Daniel 4:6 - Bible in Tzeltal Bachajón

⁶ Ha yu'un la jcal ta mandar te ya xtalic ta jtojol spisil te p'ijil winiquetic yu'un Babilonia scuenta yu'un ya yalbonic sc'oblal te jwayiche.

Bible in Tzeltal de Oxchuc y Tenejapa

⁶ La cal mandal te ya xtalic ta jtojol spisilic te mach'atic bayal bi sna'ojic te ayic ta Babilonia, swenta yu'un ya yalbonic caiy te bila swentailuc te jwaiche.

Daniel 4:6 ပူးပေါင်းရင်းမြစ်များ

Éxodo 7:11

Ha yu'un te faraón la yic' tal te p'ijil winiquetic soc te j'ac'-chameletic, hich nix la spasic te j'ilojeletic yu'un Egipto ta scuenta sc'oblaltesel yu'unic:

Isaías 8:19

Teme hich ya yalbeyex: Joc'obeyahic te jmonawetic soc te jna'ojeletic te ya xc'opojic ta sajsaj-c'op, teme xchihique, hich yac awalbe: Te pueblo ¿ma bal yacuc sjoc'obe te Dios yu'une? ¿Ya bal sjoc'obe te mach'atic chamenic ta scuenta te mach'atic cuxulic? xchihan me.

Daniel 1:17

Ta schanebalic te queremetic Dios la ya'be snopojibal soc te ya xhu' yu'unic sna'el spisil te hunetic soc bintic ay ta na'el. Te Daniel la sna' yalbeyel sc'oblal spisil ta chahp nahalsitil soc wayichiletic.

Daniel 2:2

Hich te ajwalil la sticonlan ta iq'uel tal te jpas-señahetic, jna'ojeletic, jmonawetic soc te mach'atic ay sp'ijilic, yu'un ya yalbeyic sc'oblal te swayiche. Hich c'oht stehc'an sbahic ta stojol te ajwalile.

Daniel 2:48

Te ajwalil la stohytesbe ya'tel te Daniel, la ya'be bayel mahtaniletic, la ya'be ya'tel ta gobernador yu'un spisil te jsehp q'uinal Babilonia soc jtsobaw yu'un spisil te p'ijil winiquetic yu'un Babilonia.

Daniel 4:15

Pero ihquitaybeyahic ta lum te schumante'el soc te slohp', chucbil ta hierro soc ta bronce ta yohlil te ha'maltic yu'un te q'uinale. Ac'a yahluc ts'ujul yu'un ch'ulchan ta sba, soc ac'a sjoquin te chambahlametic ta ha'mal ta q'uinal.

Daniel 5:11

Li' ta banti yac awa'iy cuentahinwanej ay jtuhl winic te ay ta yo'tan te espíritu yu'un te ch'ul diosetic, soc ta yorahil atat chicnaj te ya sna' q'uinal, ay bin ya sna' soc ay sp'ijil yo'tan hich te bin ut'il te sp'ijil yo'tan te diosetique. Te ajwalil Nabucodonosor, te atat, la ya'be ya'tel ta jtsobaw yu'un spisil te jpas-señahiletic, jmonawetic, caldeohetic soc jna'ojeletic,

Daniel 5:7

Tulan awon te ajwalil te ya me yiq'uic tal te jpas-señahetic, caldeohetic soc te jna'ojeletique; te ajwalil hich la yalbe te p'ijil winiquetic yu'un Babilonia: Te mach'a ya yil te bin ts'ihbabil ini soc ya ya'bon jna' te bin sc'oblale, ya x'a'bot slap chi'in-yaxal c'u'ul, ya x'a'bot yuhan cadena pasbil ta oro, soc ha yoxebal ajwalil ya xc'oht ta ban c'alal jcuentahinej, xchi.