Daniel 4:26 - Bible in Tzeltal Bachajón

²⁶ Te mandar te ya yich' ihquitayel hilel ta lum te schumante'el soc slohp' te te', ha ya yac' ta na'el te ya to xcha'ochat xan ta ajwalil te c'alal yac ana' te ha ya xcuentahinwan te ch'ulchane.

Bible in Tzeltal de Oxchuc y Tenejapa

²⁶ Te mandal la awaiye, te ya yich' ijq'uitayel ta lum te xchumante'el soc te yisime, ja' ya yac' ta na'el te ya to xcha'ochat xan ta muc' ajwalile. Pero ja' to teme la ana' te ja' nax te Dios te ay yip yu'ele.

Daniel 4:26 ပူးပေါင်းရင်းမြစ်များ

Daniel 2:18

yu'un yacuc sc'ambeyic c'uxultayel yu'un Dios ta ch'ulchan sc'oblal te bin wocol ta na'el ini, scuenta yu'un te Daniel soc te smohloltac ma ba ya yich'ic milel soc te yantic p'ijil winiquetic yu'un Babilonia.

Daniel 2:19

Hich ta ahc'abal a'bot sna' ta nahalsit te Daniel te bin wocol ta na'ele. Ha yu'un te Daniel la yalbe yutsil sc'oblal te Dios ta ch'ulchane,

Daniel 2:37

Ha'at, ajwalil, ha'at ajwalilat yu'un ajwaliletic; como te Dios ta ch'ulchan la yotsesat ta ajwalil, la ya'bat awu'el, awip soc awutsilal.

Daniel 4:15

Pero ihquitaybeyahic ta lum te schumante'el soc te slohp', chucbil ta hierro soc ta bronce ta yohlil te ha'maltic yu'un te q'uinale. Ac'a yahluc ts'ujul yu'un ch'ulchan ta sba, soc ac'a sjoquin te chambahlametic ta ha'mal ta q'uinal.

Daniel 4:23

La awil, ajwalil, te ay ch'ul j'il-q'uinal te co tal ta ch'ulchan soc hich la yal: Ts'etahic te te' soc lajinahic; pero ihquitaybeyahic hilel ta lum te schumante'el soc te slohp', chucbil ta hierro soc ta bronce ta yohlil te ha'maltic; ac'a c'ohtuc sts'ujulil ch'ulchan ta sba, soc ac'a sjoquin ha'mal chambahlametic ha to c'alal ya xc'ax huqueb ha'bil, xchi.

Daniel 4:31

Yac to ta c'op a te ajwalil, chicnaj c'op ta ch'ulchan te hich la yal: Hich ya yalbat ac'oblal, ajwalil Nabucodonosor: La awich'ix loq'uesel ta awa'tel ta ajwalil.

Daniel 4:37

Yo'tic, ho'on Nabucodonosor, ya calbe wocol, ya jtoybe sc'oblal soc ya calbe yutsil sc'oblal te Muc'ul Ajwalil ta ch'ulchan, como smelelil spisil bin ya spas soc toj te behetic yu'une; ya xhu' ya spehc'an te mach'atic toyol yac'oj sbahic, xchi.

Daniel 5:20

Pero c'alal la stoy sba soc te tulan la yac' sba yu'un te stoybahil, la yich' loq'uesel ta shuctajib soc la yich' pojbeyel te yutsilale.

Daniel 5:21

La yich' loq'uesel ta stojol te ants-winiquetic, te spensar hich c'oht te bin ut'il te spensar chambahlam, soc la sjoquin ta nahinel te ha'mal burrohetique. A'bot swe' ha'mal hich te bin ut'il wacax, t'ux sbaq'uetal ta sts'ujulil ch'ulchan, ha to c'alal la sna' te Dios te mero toyol ay ha toyol xan ya'tel ta stojol ban c'alal scuentahinej winiquetic, soc te ya ya'be ya'tel ta cuentahinwanej te mach'a ya sc'an ya ya'be.

San Mateo 21:20

C'alal la yilic te jnopojeletic, xcham yo'tanic yu'un, hich la yalic: ¿Bin ut'il ay a te ora taquij te higuera? xchihic.

San Mateo 5:34

Pero ho'on ya calbeyex: Ma me ayuc bin yac awal ta jamal, ma me ha'uc ta scuenta te ch'ulchan, como ha smuc'ul huctajib te Diose;

San Lucas 15:18

Ya suhton bahel ta stojol jtat, hich ya xc'oht calbe: Jtat, jtahoj jmul ta stojol ch'ulchan soc ta atojol.

San Lucas 15:21

Hich halbot yu'un te snich'an: Jtat, jtahoj jmul ta stojol ch'ulchan soc ta atojol, ma xpasix te anich'an ya xhaloton, xchi.