Daniel 4:12 - Bible in Tzeltal Bachajón

¹² Mero t'ujbil te ya'binal socbayel te sit, tic' ya sta swe'elic ta spisilic a. Te ha'mal chambahlametic la stahic yaxinal ta ye'tal, ta sc'abc'ab la spas spechechic te mutetic, soc spisil te bintic cuxajtic tey la sta swe'elic a.

Bible in Tzeltal de Oxchuc y Tenejapa

¹² Mero t'ujbil te yabenale, soc mero bayal te site, tic' ya xwe'ic ta spisilic a. Te ja'mal chambalametic ya yaiyic axinal ta ye'tal, ta sc'abc'ab ya spas xpechechic te mutetic, soc ja' swentainej te xcuxlejal te mach'atic ayic ta balumilale.

Daniel 4:12 ပူးပေါင်းရင်းမြစ်များ

Job 12:24

Ha ya spojbe sna'ojibal yu'un te jtsobawetic yu'un te pueblohetic ta q'uinal, ya yac'ticlan ta behel bahel ta jochol taquin q'uinal te banti mayuc behetic,

Job 14:7

Teme ay te' ya yich' ts'etel, ya to xpuhlin stuquel, ma ba ya xquehchaj ta puhl.

Job 14:9

c'alal ya ya'iybe siquil te ha'e, ya xcha'yaxub; ya me yac' xan spuhl hich te bin ut'il uhnen ha'mal.

Lamentaciones 4:20

Och ta yaquil te mach'a tsahbil yu'un Jehová, ha te mach'a cuxulotic ta scuenta, ha te mach'a hich la jcalbetic sc'oblal: Ya xcuxajotic ta yaxinal ta yohlil te nacionetic, te xchihotique.

Ezequiel 17:23

Ya jts'un ta toyol wits yu'un Israel. Ya me yac' sc'abc'ab soc ya me yac' sit, buen t'ujbil cedro ya xc'oht. Spisil ta chahp mutetic ya xnahinic ta ye'tal, ya xnahinic ta yaxinal te sc'abc'abe.

Ezequiel 31:17

Ha'ic nix pajal cohic bahel soc ta stsobojibal mach'atic chamenic, ta stojol te mach'atic lajic ta espada, te mach'atic coltayot yu'unic, te mach'atic nahinic ta yaxinal ta yohlil te nacionetique.

Daniel 4:14

Hich tulan la yal: Ts'etahic te te' soc set'beyahic te sc'abc'ab, jixbeyahic te ya'binal soc pucbeyahic te site. Ac'a ahnuquic bahel te chambahlametic te ayic ta ye'tal, soc te mutetic ayic ta sc'abc'ab.

San Mateo 13:32

Melel ha mero tut yu'un spisil yantic ts'unubiletic, pero te c'alal ya xcol tal, c'ax hich smuc'ul ya xc'oht a te bin ut'il te yantic ts'unubiletic ta yawil ts'unubil, te' ya xc'oht, ya xtal te ha'mal mutetic, ya spas spechechic ta sc'abc'ab, xchi.

San Marcos 13:32

Pero mayuc mach'a ya sna' bin c'ahc'alil soc bin ora ya xc'oht ta pasel, ni ha'uc te ch'ul a'batetic ta ch'ulchan, o te Nich'anil, ha nax stuquel te Tatile.

San Marcos 4:32

pero te c'alal ts'umbilix, ya xcol tal, c'ax hich smuc'ul ya xc'oht a te bin ut'il spisil te ts'unubiletic ta yawil ts'unubil, ya yac' smuc'ul c'ab, hich ya xtal ta nahinel ta yaxinal te ha'mal mutetique, xchi te Jesuse.

San Lucas 13:19

Ha pajal soc sbac' mostaza te la sts'un ta yawal-ts'unub jtuhl winic; ch'ihy soc muc' ste'el c'oht, soc te ha'mal mutetic la sluhtsan sbahic ta sc'abc'ab, xchi.