Daniel 4:17 - Bible in Tzeltal Bachajón

¹⁷ Te castigo ha smandar te j'il-q'uinaletic, te mach'atic ch'uhltesbilic la yalic te bin chapale, scuenta yu'un te mach'atic cuxajtic ya me sna'ic te Dios te mero toyol ay scuentahinej te ban c'alal scuentahinej te winiquetique, ya ya'be te mach'a ya sc'an ya ya'be, ya yotses ta jcuentahinwanej te mach'a mero peq'uel ay.

Bible in Tzeltal de Oxchuc y Tenejapa

¹⁷ Ja' te castigo la yaq'uic j'il-q'uinal ch'ul abatetic in to, swenta yu'un spisil me winiquetic ya sna'ic te ja' Dios mero toyol ay yip yu'el ta stojolic te chajbalchajp ajwaliletic ch'ich'-baq'uetetique. Ja' ya yac' ochel ta ajwalil te mach'a ya sc'an yo'tane, ya yac' ochel ta jwentainwanej ta stojol jun nación te mach'a mero peq'uele, ja' te mero peq'uel yu'un te winiquetique’, xi' sc'op te j'il-q'uinal ch'ul abate.

Daniel 4:17 ပူးပေါင်းရင်းမြစ်များ

1 Reyes 21:25

(Ta melel mayuc mach'a yan hich te bin ut'il Acab te la yac' sba ta spasel te bin chopol ta stojol Jehová, como ha jucot yu'un te Jezabel te yihname.

2 Crónicas 28:22

Te bin ora ay swocol te Acaz, la to sta xan smul ta stojol Jehová;

Salmos 103:19

Te Jehová yac'oj smuc'ul-huctajib ta ch'ulchan, soc ha scuentahinej spisil.

Salmos 12:8

Te mach'atic chopolic bayuc ya xbehenic, te c'alal ya xtohybot sc'oblal te bin chopol ta yohlil te ants-winiquetique.

Salmos 9:16

Te Jehová la yac' sba ta na'el ta scuenta te stojil chahpanwanej te la spas; te mach'a chopol ha nix chucot yu'un te ya'tel sc'ab. Higaión. Selah

Éxodo 9:16

Pero ta smelelil la jcac' cuxajucat scuenta yu'un ya xchicnaj cu'el ta acuenta, soc scuenta yu'un ya yich' puquel bahel ta spahmal q'uinal te jbihile.

Isaías 6:3

Hich talel c'axel yacalic ta yalel: ¡Ch'ul Dios, Ch'ul Dios, Ch'ul Dios, Jehová te scuentahinej spisil; nojel ta swohlol bahlumilal te yutsilale! xchihic.

Isaías 6:8

Patil la jca'iybe sc'op te Jehová, hich yac ta yalel: ¿Mach'a ya jticon bahel? ¿Mach'a ya xbaht cu'untic? xchi. La jac'be sc'op: Li' ayon, ticonawon bahel, xchihon.

Ezequiel 25:17

Ya ca'be tulan spacol soc ya ca'be castigo soc quilimba; ya me sna'ic te ho'on Jehovahon te c'alal ya jpac jc'abal ta stojolic, xchi te Jehová.

Ezequiel 7:24

Ha yu'un ya cac' taluc te mach'atic c'ax chopol yo'tanic ta nacionetic, ya me yich'beyic te nahetic yu'unique. Hich ya cac' lajuc stoybahil te mach'atic ay yipic, soc ya yich'ic bohlobtesel te ch'ul awilaletic yu'unique.

Daniel 11:21

Ya xchicnaj sjelol jtuhl winic te p'ajbil, te ma ba ac'ot ta ich'el ta muc' hich te bin ut'il ya sc'an ajwalil. Repente nax ya xtal soc ya yich' ya'tel ta ajwalil ta scuenta lo'loywanej.

Daniel 2:21

Ha ya syanijtes te tiempohetic soc te ha'biletic; ya sloq'ues soc ya yotses ajwaliletic, ya ya'be sp'ijil yo'tan te mach'atic ay sp'ijilic, ya ya'be sna'ojibal te mach'atic ay bintic sna'ojique.

Daniel 4:2

Ya jc'an ya calbeyex sc'oblal te señahiletic soc jchahp a'teliletic la spasbon te Dios te mero toyol ay.

Daniel 4:25

Ya me awich' loq'uesel ta stojol te ants-winiquetic, ya xnahinat ta yohlil te ha'mal chambahlametic; ha'mal yac awe' hich te bin ut'il j'a'tel-wacaxetic, soc ya me yahts'esbat abaq'uetal te sts'ujulil ch'ulchan. Ya xc'ax huqueb ha'bil ha to c'alal yac ana' te Mach'a mero toyol ay ha toyol xan ya'tel ta stojol ban c'alal scuentahinej winiquetic, soc ya ya'be ya'tel ta cuentahinwanej te mach'a ya sc'an ya ya'be.

Daniel 7:25

Ya scontrac'optay te Mach'a mero toyol ay, ya me yuts'inlan te mach'atic ch'uhltesbilic te ha yu'unic te Mach'a mero toyol ay, soc ya snop te ya sjeltay te tiempohetic soc te Ley; te mach'atic ch'uhltesbilic ya x'a'botic ta sc'ab jun tiempo, cheb tiempo soc ohlil tiempo.

Romanos 13:1

Spisilic ac'a yac' sbahic ta cuentahinel yu'un te mach'atic muc' ya'telic, como mayuc mach'atic yich'oj ya'telic te ma ha'uc a'bibilic yu'un Dios.

1 Corintios 1:28

soc ha tsahbil c'oht yu'un Dios te bin mayuc stuc soc te bin p'ajbil ta bahlumilal, soc te bin ma ba ay, scuenta yu'un ya slajimbe sc'oblal te bin aye,

1 Timoteo 5:21

Ya calbat tulan mandar ta stojol Dios soc te Cajwaltic Jesucristo soc ta stojol te tsahbil ch'ul a'batetic, te ya me apas spisil ini, ma me tsahbiluc nax mach'a yac ac'uxultay.

Apocalipsis 4:8

Ta schanebal te bintic cuxajtic ay wacwaqueb xic' ta jujun, soc ay sitic ta scohtol soc ta yutil. C'ahc'al ahc'abal ma xquehchajic ta yalel: Ch'ul Dios, Ch'ul Dios, Ch'ul Dios te Cajwaltic Dios te spisil ya xhu' yu'un, te ay ta namey, ta ora ini, soc te ya xtale, xchihic.

1 Samuel 2:8

Ha ya shach mohel ta ts'u'lum te pobre, ya shach ta sch'ayojibal c'a'pal te mach'a mayuc bin ay yu'un, scuenta yu'un ya yac' shuhcan sba soc príncipaletic soc ya yac' x'ich'otuc ta muc'. Como yu'un Jehová te yich'o-ip te lumq'uinal, tey la snahcan a te bahlumilale.