Daniel 4:19 - Bible in Tzeltal Bachajón

¹⁹ Hich te Daniel, te Beltsasar yan sbihil, xch'ayet yo'tan, a'bot xiwel yu'un te bin la snope. Ha yu'un la yal te ajwalil: Beltsasar, ma me xiwat yu'un te wayichil o te sc'oblale, xchihon. La sjac' te Beltsasar: Ajwalil cu'un, te ha'uc yu'un acontratac te wayich, soc te ha'uc ya xc'oht te sc'oblal ta stojol te mach'atic ya scontrahinate.

Bible in Tzeltal de Oxchuc y Tenejapa

¹⁹ “Jich te Daniel, te Beltsasar yan sbiile, caj ta snopel soc ta sna'el ta yo'tan, melel xiw yo'tan yu'un te bila tal ta sjole. Pero jo'on te muc' ajwalilone, jich la calbey: ‘Beltsasar, ma me xamel awo'tan yu'un te jwaiche soc te bi swentaile’, la cut. La sjac' te Beltsasar: ‘¡Ay, spisil te bila swentailuc te awaiche, ja' me ac'a c'otuc ta stojol te acontroe!

Daniel 4:19 ပူးပေါင်းရင်းမြစ်များ

Génesis 31:35

Te Raquel la yalbe te stat: Jtat, ma x'ilinat yu'un te ma xhu' ya xhahchon, como hich ayon te bin ut'il stalel antsetic te ya yil schamel ta jujun u, xchi. Hich te Labán la sle xan te yahcanan pero ma ba la sta.

Génesis 32:18

hich me xawalbe: Ha mahtanil te ticombil tal yu'un te awa'bat Jacob ta stojol te cajwal Esaú; soc yac ta talel ta jpatcotic, xchihat me, xchi te Jacob.

Génesis 40:12

José hich la yalbe: Hich ay scuentahil te awayiche: Te oxeb sc'ab, ha oxeb c'ahc'al c'ohem.

1 Reyes 18:7

Yac ta bahel ta be a te Abdías, la sta sba soc te Elías. C'alal la sna'be sba, la squejan sba ta stojol, hich la yal: ¿Ha'at bal Eliasat, cajwal? xchi.

Éxodo 32:32

Ya calbat wocol te yacuc apasbe perdón; teme ma'uque, tup'bon jbihil ta libro te la ats'ihbay, xchi.

Jeremías 29:7

Lehbeyahic te yutsil slequil te pueblo ta banti la jquiq'uex bahele, soc c'opombeyahic te Jehová, yu'un teme ay yutsil slequilique, hich ay awutsil alequilic.

Jeremías 4:19

¡Ay jwocol, ay jwocol! ¡Ya xc'uxub co'tan, ya xwihl te co'tan, ma xch'abon; como la jca'iy sc'op corneta, la jca'iy aw yu'un guerra!

Daniel 1:7

Jeltaybot sbihilic yu'un te jtsobaw yu'un te eunucohetic: te Daniel, ha Beltsasar sbihil c'oht; te Ananías, ha Sadrac sbihil c'oht; te Misael, ha Mesac sbihil c'oht; te Azarías, ha Abed-nego sbihil c'oht.

Daniel 2:26

Te ajwalil la yalbe te Daniel, te Beltsasar yan sbihile: ¿Ya bal xhu' awu'un yac awalbon te bin la jwayichtay, soc te bin sc'oblale? xchi.

Daniel 2:37

Ha'at, ajwalil, ha'at ajwalilat yu'un ajwaliletic; como te Dios ta ch'ulchan la yotsesat ta ajwalil, la ya'bat awu'el, awip soc awutsilal.

Daniel 4:24

Hich ay te sc'oblale, ajwalil, soc te bin yaloj ta mandar te Mach'a mero toyol te c'ohem ta stojol te ajwalil cu'une:

Daniel 5:12

como c'ax lec xan te espíritu yich'oj, bayel xan ya sna' bintic ay ta na'el, soc ya xhu' yu'un sna'beyel scuentahil wayichiletic, yalbeyel sc'oblal chuhcul c'opetic soc schahpanel te bintic wocol ta chahpanel; ha te Daniel, te a'bot yan sbihil Beltsasar yu'un te ajwalile. Ticona ta iq'uel tal te Daniel, ha ya ya'bat ana' te bin ya yal te bin ts'ihbabil, xchi.

Daniel 5:18

Ajwalil, te Dios te mero toyol ay la ya'be ya'tel ta ajwalil te atat Nabucodonosor, la ya'be te smuc'ul c'oblal, yutsil sc'oblal soc smuc'ul yutsilal.

Daniel 5:19

Ta scuenta te smuc'ul c'oblal te a'bot yu'une, spisil te pueblohetic, nacionetic soc c'opiletic xiwic soc nihquic ta stojol. La smil te mach'a la sc'an la smil, soc la yac' cuxajuc te mach'a la sc'an la yac' c'axuc; la stoybe sc'oblal te mach'a la sc'an la stoybe sc'oblal, soc la spehc'an te mach'a la sc'an la spehc'an.

Daniel 7:15

Ho'on, Daniel, c'ax bayel c'opoj co'tan yu'un, soc bayel la ya'bon xiwel te nahalsitiletic te c'ax ta jpensare.

Daniel 7:28

Ha slajibal ta halel te sc'op ini. Ho'on Daniel, bayel c'opoj co'tan soc sacub quelaw yu'un, pero la jq'uej ta co'tan bin ut'il ay spisil ini.

Daniel 8:27

Ho'on, Daniel, laj quip la jca'iy yu'un, bayel c'ahc'al ayon ta chamel. Patil hahchon, cha'ochon xan ta spasel te a'tel yu'un te ajwalil. Pero ay xiwel ta co'tan ta scaj te nahalsit, ma ba la jna'be scuentahil.

Habacuc 3:10

La yilat te witsetic, nihquic yu'un; c'ax bahel te snojel ha'etic; c'opoj te xahab soc la stoy sc'ab ta toyol.

1 Samuel 1:15

Pero la sjac' te Ana: Ma'uc, cajwal, ho'on antson te bayel yacon ta mel-o'tan. Ma ba cuch'oj vino o bin pajuben, yacon ta yalel ta stojol Jehová te bin ay ta co'tan.

1 Samuel 24:8

Ha nix hich loc' talel ta ch'en te David, hahch yawtay te Saúl: ¡Cajwal, te ajwalil cu'un! xchi. Te c'alal la sut sit ta spat te Saúl, te David la snijan sba ta lum ta yich'el ta muc'.

1 Samuel 26:15

Te David hich la yalbe te Abner: ¿Ma bal winicucat? ¿Mach'a pajalat soc ta Israel? ¿Bin yu'un te ma ba yac acanantay te ajwalil awu'une? Como ay jtuhl winic te och bahel ya c'an smilbat te ajwalil awu'une.

1 Samuel 3:17

¿Bin a te la yalbate? Awocoluc, ma me xamucbon ta awo'tan. Dios ac'a ya'bat castigo, soc c'ax to xan hich a, teme ay bin yac amucbon ta awo'tan yu'un spisil te bintic la yalbate, xchi te Elí.