Daniel 3:28 - Bible in Tzeltal Bachajón

²⁸ Hich la yal te Nabucodonosor: Bayel me yutsil te Dios yu'un Sadrac, Mesac soc Abed-nego, te la sticon tal ch'ul a'bat yu'un ta scoltayel te a'batetic yu'un te jun yo'tanic ta stojole. Ma ba la spasic bin la yal ta mandar te ajwalil, manchuc ya xlajic, ma ba ya yac' sbahic ta a'batinel ta stojol yan diosetic soc ma ba ya sch'uhuntayic, ha nax stuquel te Dios yu'unique.

Bible in Tzeltal de Oxchuc y Tenejapa

²⁸ Te Nabucodonosor c'opoj ta ora, jich la yal ta tulan: —Bin nax yutsil yu'el stuquel te Dios yu'un Sadrac, Mesac, Abed-nego, te la sticun tel ch'ul abat yu'un ta scoltayel te abatetic yu'un te jun yo'tanic ta stojole, te ja'ic te ma ba la xch'uunbonic jmandal jo'on te muc' ajwalilone, te la spas ta yo'tanic te manchuc me ya xlajic ta milel yu'un, pero ma ba la squejan sbaic ta xch'uunel yan dios te ma ja'uc te Dios yu'unique.

Daniel 3:28 ပူးပေါင်းရင်းမြစ်များ

Génesis 9:26

Soc la yal xan: ¡Te Jehová te Dios cu'un, ac'a ya'be bendición te Sem, yan te Canaán ha ya'bat ac'a c'ohtuc!

1 Crónicas 5:20

Coltayotic yu'un Dios ta ya'beyel guerra, hich och ta sc'abic spisil te agarenohetic soc te mach'atic sjoquinejic, como tulan la yalbeyic wocol te Dios ta yorahil te guerra, hich coltayotic yu'un, como ha smuc'ulinej yo'tanic.

2 Crónicas 20:20

C'alal hahchic ta sab, bahtic ta jochol taquin q'uinal Tecoa. Te c'alal yaquic ta bahel a, te Josafat la stehc'an sba, hich la yal: A'iybon awa'iyic jc'op, Judá soc mach'atic nahinemic ta Jerusalén. Ayuc me sch'uhunel awo'tanic ta stojol Jehová te Dios awu'unic, hich mayuc bin ya xc'oht ta acuentahic a; ch'uhunahic te bin ya yal te jalwanejetic yu'un, hich lec ya xc'ohex yu'un, xchi.

2 Crónicas 32:21

Hich te Jehová la sticon tal ch'ul a'bat te la smil spisil te mach'atic ma xiwic soc te jtsobawetic soc capitanetic ta campamento yu'un te ajwalil yu'un Asiria. Hich q'uexaw suhtel ta sq'uinal. Te c'alal och bahel ta templo yu'un te dios yu'une, tey milot yu'un a te mero snich'nabe.

Esdras 1:3

Mach'ayuc a ta awohlilic te ha pueblohex yu'un, Dios ac'a joquinotuc yu'un, mohan bahel ta Jerusalén te ay ta Judá, pasa te sna Jehová te Dios yu'un Israel, ha te Dios te ay ta Jerusalén.

Esdras 6:11

Soc ha nix caloj mandar teme ay mach'a ya sjin te halbil mandaril ini, ac'a yich' tasbeyel loq'uel jch'ix sts'amte'el sna soc ac'a yich' johc'anel a, soc jc'axel jimbil ya xhil te sna yu'un.

Salmos 103:20

¡Halbeyahic yutsil sc'oblal Jehová, ha'ex ch'ul a'batetic yu'un, ha'ex te tulan awa'telic te yac apasic te bin ya yal, te yac ach'uhunic spasel te sc'ope!

Salmos 147:11

te Jehová ya smulan te mach'atic ya x'ich'ot ta muc' yu'unic, te mach'atic smuc'ulinej yo'tanic te sc'uxul yo'tane.

Salmos 33:18

Te sit te Jehová ay ta stojol te mach'atic ya yich'ic ya muc', te mach'atic ha smuc'ulinej yo'tanic te sc'uxul yo'tan,

Salmos 33:21

Ha yu'un tse'el co'tantic ta stojol, como ha smuc'ulinej co'tantic te sch'ul sbihile.

Salmos 34:22

Pero te Jehová ya yac' ta libre te a'batetic yu'un; ma ba ya xhalbotic te ay smulic te mach'atic ha smuc'ulinej yo'tanique.

Salmos 62:8

¡Ac'a smuc'ulin awo'tanic spisil ora, pueblohetic! ¡Halbeyahic bin ay ta awo'tanic! ¡Ha ahnibal cu'untic te Diose! Selah

Éxodo 20:5

Ma me xaquejan aba ta stojolic soc ma me xawich' ta muc', como ho'on Jehovahon te Dioson awu'un, xut'et co'tan, ya ca'be castigo yu'un smul sme'static te yal-snich'nabic ta yoxcajal soc ta schancajal te mach'atic ya yil-o'tantayonic,

Isaías 12:2

Ha jcoltaywanej te Diose; ha smuc'ulinej co'tan, ma xiwon; como ha ahnibal cu'un soc ha c'ayojil cu'un te Jehová, ha jcoltaywanej cu'un, xchihex.

