Daniel 4:9 - Bible in Tzeltal Bachajón

⁹ Beltsasar, jtsobawat yu'un te jpas-señahetic, jna'oj te ay ta awo'tan te espíritu yu'un te ch'ul diosetic soc te mayuc bintic wocol ta na'el te ma ba yac ana'e. Halbon ca'iy te nahalsitil la jquil ta jwayich soc te sc'oblale.

Bible in Tzeltal de Oxchuc y Tenejapa

⁹ ‘Beltsasar, jwentainwanej yu'un te mach'atic ay bila ya sna'ic syoljoltayele, jna'oj te ja' swentainejat te espíritu yu'un te ch'ul Diose, soc te ana'oj spisil te bitic wocol ta na'ele. Aiybon me awaiy jiche te bila la quil ta jwaiche, soc ya me awalbon caiy te bila swentaile’, xoon.

Daniel 4:9 ပူးပေါင်းရင်းမြစ်များ

Génesis 41:38

Ha yu'un te faraón la yalbe te a'batetic yu'un: ¿Banti c'an jtatic te mach'a hich yo'tan te bin ut'il te winic ini, te yich'oj te espíritu yu'un te Diose? xchi.

Isaías 33:18

Yac ana'ulan ta awo'tan te xiwel ta nahil to, hich yac awal: ¿Banti ay te mach'a la yahtay? ¿Banti ay te mach'a la yilbe yalal te patane? ¿Banti ay te mach'a la stsahtay yil te ilo-q'uinaletique? xchihex.

Isaías 54:14

Yac awich' ch'alel ta bin toj ta pasel; namal ya xhil awu'un te uts'inele, mayuc bin yac axi'; namal ya xhil awu'un te tulan xiwel, ma ba ya xnohpoj tal ta atojol.

Ezequiel 17:23

Ya jts'un ta toyol wits yu'un Israel. Ya me yac' sc'abc'ab soc ya me yac' sit, buen t'ujbil cedro ya xc'oht. Spisil ta chahp mutetic ya xnahinic ta ye'tal, ya xnahinic ta yaxinal te sc'abc'abe.

Ezequiel 28:3

¿C'ax bal hich ap'ijil a te bin ut'il Daniel? ¿Yu'un bal ana'oj spisil bintic muquen ay?

Daniel 1:20

Ta spisil te sc'oblal p'ijil-o'tanil soc te bintic ay ta na'el te joc'obotic yu'un te ajwalil, la sta te lajuneb buelta tohyem sp'ijilic a te bin ut'il spisil te jpas-señahiletic soc te jna'ojeletic te ayic ta ban c'alal scuentahinej te ajwalile.

Daniel 2:47

Te ajwalil hich la yalbe te Daniel: Melel te Dios awu'unic ha Dios yu'un yantic diosetic, ha Ajwalil yu'un ajwaliletic soc te mach'a ya yac' ta na'el bintic wocol ta na'el, como hu' awu'un te la awac' ta na'el te bintic wocol ta na'el ini, xchi.

Daniel 2:48

Te ajwalil la stohytesbe ya'tel te Daniel, la ya'be bayel mahtaniletic, la ya'be ya'tel ta gobernador yu'un spisil te jsehp q'uinal Babilonia soc jtsobaw yu'un spisil te p'ijil winiquetic yu'un Babilonia.

Daniel 4:18

Ho'on, te ajwalil Nabucodonosor, la jquil te wayich ini. Ha'at, Beltsasar, halbon ca'iy te sc'oblale, como mayuc jtuhluc te p'ijil winiquetic ta ban c'alal jcuentahinej te ya xhu' yu'un sna'beyel sc'oblal. Pero te ha'at ya xhu' awu'un como nahinem ta awo'tan te espíritu yu'un te ch'ul diosetic, xchihon.

Daniel 4:5

La jca'iy wayich te la ya'bon xiwel. C'alal ayon ta jwayib a la ya'bon xiwel te bintic tal ta jol soc te nahalsitiletic.

Daniel 4:8

Ta slajibal tal ta jtojol te Daniel, te Beltsasar yan sbihil, te hich sbihil te dios cu'une, ay ta yo'tan te espíritu yu'un te ch'ul diosetic. La jcalbe ya'iy te jwayich, hich la jcal:

Daniel 5:11

Li' ta banti yac awa'iy cuentahinwanej ay jtuhl winic te ay ta yo'tan te espíritu yu'un te ch'ul diosetic, soc ta yorahil atat chicnaj te ya sna' q'uinal, ay bin ya sna' soc ay sp'ijil yo'tan hich te bin ut'il te sp'ijil yo'tan te diosetique. Te ajwalil Nabucodonosor, te atat, la ya'be ya'tel ta jtsobaw yu'un spisil te jpas-señahiletic, jmonawetic, caldeohetic soc jna'ojeletic,

1 Samuel 4:8

¡Ay me jwocoltic yo'tic! ¿Mach'a ya xhu' ya scoltayotic loq'uel ta sc'ab te diosetic ini te ay bayel yu'elic? Ha te diosetic te la ya'beyic spisil ta chahp castigohetic te egipciohetic ta jochol taquin q'uinal.