Daniel 4:2 - Bible in Tzeltal Bachajón

² Ya jc'an ya calbeyex sc'oblal te señahiletic soc jchahp a'teliletic la spasbon te Dios te mero toyol ay.

Bible in Tzeltal de Oxchuc y Tenejapa

² Ya jc'an te yacuc ana'ic te bitic mero muc' sc'oplal spasojbon ta jtojol te Dios mero toyole.

Daniel 4:2 ပူးပေါင်းရင်းမြစ်များ

Job 7:14

yac axiwteson ta wayichil, soc yac axiwteson ta nahal sitil.

Salmos 51:14

Coltayawon te manchuc ya ca'iy milaw, Dios cu'un, Diosat yu'un te jcolele; hich ya jc'ayojtaybe sc'oblal te stojil awa'tele.

Salmos 65:9

Ha'at yac acanantay te lumq'uinal soc yac awa'be ya'lel; bayel bintic yac awac'tilambe. Te be-ha'etic yu'un Dios nojel ta ha' yu'un yac awac'tilambe te trigo yu'unic, yu'un hich chahpambil awu'un.

Salmos 66:16

¡La'ic, a'iya me awa'iyic apisilic te awich'ojic ta muc' te Diose, ya calbeyex awa'iyic te bin la spasbon!

Salmos 71:18

Aunque mamalonix soc saquix jol, ma me xapihteson, Dios cu'un, ha to c'alal ya calbe sc'oblal awu'el te patil ts'umbalil, ya calbe sc'oblal awip ta stojol te mach'atic patil ya xtalic,

Daniel 2:1

Ta schebal ha'bil yochel ta ajwalil a te Nabucodonosor la ya'iy wayich; bayel la smel yo'tan soc ma ba tal swayel yu'un.

Daniel 3:26

Hich te Nabucodonosor nopoj bahel ta sti'il te horno banti yac ta tihlel c'ahc', hich la yawtay: Sadrac, Mesac, Abed-nego, a'batex yu'un te Dios te mero toyol ay, la'ic, loc'anic talel, xchi. Hich te Sadrac, Mesac soc Abed-nego loq'uic talel ta yohlil te c'ahc'.

Daniel 4:17

Te castigo ha smandar te j'il-q'uinaletic, te mach'atic ch'uhltesbilic la yalic te bin chapale, scuenta yu'un te mach'atic cuxajtic ya me sna'ic te Dios te mero toyol ay scuentahinej te ban c'alal scuentahinej te winiquetique, ya ya'be te mach'a ya sc'an ya ya'be, ya yotses ta jcuentahinwanej te mach'a mero peq'uel ay.

Daniel 4:24

Hich ay te sc'oblale, ajwalil, soc te bin yaloj ta mandar te Mach'a mero toyol te c'ohem ta stojol te ajwalil cu'une:

Daniel 4:25

Ya me awich' loq'uesel ta stojol te ants-winiquetic, ya xnahinat ta yohlil te ha'mal chambahlametic; ha'mal yac awe' hich te bin ut'il j'a'tel-wacaxetic, soc ya me yahts'esbat abaq'uetal te sts'ujulil ch'ulchan. Ya xc'ax huqueb ha'bil ha to c'alal yac ana' te Mach'a mero toyol ay ha toyol xan ya'tel ta stojol ban c'alal scuentahinej winiquetic, soc ya ya'be ya'tel ta cuentahinwanej te mach'a ya sc'an ya ya'be.

Daniel 4:34

C'alal ts'acay te yorahil, ho'on Nabucodonosor, la jquil mohel ta ch'ulchan, la jna' xan q'uinal. La jcalbe wocol te Mach'a mero toyol ay, la jcalbe yutsil sc'oblal soc la jquich' ta muc' te Mach'a cuxul scuenta sbahtel q'uinal, hich la jcal: Sbahtel q'uinal ay te cuentahinel yu'un, ay ta ajwalinel ta cajalcaj ts'umbalil.

Daniel 5:18

Ajwalil, te Dios te mero toyol ay la ya'be ya'tel ta ajwalil te atat Nabucodonosor, la ya'be te smuc'ul c'oblal, yutsil sc'oblal soc smuc'ul yutsilal.

Daniel 6:27

Ha ya xcoltaywan soc ya x'ac'awan ta libre, ya spas señahetic soc jchahp a'teliletic; ha la scoltay te Daniel ta yip te chojetic, xchi.

Daniel 7:25

Ya scontrac'optay te Mach'a mero toyol ay, ya me yuts'inlan te mach'atic ch'uhltesbilic te ha yu'unic te Mach'a mero toyol ay, soc ya snop te ya sjeltay te tiempohetic soc te Ley; te mach'atic ch'uhltesbilic ya x'a'botic ta sc'ab jun tiempo, cheb tiempo soc ohlil tiempo.

San Juan 4:48

Hich halbot yu'un te Jesús: Te manchuc yac awilic señahiletic soc jchahp a'teliletic, ma ba yac ach'uhunic te hichuque, xchi.

Josué 7:19

Ha yu'un te Josué la yalbe te Acán: Jnich'an, halbeya yutsilal Jehová te Dios yu'un Israel, halbon ca'iy te bin apasoj, ma xamucbon ta awo'tan, la yut.