Daniel 4:27 - Bible in Tzeltal Bachajón

²⁷ Ha yu'un, ajwalil, ich'a ta cuenta te bin ya calbat, toja amul ta scuenta spasel te bin toj, soc toja te bin chopol ta scuenta te yac ac'uxultay te mach'atic ayic ta uts'inel, hich wan ya xnahtij te lamal q'uinal yac awa'iy, xchi.

Bible in Tzeltal de Oxchuc y Tenejapa

²⁷ Ja' yu'un, muc' ajwalil, ja' me xat'un jiche te tojtesel cu'un in to: Mero stojil me xapasix te awat'ele, ma me xaleix amul. Jc'axel x'alajinbey sc'oplal te bila amene, soc at'elina scoltayel te me'baetique. Teme repente jich spisil ora lamal q'uinal ta atojol, soc ya me x'esmaj xan bael biluc awu'un’, xi' ta jtojol te Beltsasar”, xi' sc'op te Nabucodonosore.

Daniel 4:27 ပူးပေါင်းရင်းမြစ်များ

Génesis 11:4

Patil la yalic: Conic, jpastic muc'ul pueblo soc muc'ul toyol ts'ahc te ya xc'oht c'alal ta ch'ulchan; hich muc' ya xc'oht jc'oblaltic soc hich ma ba ya xpuhcotic bahel ta sba te bahlumilal, xchihic.

1 Reyes 21:29

¿La bal awilix te Acab te la spehc'anix sba ta jtojol? Te bin ut'il bic'tajix ta jtojol, ma ba ya cac' taluc wocol te jayeb c'ahc'al cuxul, ha to ya xc'oht ta scuenta te snich'ane, xchi.

Salmos 119:46

Ya me cal ta stojol ajwaliletic te testigo-c'op awu'un, ma ba ya xq'uexawon yu'un;

Proverbios 11:2

Te c'alal ya xtal te toybahil, ha nix hich ya xtal te ma ba ya x'ich'ot ta muc', pero te mach'atic peq'uel ayic yich'ojic p'ijil-o'tanil.

Proverbios 16:6

Ta scuenta sc'uxul-o'tanil soc smelelil ay ta pasel perdón yu'un mulil; soc ta scuenta xi'el te Jehová ya sq'uej sba te winic ta stojol te bin chopole.

Proverbios 28:13

Te mach'a ya smuc smul, ma xp'ohl te bintic ay yu'un, yan te mach'a ya yal ta jamal smul soc ya yihquitay spasel, ya me sta c'uxultayel.

Isaías 10:13

Yu'un hich yaloj: Ho'on la jpas ta scuenta yip jc'ab soc ta scuenta sp'ijil co'tan, como ya jna' q'uinal. La jloq'ues te mojonetic yu'un te pueblohetic, la jpojbe te sc'ulejalic, soc hich la jin cohel ajwaliletic te bin ut'il mach'a ay yip.

Isaías 47:10

Como ha la smuc'ulin awo'tan te achopolil, hich la awal: Mayuc mach'a ya yilon, xchihat. La slo'loyat te ap'ijil soc te bintic ana'oj, soc la awal ta awo'tan: Ho'on nax, mayuc yan, xchihat.

Isaías 47:8

Ha yu'un, a'iya awa'iy yo'tic, ha'at antsat te ay schijil awo'tan, te jun awo'tan huculat, te hich yac awal ta awo'tan: Ho'on jtuquel, mayuc yan; ma ba ya xhilon ta me'ba' ants soc mayuc bin ora te mayuc calatac, te xchihate.

Jeremías 29:7

Lehbeyahic te yutsil slequil te pueblo ta banti la jquiq'uex bahele, soc c'opombeyahic te Jehová, yu'un teme ay yutsil slequilique, hich ay awutsil alequilic.

Jeremías 38:20

La sjac' te Jeremías: Ma ba ya yac'at ta sc'abic. Ch'uhumbeya sc'op Jehová te la jcalbatix awa'iy, hich lec ya xc'ohat soc hich ya xcuxajat.

Ezequiel 18:7

te mayuc mach'a ya x'uts'inwan, ya sutbe te bin yich'beyej; ma ba ya ya'iy elec', ya ya'be swe'el te mach'a ay swi'nal soc ya ya'be sc'u' te mach'a mayuc sc'u';

Ezequiel 29:3

Hich me xawalbe: Hich yaloj te Jehová, te Ajwalil: Jcontrahinejat, Faraón, ajwalilat yu'un Egipto, te muc'ul dragón te metsel ta muc'ul-ha' yu'un, te hich ya yal: Ho'on cu'un te muc'ul-ha' Nilo, ho'on jpasoj, te xchihe.

Ezequiel 29:9

hich jochol ya xhil te sq'uinal Egipto. Ya me sna'ic te ho'on Jehovahon, te bin ut'il hich la awal: Ho'on cu'un te muc'ul-ha' Nilo, ho'on la jpas, te xchihate.

