Daniel 3:24 - Bible in Tzeltal Bachajón

²⁴ Te Nabucodonosor xcham yo'tan, ora la stehc'an sba soc hich la yalbe te j'ac'-o'taniletic yu'un: ¿Ma bal oxtuhluc winiquetic te chucul ch'ojotic ochel ta c'ahc'? xchi. Melel, ajwalil, xchihic.

Bible in Tzeltal de Oxchuc y Tenejapa

²⁴ Te Nabucodonosor ora tejc'aj jajch'el, jchajp nax la yil a, jich la yalbey te yantic j'at'eletic yu'une: —¿Ma bal oxtuluc te winiquetic c'olol la jch'ojtic ochel ta c'ajq'ue? —xi'. —Jich, oxebic —xiic.

Daniel 3:24 ပူးပေါင်းရင်းမြစ်များ

2 Crónicas 22:4

Chopol bin la spas ta stojol Jehová, hich te bin ut'il te sts'umbal Acab; como te c'alal cham te stat, ha'ic la ya'beyic snop, te hich ch'ayel baht.

Daniel 3:17

Te Dios cu'uncotic, te cac'oj jbahcotic ta a'batinel yu'une, ya xhu' ya scoltayotcotic loq'uel ta horno banti yac ta tihlel c'ahc', soc ya xhu' ya scoltayotcotic loq'uel ta ac'ab, ajwalil.

Daniel 3:23

Te oxtuhl winiquetic ini, ha te Sadrac, Mesac soc Abed-nego, chuculic a yahlic cohel ta yohlil te horno banti yac ta tihlel c'ahc'.

Daniel 3:25

Pero ya quil chantuhl winiquetic te colemic, te ayic ta behel ta yohlil te c'ahc', pero mayuc bin ya xpasbotic yu'un; soc te schantuhlul hich yilel te bin ut'il snich'an te diosetic, xchi te ajwalil.

Daniel 4:22

ha'at nix, ajwalil, te muc'ubat soc te la awich' awip. Te amuc'ul c'ohem c'alal ta ch'ulchan, soc te cuentahinel awu'un c'ohem c'alal ta sti'il te q'uinale.

Daniel 4:27

Ha yu'un, ajwalil, ich'a ta cuenta te bin ya calbat, toja amul ta scuenta spasel te bin toj, soc toja te bin chopol ta scuenta te yac ac'uxultay te mach'atic ayic ta uts'inel, hich wan ya xnahtij te lamal q'uinal yac awa'iy, xchi.

Daniel 5:18

Ajwalil, te Dios te mero toyol ay la ya'be ya'tel ta ajwalil te atat Nabucodonosor, la ya'be te smuc'ul c'oblal, yutsil sc'oblal soc smuc'ul yutsilal.

Daniel 5:6

Sacalub yu'un soc och xiwel ta yo'tan, laj yip yacan soc la stahticlan sba sjol yacan yu'un.

Daniel 6:22

Te Dios cu'un la sticon tal ch'ul a'bat yu'un ya smacbe ye te chojetic scuenta yu'un ma ba ya yuts'inonic, como mayuc jmul ta stojol, soc mayuc bin chopol jpasoj ta atojol, ajwalil, xchi.

Daniel 6:7

Spisil te gobernadoretic yu'un te ban c'alal jcuentahinejtic, te j'il-a'teliletic, schebal ajwaliletic, príncipaletic soc capitanetic la schap sc'opic te ay bin ya yal ta mandar te ajwalil soc ya yac' te ya xc'oht ta pasel, ha te mach'ayuc a te ay bin ya sc'ambe jtuhl dios o jtuhl winic ta lajuneb scha'winic (30) c'ahc'al, te ma ba atuquel nax ya sc'ambat, ya yich' ch'ojel ochel ta sch'en chojetic.

Hechos 12:13

C'alal c'oht stij te puerta yu'un te yamaq'uil na te Pedro, loc' tal ya'iy jtuhl ach'ix, Rode sbihil.

Hechos 26:13

Ta ohlil c'ahc'al, ajwalil, yacon ta behel ta be a la jquil ay bin tal sjahts' c'ahc' ta ch'ulchan, c'ax hich sts'anabul a te bin ut'il sts'anabul te c'ahc'ale; hul stihltes sba ta joyobal soc ta sjoyobal te mach'atic sjoquinejonic.

Hechos 26:27

Ajwalil Agripa, ¿ach'uhunej bal te jalwanejetic? Ya jna' te ach'uhunej, xchi.

Hechos 9:6

Hahch ta nihquel soc ta xiwel te Saulo, hich la yal: Cajwal, ¿bin yac ac'an ya jpas? xchi. Hahchan, ochan bahel ta pueblo, tey ya xc'ohat ta halbeyel a te bin ya sc'an yac apas, xchi te Cajwaltique.

1 Samuel 17:55

Te Saúl, c'alal la yil te loc' bahel te David yu'un ya stsac sba soc te filisteo, hich la yalbe te Abner te jtsobaw yu'un te soldadohetic: Abner ¿mach'a snich'an te querem ini? xchi. Jamal ya calbat, ajwalil, ma jna', xchi te Abner.