Daniel 3:26 - Bible in Tzeltal Bachajón

²⁶ Hich te Nabucodonosor nopoj bahel ta sti'il te horno banti yac ta tihlel c'ahc', hich la yawtay: Sadrac, Mesac, Abed-nego, a'batex yu'un te Dios te mero toyol ay, la'ic, loc'anic talel, xchi. Hich te Sadrac, Mesac soc Abed-nego loq'uic talel ta yohlil te c'ahc'.

Bible in Tzeltal de Oxchuc y Tenejapa

²⁶ Te c'alal jich yac ta yalel a te Nabucodonosor, noptsaj bael ta sti'il te horno, jajch' ta aw, jich la yal: —¡Sadrac, Mesac, Abed-nego, abatetic yu'un Dios ta mero Toyol, la', loc'anic tel, la'ic li' ta banti ayoni! —xi'. Ta yoxebalic loq'uic tel ta yolil te c'ajc' yac ta tilele.

Daniel 3:26 ပူးပေါင်းရင်းမြစ်များ

Génesis 14:18

Ha yu'un te Melquisedec, ajwalil yu'un Salem soc sacerdote yu'un te Dios te mero toyol ay, la yich'be tal pan soc vino,

1 Reyes 8:51

como ha pueblo awu'un soc ay ta acuenta te yac awich', te la aloq'ues tal ta Egipto, ta yohlil te horno yu'un yuhltesel taq'uin c'ohem.

Esdras 5:11

Pero hich la suhtic te jc'opcotic: Ho'otcotic, a'batotcotic yu'un te Dios yu'un te ch'ulchan soc bahlumilal, soc yac jcha'pasbelcotic te Templo te ayix bayel ha'bil la yich' pasel, te hu' yu'un spasel jtuhl ajwalil yu'un Israel.

Salmos 66:12

La awac' sts'o'botcotic ta teq'uel jolcotic te winiquetic; c'axotcotic ta c'ahc' soc ha', pero la awac'otcotic ta banti ay bayel bintic ay.

Isaías 28:16

Ha yu'un hich ya yal te Cajwaltic Jehová: Ilawil, ho'on cac'oj yich'o-ip ton ta Sión, ha tsahbil ton, ha t'ujbil ton yu'un xuhc scuenta yich'o-ip te tulan aye. Te mach'a ya yac' smuc'ul yo'tan ta stojol ma ba ya xpehc'aj yo'tan.

Isaías 52:12

Como ma ba ahnimal ya xloq'uex bahel, ma ba ya xloq'uex bahel ta ahnel; como te Jehová ya xnahilij bahel awu'unic, ya scanantayex bahel ta apatic te Dios yu'un Israel.

Jeremías 11:4

ha te la jcalbe ta mandar te ame'atatic te c'alal la jloq'ueslan tal ta sq'uinal Egipto, ta horno yu'un yuhltesel taq'uin, te hich la jcalbe: Ch'uhumbonic jc'op, pasahic spisil te bintic ya calbeyex ta mandar, hich pueblohex cu'un ya xc'ohex soc ho'on Dioson awu'unic ya xc'ohon.

Daniel 2:47

Te ajwalil hich la yalbe te Daniel: Melel te Dios awu'unic ha Dios yu'un yantic diosetic, ha Ajwalil yu'un ajwaliletic soc te mach'a ya yac' ta na'el bintic wocol ta na'el, como hu' awu'un te la awac' ta na'el te bintic wocol ta na'el ini, xchi.

Daniel 3:17

Te Dios cu'uncotic, te cac'oj jbahcotic ta a'batinel yu'une, ya xhu' ya scoltayotcotic loq'uel ta horno banti yac ta tihlel c'ahc', soc ya xhu' ya scoltayotcotic loq'uel ta ac'ab, ajwalil.

Daniel 4:2

Ya jc'an ya calbeyex sc'oblal te señahiletic soc jchahp a'teliletic la spasbon te Dios te mero toyol ay.

Daniel 6:20

Te c'alal nopoj ta ch'en, smeloj yo'tan a la yawtay te Daniel, hich la yalbe: Daniel, a'batat yu'un te cuxul Dios, te Dios awu'un, te spisil ora awac'oj aba ta a'batinel yu'une, ¿hu' bal yu'un te la scoltayat ta ye te chojetic? xchi.

Daniel 6:21

La sjac' te Daniel: ¡Sbahteluc q'uinal cuxulat, ajwalil!

Daniel 7:25

Ya scontrac'optay te Mach'a mero toyol ay, ya me yuts'inlan te mach'atic ch'uhltesbilic te ha yu'unic te Mach'a mero toyol ay, soc ya snop te ya sjeltay te tiempohetic soc te Ley; te mach'atic ch'uhltesbilic ya x'a'botic ta sc'ab jun tiempo, cheb tiempo soc ohlil tiempo.

Hechos 16:17

Te ach'ix la stahp'an sba ta jpatcotic soc te Pablo, tulan ya ta alel: ¡Te winiquetic ini ha a'batetic yu'un te Dios te mero toyol ay! Ha ya yalbeyex awa'iyic te sbehlal te colele, xchi ta aw.

Hechos 16:37

Pero te Pablo la yalbe te policiahetic: Ta comonsitil la yac'otcotic ta majel soc ma ba la yich'otcotic ta c'op a te la yotsesotcotic ta cárcel ho'otcotic te romanohotcotique. ¿Yu'un bal yo'tic ya sloq'uesotcotic ta muquen? Ma'uc, ac'a tal sloq'uesotcotic stuquelic, la yut.

Hechos 27:23

Yu'un ahc'abe la stehc'an sba ta jtojol jtuhl ch'ul a'bat yu'un Dios, ha te ayon ta scuenta soc te ayon ta a'batinel yu'un,

Gálatas 1:10

¿Yu'un bal ya jle te lec jc'oblal yu'un winiquetic, o ha te lec jc'oblal yu'un te Diose? ¿Yu'un bal ha ya jc'an te ayuc yutsil yo'tan winiquetic cu'un? Te ha'uc ya jc'an te ay yutsil yo'tan winiquetic cu'un, yu'un nix ma ya'batucon Cristo abi.

Deuteronomio 4:20

Pero te ha'exe la yiq'uex te Jehová, la sloq'uesex tal ta Egipto, ta horno yu'un taq'uin c'ohem, scuenta yu'un ha pueblo ya c'ohex yu'un, hich te bin ut'il ayex ta ora ini.

Josué 3:17

Yan te sacerdotehetic te sq'uechojic te scaxahul te chapbil-c'op yu'un Jehová, teq'uelic ta staquin lumil ta yohlil te Jordán ha to c'alal sohlic bahel ta Jordán spisil te pueblo. Spisil Israel sohlic bahel ta staquin lumil.

Josué 4:10

Te sacerdotehetic te la sq'uechic bahel te scaxahul te chapbil-c'op, tey tec'ajtic ta yohlil a te Jordán ha to c'alal c'oht ta pasel spisil bintic halbot yu'un Jehová te Josué te ya yalbe te pueblo; hich te bin ut'il spasot ta mandar yu'un Moisés te Josué. La suj sbahic sohlel te pueblohe.

Apocalipsis 19:5

Loc' tal c'op ta muc'ul-huctajibal te hich la yal: Halbeyahic yutsil sc'oblal te Dios cu'untic, apisilic te ayex ta a'batinel yu'un soc te axi'ojic, muc' biq'uit, xchi.