Joel 2:14

¡Ya wan suht sc'op soc ya wan yac' hilel bendición: ha te mahtanil harina soc malbil mahtanil yu'un Jehová, te Dios awu'unique!

Amós 6:13

Ha'ex, te tojol nax tse'el awo'tanic, hich yac awalic: ¿Ma bal lajuc jtahtic cu'eltic ta scuenta te quiptique? xchihex.

Jonás 3:9

Ya wan suht sc'op te Diose, ya wan sch'ay te sc'ahc'al yilimba, hich ma ba ya xlajotic, xchi.

Habacuc 1:11

Patil ya xc'axic xan bahel hich te bin ut'il tulan ic'; ha smulic te ha dios c'ohem yu'unic te yipique.

Sofonías 2:15

Ha ini te pueblo te ay yutsil q'uinal ya ya'iy, te smuc'ulinej sba yo'tan, te hich la yal ta yo'tan: Ho'on nax, mayuc yan, te xchihe. ¡C'ax jimbil c'oht, ha yawilix ti'awal chambahlametic! Spisil te mach'atic ya xc'axic tey a ya slabanic soc ya stij sc'abic yu'un.

San Mateo 3:8

Ac'a chicnajuc sit te ya yac' ta ilel te suhtemix awo'tanic.

San Lucas 11:41

Q'uebembeya te pobrehetic te bin ay awu'un, hich pocbil ya xc'oht awu'unic spisil a.

Hechos 24:25

Pero te c'alal halbot yu'un te Pablo bin ut'il ay te toj-o'tanil, te bin ut'il ya scom sba, soc bin ut'il ay sc'oblal te ich'el ta c'op te ya xtale, xiw yo'tan yu'un te Félix, hich la yalbe: Bahanix, c'alal ay tiempo cu'un ya jticonat xan ta iq'uel, xchi.

Hechos 26:20

Ha nahil hahch calbe ya'iyic te mach'atic ayic ta Damasco, patil ta Jerusalén soc ta spahmal sq'uinal Judea, soc te jyanlumetic, te yacuc suhtes yo'tanic yu'un smulic soc te yacuc suhtic tal ta stojol Dios, soc te yacuc yaq'uic ta ilel ta scuenta ya'telic te suhtemix yo'tanique.

Hechos 8:22

Suhtesa awo'tan yu'un achopolil, c'ambeya Dios te yacuc spasbat perdón yu'un bin anopoj ta awo'tan,

2 Corintios 5:11

Jna'ojcotic bin ut'il ay ta xi'el te Cajwaltic, ha yu'un ya cac'cotic fuersa te ha'uc ya xc'oht ta yo'tanic te ants-winiquetique. Dios sna'oj bin ut'il ayotcotic, soc co'tanuc te ha nix hich ana'ojique.

Gálatas 5:13

Ha'ex, quermanotac, ic'bilex scuenta yu'un libre ya x'ayinex; pero ma yu'unuc libre ayex ta spasel te bin ya smulan abaq'uetalic; ha me ya sc'an te talel c'axel yac awa'batin abahic ta scuenta sc'uxul awo'tanic.

Gálatas 5:22

Yan te sit ya yac' te Espíritu, ha te sc'uxul-o'tanil, tse'el-o'tanil, lamal q'uinal, ya xcuhch yu'un, yutsil-o'tanil, jun-o'tanil, sch'uhunel-o'tanil,

Gálatas 5:6

como ta stojol Cristo Jesús ma ha'uc ay sc'oblal teme quich'ojtic circuncisión o teme ma ba quich'ojtic circuncisión, ha ay sc'oblal te ay sch'uhunel co'tantic te ya x'a'tej ta scuenta sc'uxul co'tantic.

Efesios 4:28

Te mach'a ya sna' elec', ma me xya'iyix elec', ac'a a'tejuc, ac'a spas ta sc'ab te bin lec ta pasel, scuenta yu'un hich ya sta a te bin ya ya'be te mach'a mayuc bin ay yu'une.

Deuteronomio 24:13

Ya me asutbe c'alal ya xmahl te c'ahc'ale, scuenta yu'un ya xhu' ya xway soc te sc'u' soc ya ya'bat bendición. Ha stojil ta pasel ta stojol te Jehová te Dios awu'une.

Deuteronomio 32:27

pero ma ba la jc'an te labanel yu'un te contra, te yanuc ya xc'oht ta yo'tan te scontratac, te hichuc ya yalic: Ta scuenta quiptic la jpastic spisil ini; ma ha'uc la spas te Jehová, te xchihuquic.

Deuteronomio 8:17

te yac awal ta awo'tan: Ta scuenta quip soc ta scuenta yip jc'ab la jta te c'ulejalil ini, te xchihate.

1 Pedro 4:8

Ha tulan sc'oblal te talel c'axel c'ux xawa'iy abahic ta mero melel, como te c'uxul-o'tanil ya stup'be sc'oblal bayel muliletic.