Isaías 37:36

Hich te ch'ul a'bat yu'un Jehová baht smil oxeb scha'winic ta pic soc lajunwinic yoxbahc' (185,000) ta tuhl ta scampamento te asiriahetique. C'alal hahchic ta sab, tey ayic a spisil te chamen-baq'uetetic.

Isaías 50:10

¿Mach'a ay ta awohlilic te ya xi' te Jehová soc te ya sch'uhumbe sc'op te ya'bate? Te mach'a yac ta behel ta yihc'al q'uinal, te mayuc sacal q'uinal ta stojol, ac'a smuc'ulin yo'tan te sbihil te Jehová soc ac'a yich' yip ta stojol te Dios yu'une.

Daniel 2:47

Te ajwalil hich la yalbe te Daniel: Melel te Dios awu'unic ha Dios yu'un yantic diosetic, ha Ajwalil yu'un ajwaliletic soc te mach'a ya yac' ta na'el bintic wocol ta na'el, como hu' awu'un te la awac' ta na'el te bintic wocol ta na'el ini, xchi.

Daniel 3:25

Pero ya quil chantuhl winiquetic te colemic, te ayic ta behel ta yohlil te c'ahc', pero mayuc bin ya xpasbotic yu'un; soc te schantuhlul hich yilel te bin ut'il snich'an te diosetic, xchi te ajwalil.

Daniel 4:34

C'alal ts'acay te yorahil, ho'on Nabucodonosor, la jquil mohel ta ch'ulchan, la jna' xan q'uinal. La jcalbe wocol te Mach'a mero toyol ay, la jcalbe yutsil sc'oblal soc la jquich' ta muc' te Mach'a cuxul scuenta sbahtel q'uinal, hich la jcal: Sbahtel q'uinal ay te cuentahinel yu'un, ay ta ajwalinel ta cajalcaj ts'umbalil.

Daniel 6:16

Ha yu'un te ajwalil la yal mandar te ya sticonic ta iq'uel te Daniel, hich la sch'ojic ochel ta sch'en te chojetique. Te ajwalil hich la yalbe te Daniel: Te Dios awu'un, te spisil ora awac'oj aba ta a'batinel yu'une, ac'a scoltayat, xchi.

Daniel 6:26

Ho'on ya cal tulan mandar te ta spisil te ban c'alal jcuentahinej spisilic ya me xiwic soc ya me yich'ic ta muc' te Dios yu'un Daniel. Como ha te cuxul Dios soc sbahtel q'uinal ay. Te ban c'alal cuentahimbil yu'un mayuc bin ora ya xlaj, soc te cuentahinel yu'un stalel ya xhalaj.

San Mateo 4:10

La yal te Jesús: Loc'an, Satanás, como hich ts'ihbabil: Ha nax me xach'uhuntay soc ha nax me xawac' aba ta a'batinel yu'un te Cajwaltic te Dios awu'un, la yut.

Hechos 4:19

Pero la sjaq'uic te Pedro soc Juan: Nopa awa'iyic teme ha toj ta pasel ta stojol Dios teme ya jch'uhuncotic spasel te bin yac awalic te ha'exe o teme ha ya jch'uhuncotic spasel bin ya yal te Diose,

Hechos 5:19

Pero te ch'ul a'bat yu'un te Cajwaltic la sjam ta ahc'abal te puertahetic yu'un te cárcel, la yic'ticlan loq'uel, hich la yalbe:

Romanos 12:1

Ha yu'un, quermanotac, ya calbeyex wocol ta scuenta te sc'uxul yo'tan Dios te yacuc awac' abaq'uetalic scuenta cuxul chic'bil mahtanil, te ch'ultesbil soc te lec yo'tan Dios yu'un, te hich ya sc'an ch'uhuntayel awu'unic te Diose.

1 Corintios 13:3

Teme ya jq'uebenlambe spisil jbiluc te pobrehetic, soc teme ya cac' ta chiq'uel te jbaq'uetal, pero teme mayuc sc'uxul co'tan, mayuc bin ya jta a.

Filipenses 1:20

Ha ya sc'an co'tan soc ha smuc'ul co'tan te mayuc bin ya jta q'uexlal yu'un, pero socuc yip co'tan ta ora ini, hich te bin ut'il ta spisil ora, yacuc x'ich'ot ta muc' Cristo ta scuenta jbaq'uetal, teme cuxulon o teme ya xchamone,

Hebreos 1:14

¿Ma bal meleluc te spisil te ch'ul a'batetic ha espírituhetic te ayic ta a'batinel, te ticombilic ta scoltayel te mach'atic ya yich'ic te colele?

Hebreos 11:37

Ay lajic ta ch'ojel ta ton, ay la yich'ic xot'el ta serrucho, ay la yich'ic tsajel, ay lajic ta espada. Xyahl xmohic ta behel, sc'u'inejic snuhculel tuminchij soc tentsun, pobrehetic, ay swocolic ta uts'inel.

1 Pedro 1:21

Ha nix ta scuenta te yac ach'uhunic Dios, ha te mach'a la scha'cuxajtes ta yohlil mach'atic chamenic soc la ya'be yutsilal, ha scuentahil te awac'oj sch'uhunel awo'tanic soc smuc'ul awo'tanic ta stojol te Diose.

Apocalipsis 12:11

Ha'ic la stsalic ta scuenta sch'ich'el te Jcolel Tuminchij soc ta scuenta te testigo-c'op la yalique. La sloq'ues sbahic ta yo'tanic, ma ba la xi'ic lajel.