Daniel 4:36 - Bible in Tzeltal Bachajón

³⁶ Ha nix yorahil a te la jna' xan q'uinal, te suht ta jtojol te smuc'ul yutsil te bin ut'il ajwalilon, te quich'el ta muc' soc smuc'ul jc'oblal. Tal slehonic te gobernadorehetic soc te j'ac'-o'taniletic cu'un; cha'ochon xan ta ajwalil soc c'ax hich to xan muc'ub ca'tel a te bin ut'il ta nahil to.

Bible in Tzeltal de Oxchuc y Tenejapa

³⁶ “Ja' nix ta yorail a cha'lecub xan q'uinal la caiy. Te smuc'ul yutsil te banti ayon ta ajwalil, te yutsil jc'oplal, soc smuc'ul jc'oplale, cha'sujt' xan tel ta jtojol. Te jtojteswanejetic, jtac'uywanejetic soc te mach'atic yich'oj tulan yat'elic te banti ayon ta ajwalile, tal sleonic. Jich cha'ochon xan ta cat'el ta ajwalil ta stojol te nación cu'une. C'axem to xan jich muc'ub cat'el a te bit'il cat'el ta neelal toe.

Daniel 4:36 ပူးပေါင်းရင်းမြစ်များ

Job 13:12

¡Te p'ijil c'op awu'unic ha p'ijil c'op yu'un tan, soc te ts'ahquetic awu'unic ha ts'ahquetic te pasbilic ta ahch'al!

Proverbios 22:4

Te c'ulejalil, ich'el ta muc', soc te cuxlejal, ha mahtanil yu'un peq'uel-o'tanil soc xi'el te Jehová.

Daniel 2:31

Ta awayich, ajwalil, la awil ay muc'ul loc'omba; mero muc' te loc'omba soc mero xlipet; teq'uel ta atojol soc xiweltic sba ta ilel.

Daniel 4:22

ha'at nix, ajwalil, te muc'ubat soc te la awich' awip. Te amuc'ul c'ohem c'alal ta ch'ulchan, soc te cuentahinel awu'un c'ohem c'alal ta sti'il te q'uinale.

Daniel 4:32

Yac awich' loq'uesel ta yohlil te ants-winiquetic, yac ajoquin ta nahinel ha'mal chambahlametic, yac awe' ha'mal hich te bin ut'il wacax. Ya xc'ax huqueb ha'bil ha to c'alal yac ana' te Mach'a mero toyol ay ha toyol xan ya'tel ta stojol ban c'alal scuentahinej ants-winiquetic, soc ya ya'be ya'tel ta cuentahinwanej te mach'a ya sc'an ya ya'be, xchi.

Daniel 4:34

C'alal ts'acay te yorahil, ho'on Nabucodonosor, la jquil mohel ta ch'ulchan, la jna' xan q'uinal. La jcalbe wocol te Mach'a mero toyol ay, la jcalbe yutsil sc'oblal soc la jquich' ta muc' te Mach'a cuxul scuenta sbahtel q'uinal, hich la jcal: Sbahtel q'uinal ay te cuentahinel yu'un, ay ta ajwalinel ta cajalcaj ts'umbalil.

San Mateo 6:33

Ha nahil xalehic te cuentahinel yu'un Dios soc te bin stojil ta pasel yu'un, hich me ya x'a'botex spisil a ini.

2 Corintios 4:17

como te jteb nax jwocoltic ini te jc'axel nax ay, ha yac yac'belotic cutsilaltic te c'ax lec xan a soc te mayuc slajibal;

1 Samuel 2:30

Ha scuentahil te hich ya yal te Jehová te Dios yu'un Israel: Calojix ta jamal te mach'atic ay awu'un soc te mach'atic ay yu'un atat ya me x'a'tejic ta jtojol spisil ora, te xchihe. Pero yo'tic ya yal te Jehová: Mayuc bin ora te hich ya jc'ohtes ta pasel, como ha ya quich' ta muc' te mach'atic ya yich'onic ta muc', yan te mach'atic mayuc jc'oblal ta yo'tanic, mayuc sc'oblal ya xc'oht cu'un.