Daniel 4:32 - Bible in Tzeltal Bachajón

³² Yac awich' loq'uesel ta yohlil te ants-winiquetic, yac ajoquin ta nahinel ha'mal chambahlametic, yac awe' ha'mal hich te bin ut'il wacax. Ya xc'ax huqueb ha'bil ha to c'alal yac ana' te Mach'a mero toyol ay ha toyol xan ya'tel ta stojol ban c'alal scuentahinej ants-winiquetic, soc ya ya'be ya'tel ta cuentahinwanej te mach'a ya sc'an ya ya'be, xchi.

Bible in Tzeltal de Oxchuc y Tenejapa

³² Ya me awich' loq'uesel ta yolil te ants-winiquetic, ya me xbaat ta nainel soc chambalametic. Ya me alo' wamal jichuc wacax. Jich me ya x'ainat juqueb ja'wil tey a, ja' to me teme c'ot ta awo'tan te ay yip yu'el ta stojol spisil nacionetic ta balumilal te Dios mero toyole, soc te ja' stuquel te ya yac'bey yat'el ta ajwalil te mach'a ya sc'an ya yac' ochele —xi'.

Daniel 4:32 ပူးပေါင်းရင်းမြစ်များ

2 Crónicas 33:13

Te c'alal la sc'opon te Diose, na'bot yo'bolil sba yu'un Dios soc a'iybot sc'op, hich la scha'otses ta ajwalil ta Jerusalén. Ha yu'un c'oht ta yo'tan Manasés te ha Dios stuquel te Jehová.

Job 42:2

Ya jna' te spisil ya xhu' awu'un, soc te ma xhu' ta comel te bin anopoje.

Job 9:12

Teme ay bin ya sloq'ues, ¿mach'a ya xhu' ya scom? ¿Mach'a ya xhu' ya sjoc'obe: ¿Bin yac apas? te xchihe?

Salmos 115:3

¡Te Dios cu'untic ay ta ch'ulchan; ha la spas spisil te bintic la sc'an yo'tan!

Salmos 135:6

Te Jehová ya spas spisil te bintic ya sc'an ya spas, ta ch'ulchan, ta bahlumilal, ta maretic soc spisil sc'ubulil.

Éxodo 8:10

Pajel, xchi te faraón. Hich la sjac' te Moisés: Ya xc'oht ta pasel hich te bin ut'il yac awale scuenta yu'un hich yac ana' a te mayuc yan hich te bin ut'il Jehová te Dios cu'uncotique.

Éxodo 9:14

Yu'un ya jticonix tal spisil te castigohetic ta atojol, ta stojol te a'batetic soc te pueblo awu'un scuenta yu'un hich yac ana' a te mayuc yan mach'a pajalon soc ta spahmal q'uinal.

Éxodo 9:29

Hich la sjac' te Moisés: Teme loc'on bahel ta pueblo, ya jtoy jc'ab ta stojol Jehová, ya xquehchaj te chahwuc soc ma ba ya xtal xan bat, scuenta yu'un hich yac ana' a te ha yu'un Jehová te q'uinale.

Isaías 37:20

Yo'tic, Jehová, Dios cu'untic, coltayawotcotic loq'uel ta sc'ab, scuenta yu'un spisil te nacionetic ta bahlumilal ya me sna'ic te ha'at nax atuquel te Jehová, xchi ta sc'oponel Dios.

Isaías 40:15

Te nacionetic hich ayic ta stojol te bin ut'il t'ojob te ay ta balde, hich c'ohemic te bin ut'il ts'u'lum ta balanza; hich ya slic te q'uinal joybilic ta ha' te bin ut'il ts'u'lum.

Isaías 40:17

Ta spisil te nacionetic mayuc sc'oblalic ta stojol, hich c'ohemic ta yo'tan te jc'axel ma xtuhun, te mayuc bin ay tey a.

Isaías 45:3

Ya ca'bat te c'ulejalil te nac'bilic, te c'ulejalil q'uejbilic ta muquen, scuenta yu'un yac ana' te ho'on Jehovahon, te Dioson yu'un Israel, te ya quic'at ta abihile.

Jeremías 27:5

Ta scuenta smuc'ul cu'el soc ta scuenta te jc'ab la jpas te bahlumilal, te ants-winiquetic soc te chambahlametic te ayic ta sba te lumq'uinal, soc la jca'be te mach'a ya sc'an co'tane.

Daniel 2:21

Ha ya syanijtes te tiempohetic soc te ha'biletic; ya sloq'ues soc ya yotses ajwaliletic, ya ya'be sp'ijil yo'tan te mach'atic ay sp'ijilic, ya ya'be sna'ojibal te mach'atic ay bintic sna'ojique.

Daniel 4:31

Yac to ta c'op a te ajwalil, chicnaj c'op ta ch'ulchan te hich la yal: Hich ya yalbat ac'oblal, ajwalil Nabucodonosor: La awich'ix loq'uesel ta awa'tel ta ajwalil.

Daniel 5:21

La yich' loq'uesel ta stojol te ants-winiquetic, te spensar hich c'oht te bin ut'il te spensar chambahlam, soc la sjoquin ta nahinel te ha'mal burrohetique. A'bot swe' ha'mal hich te bin ut'il wacax, t'ux sbaq'uetal ta sts'ujulil ch'ulchan, ha to c'alal la sna' te Dios te mero toyol ay ha toyol xan ya'tel ta stojol ban c'alal scuentahinej winiquetic, soc te ya ya'be ya'tel ta cuentahinwanej te mach'a ya sc'an ya ya'be.

Josué 4:24

scuenta yu'un spisil te pueblohetic ta bahlumilal ya me sna'ic te ay bayel yu'el te sc'ab te Jehová, soc scuenta yu'un hich yac axi'ic spisil ora a te Jehová te Dios awu'unique, xchi.