Daniel 4:7 - Bible in Tzeltal Bachajón

⁷ Talic te jpas-señahetic, jmonawetic, caldeohetic soc jna'ojeletic, la jcalbe ya'iyic te jwayich, pero ma ba hu' yu'unic te ya yalbonic te sc'oblale.

Bible in Tzeltal de Oxchuc y Tenejapa

⁷ Tal spisilic te j'ac'-chameletic, soc te mach'atic ya sna'ic syoljoltayele, soc te mach'atic bayal bila sna'ojique, soc te mach'atic ay bila sna'ojic ta swenta te c'aal, u, eq'uetic. C'alal julic ta jtojol, la calbey yaiyic te jwaiche, pero ma ba ju' yu'unic sna'el, jich ma ba la yalbonic caiy te bila swentaile.

Daniel 4:7 ပူးပေါင်းရင်းမြစ်များ

Génesis 41:24

Te huc-chej jayal trigo la sbic'ticlanic te huc-chej lequil trigo. La jcalbeyix ya'iyic te jna'ojeletic pero mayuc mach'a la sna'be scuentahil, xchi.

Génesis 41:8

C'alal sacub q'uinal bayel bin tal ta yo'tan yu'un, ha yu'un la sticonlan ta iq'uel spisil te jna'ojeletic soc te p'ijil winiquetic ayic ta Egipto; la yalbe ya'iyic te swayich, pero mayuc mach'a la sna'be scuentahil.

Salmos 37:35

Ay quiloj mach'a chopol yo'tan te bayel stoyoj sba, hich slimoj sba te bin ut'il yaxal laurel-te'.

Isaías 44:25

te ya cac' te ma xc'oht ta pasel te señahiletic yu'un te lotil jalwanejetic; te ya cac' te sonso ya xc'oht te jna'ojeletic; ya cac' ya sut ta spatic te mach'atic ay sp'ijilic soc ya jsutp'in ta sonsohil te sp'ijil yo'tanique.

Ezequiel 31:3

Ilawil te Asirio, te ha cedro yu'un Líbano, buen t'ujbil sc'abc'ab, pim ya'binal, soc mero toyol, te sni'il c'ohem c'alal tocal.

Daniel 1:4

ha queremetic te mayuc bin jihnem ta sbaq'uetalic, te t'ujbilic, te p'ijubenic ta spisil bintic ay ta nopel, te ya sna'ic bintic ay ta na'el soc lec snopojibal yu'unic, te lec ya xtuhunic ta sna ajwalil. Ya me ya'be snopic te sc'opic soc te hunetic yu'un te caldeohetique.

Daniel 2:10

La sjaq'uic te mach'atic ay sp'ijilic: Mayuc jtuhluc ta bahlumilal te ya xhu' ya yal te bin yac sc'ambel te ajwalile. Soc mayuc jtuhluc ajwalil o príncipal te hich ya sc'ambe jtuhluc jpas-señahil, jmonaw o te mach'a ay sp'ijile.

Daniel 2:27

La sjac' te Daniel: Mayuc ni jtuhluc p'ijil winic o te mach'a ay bin ya sna' ta scuenta te c'ahc'al, u, eq'uetic, mayuc jpas-senahil o jna'ojel te ya xhu' ya ya'be sna' te ajwalil te bin wocol ta na'ele.

Daniel 2:7

La sjaq'uic xan: Te ajwalil ac'a yalbe te swayich te a'batetic yu'une, hich ya calbatcotic te bin ya sc'an ya yal, xchihic.

Daniel 3:8

Ta hich ora ay caldeo-winiquetic te tal slehbeyic smul te judiohetique.

Daniel 4:18

Ho'on, te ajwalil Nabucodonosor, la jquil te wayich ini. Ha'at, Beltsasar, halbon ca'iy te sc'oblale, como mayuc jtuhluc te p'ijil winiquetic ta ban c'alal jcuentahinej te ya xhu' yu'un sna'beyel sc'oblal. Pero te ha'at ya xhu' awu'un como nahinem ta awo'tan te espíritu yu'un te ch'ul diosetic, xchihon.

Daniel 5:7

Tulan awon te ajwalil te ya me yiq'uic tal te jpas-señahetic, caldeohetic soc te jna'ojeletique; te ajwalil hich la yalbe te p'ijil winiquetic yu'un Babilonia: Te mach'a ya yil te bin ts'ihbabil ini soc ya ya'bon jna' te bin sc'oblale, ya x'a'bot slap chi'in-yaxal c'u'ul, ya x'a'bot yuhan cadena pasbil ta oro, soc ha yoxebal ajwalil ya xc'oht ta ban c'alal jcuentahinej, xchi.

Daniel 5:8

Hich ochic tal spisil te p'ijil winiquetic yu'un te ajwalil, pero ma ba hu' yu'unic yilel te bin ts'ihbabil o te ya ya'beyic sna' te ajwalil te bin sc'oblale.