yu'un ya x'oq'uex soc yac amel awo'tanic, yu'un yac aloq'uesic stsotsel ajolic soc yac alapic ch'ixal pac'.

Isaías 22:14

Te Jehová te scuentahinej spisil, hich la yalbon ca'iy: Ma ba ya xpasbotex perdón yu'un te mulil ini, ha to c'alal ya xchamex, xchi te Jehová te scuentahinej spisil.

Jeremías 50:35

Ac'a yich'ic contrahinel yu'un espada te caldeohetic, xchi te Jehová, soc te mach'atic nahinemic ta Babilonia, soc te príncipaletic soc te p'ijil winiquetic yu'une.

Jeremías 51:39

C'alal ya x'och sq'uixinal ya jchahpambe bayel we'elil soc ya cac' te ya xyacubic, yu'un ya stse'ejinic soc ya x'och swayelic sbahtel q'uinal te ma xwihc' sitic yu'un, xchi te Jehová.

Jeremías 51:57

Ya jyacubtesbe te príncipaletic soc te p'ijil winiquetic yu'un, te jtsobawetic, te mach'atic ich'bilic ta cuenta soc te soldadohetic yu'une. Ya xwayic sbahtel q'uinal, ma ba ya xcuxix yo'tanic, xchi te Ajwalil, te Jehová te scuentahinej spisil te sbihile.

Daniel 5:30

Ha nix ta ahc'abal laj ta milel te Belsasar te ajwalil yu'un te caldeohetique.

Nahúm 1:10

Hich ya xc'ohtic te bin ut'il ch'ixetic te sts'otoj sbahic, soc ts'ajal ta syacubelic, ya xlajic ta c'ahc' hich te bin ut'il taquin ha'mal.