Daniel 4:18 - Bible in Tzeltal Bachajón

¹⁸ Ho'on, te ajwalil Nabucodonosor, la jquil te wayich ini. Ha'at, Beltsasar, halbon ca'iy te sc'oblale, como mayuc jtuhluc te p'ijil winiquetic ta ban c'alal jcuentahinej te ya xhu' yu'un sna'beyel sc'oblal. Pero te ha'at ya xhu' awu'un como nahinem ta awo'tan te espíritu yu'un te ch'ul diosetic, xchihon.

Bible in Tzeltal de Oxchuc y Tenejapa

¹⁸ “Jo'on muc' ajwalilon te Nabucodonosor te la jwaichin in to. Jich la cal: ‘Yo'tic, Beltsasar, albon me caiy te bila swentail te jwaiche. Melel te banti ayon ta ajwalile, ma'yuc jtuluc te mach'a ay bila sna'oj te ya xju' yu'un sna'beyel swentaile. Pero te ja'ate ya xju' awu'un sna'beyel swentail, melel te ja'ate, awich'ojbey te espíritu yu'un te ch'ul Diose’, xoon.

Daniel 4:18 ပူးပေါင်းရင်းမြစ်များ

Génesis 40:12

José hich la yalbe: Hich ay scuentahil te awayiche: Te oxeb sc'ab, ha oxeb c'ahc'al c'ohem.

Génesis 41:15

Te faraón hich la yalbe te José: Ay jwayich, pero mayuc mach'a ya yalbon scuentahil. La jca'iybat ac'oblal te yac ana' yalbeyel scuentahil wayichiletic, xchi.

Génesis 41:8

C'alal sacub q'uinal bayel bin tal ta yo'tan yu'un, ha yu'un la sticonlan ta iq'uel spisil te jna'ojeletic soc te p'ijil winiquetic ayic ta Egipto; la yalbe ya'iyic te swayich, pero mayuc mach'a la sna'be scuentahil.

Isaías 19:3

Ya xlaj yip yo'tanic te egipciohetic, ya jlajimbe te bin schapojique. Ha yu'un ya sjoc'obeyic te yahcananic soc te mach'atic ya sc'oponic ch'uhlelaletic, te jwoyawetic soc te jna'ojeletique.

Daniel 1:20

Ta spisil te sc'oblal p'ijil-o'tanil soc te bintic ay ta na'el te joc'obotic yu'un te ajwalil, la sta te lajuneb buelta tohyem sp'ijilic a te bin ut'il spisil te jpas-señahiletic soc te jna'ojeletic te ayic ta ban c'alal scuentahinej te ajwalile.

Daniel 2:38

Bayuc ya xnahinic ants-winiquetic, chambahlametic ta q'uinal soc mutetic te ya xwihlic ta toyol, la ya'bat ta ac'ab, la ya'bat acuentahin spisil. Ha'at te jolalat te pasbil ta oro.

Daniel 2:7

La sjaq'uic xan: Te ajwalil ac'a yalbe te swayich te a'batetic yu'une, hich ya calbatcotic te bin ya sc'an ya yal, xchihic.

Daniel 5:15

Te p'ijil winiquetic soc te jmonawetic la yich'ic iq'uel tal ta jtojol yu'un ya yilic te bin ts'ihbabil ini soc ya yalbonic bin sc'oblal, pero ma ba hu' yu'unic ya ya'bonic jna' te sc'oblale.

Daniel 5:8

Hich ochic tal spisil te p'ijil winiquetic yu'un te ajwalil, pero ma ba hu' yu'unic yilel te bin ts'ihbabil o te ya ya'beyic sna' te ajwalil te bin sc'oblale.

Amós 3:7

Mayuc bin ya spas te Jehová teme ma ba ya ya'be sna'ic te a'batetic yu'un, ha te jalwanejetic, te bin muquen ay ta yo'tan.