Daniel 4:8 - Bible in Tzeltal Bachajón

⁸ Ta slajibal tal ta jtojol te Daniel, te Beltsasar yan sbihil, te hich sbihil te dios cu'une, ay ta yo'tan te espíritu yu'un te ch'ul diosetic. La jcalbe ya'iy te jwayich, hich la jcal:

Bible in Tzeltal de Oxchuc y Tenejapa

⁸ Ta slajibal jul tel ta jtojol uuc te Daniel, te Beltsasar yan sbiil ta swenta yich'el ta muc' te dios cu'une. Te Daniele wentainbil xcuxlejal yu'un te espíritu yu'un te ch'ul Diose. La jcholbey yaiy te jwaiche, jich la calbey:

Daniel 4:8 ပူးပေါင်းရင်းမြစ်များ

Génesis 41:38

Ha yu'un te faraón la yalbe te a'batetic yu'un: ¿Banti c'an jtatic te mach'a hich yo'tan te bin ut'il te winic ini, te yich'oj te espíritu yu'un te Diose? xchi.

Isaías 46:1

¡La squejan sba te Bel, la snijan sba te Nebo! Te loc'ombahetic yu'unic cuchbilic bahel ta chambahlametic, ta chambahlametic yu'un ihcatsijel. Al te bintic ya yich'ic cuchel, al ihcatsil yu'un te chambahlametic te luhbenique.

Isaías 63:11

Pero la sna'ic bin ut'il ayic ta namey, ha te Moisés soc te pueblo yu'une, hich la yalic: ¿Banti ay te mach'a la yic'ticlan c'axel ta mar soc te jcanantaywanej yu'un te tuminchijetic yu'une? ¿Banti ay te mach'a la yac' te ch'ul espíritu yu'un ta yohlilic,

Jeremías 50:2

Pucahic ta halel ta stojol te nacionetic, a'beya sna'ic; toyahic bandera, halbeyahic sc'oblal, ma me xamuquic, hich me xawal: ¡Och ta c'abal te Babilonia! ¡Ay ta q'uexlal te Bel! ¡Nojel ta xiwel te Marduc! La yich'ic q'uexlaltesel te loc'ombahetic yu'un, jimbilic te sloc'ombahic, xchihex me.

Ezequiel 17:23

Ya jts'un ta toyol wits yu'un Israel. Ya me yac' sc'abc'ab soc ya me yac' sit, buen t'ujbil cedro ya xc'oht. Spisil ta chahp mutetic ya xnahinic ta ye'tal, ya xnahinic ta yaxinal te sc'abc'abe.

Daniel 1:7

Jeltaybot sbihilic yu'un te jtsobaw yu'un te eunucohetic: te Daniel, ha Beltsasar sbihil c'oht; te Ananías, ha Sadrac sbihil c'oht; te Misael, ha Mesac sbihil c'oht; te Azarías, ha Abed-nego sbihil c'oht.

Daniel 2:11

Como mero wocol te bin ya sc'an te ajwalil, mayuc mach'a ya xhu' ya yalbe te ajwalil, ha nax stuquel te diosetic, pero ma ba nahinemic ta yohlil te winiquetique, xchihic.

Daniel 2:26

Te ajwalil la yalbe te Daniel, te Beltsasar yan sbihile: ¿Ya bal xhu' awu'un yac awalbon te bin la jwayichtay, soc te bin sc'oblale? xchi.

Daniel 3:14

Te Nabuconosor hich la yalbeyic: ¿Melel bal, Sadrac, Mesac soc Abed-nego, te ma ba yac awich'ic ta muc' te diosetic cu'un, te ma ba yac ach'uhuntayic te loc'omba pasbil ta oro te jtehc'anej?

Daniel 4:18

Ho'on, te ajwalil Nabucodonosor, la jquil te wayich ini. Ha'at, Beltsasar, halbon ca'iy te sc'oblale, como mayuc jtuhluc te p'ijil winiquetic ta ban c'alal jcuentahinej te ya xhu' yu'un sna'beyel sc'oblal. Pero te ha'at ya xhu' awu'un como nahinem ta awo'tan te espíritu yu'un te ch'ul diosetic, xchihon.

Daniel 4:9

Beltsasar, jtsobawat yu'un te jpas-señahetic, jna'oj te ay ta awo'tan te espíritu yu'un te ch'ul diosetic soc te mayuc bintic wocol ta na'el te ma ba yac ana'e. Halbon ca'iy te nahalsitil la jquil ta jwayich soc te sc'oblale.

Daniel 5:14

La jca'iybat ac'oblal te ay ta awo'tan te espíritu yu'un te ch'ul diosetic, te yac ana' q'uinal, ay bin yac ana' soc te ay bayel sp'ijil awo'tan.