Daniel 3:20 - Bible in Tzeltal Bachajón

²⁰ Soc la yalbe mandar te soldadohetic yu'un te bayel yipic te ya schuquic te Sadrac, Mesac soc Abed-nego yu'un ya sch'ojic ochel ta horno banti yac ta tihlel te c'ahq'ue.

Bible in Tzeltal de Oxchuc y Tenejapa

²⁰ Ora la yal mandal ta xchajbal te soldadoetic yu'une te ac'a yich' tsael soldadoetic te mero ay yipique, swenta yu'un ya sc'olic te Sadrac, Mesac soc Abed-nego, soc ac'a xch'ojic ochel ta horno te banti yac ta tilel te c'ajq'ue.

Daniel 3:20 ပူးပေါင်းရင်းမြစ်များ

Daniel 1:7

Jeltaybot sbihilic yu'un te jtsobaw yu'un te eunucohetic: te Daniel, ha Beltsasar sbihil c'oht; te Ananías, ha Sadrac sbihil c'oht; te Misael, ha Mesac sbihil c'oht; te Azarías, ha Abed-nego sbihil c'oht.

Daniel 3:15

Yo'tic, teme yac awa'iybeyic sc'op te corneta, flauta, cítara, lira, salterio, gaita, soc spisil te a'tejibaletic yu'un música, ¿ya bal aquejan abahic soc ya bal ach'uhuntayic te loc'omba te jpasoje? Como teme ma ba yac ach'uhuntayique, ora nax yac awich'ic ch'ojel ochel ta horno banti yac ta tihlel c'ahc'. ¿Mach'a diosil ya xhu' ya scoltayex loq'uel ta jc'ab? xchi.

Daniel 3:19

Hich te Nabucodonosor bayel ilin, yanij sit yelaw ta stojol te Sadrac, Mesac soc Abed-nego, la yal mandar te ya yich' xan q'uixnayel huqueb buelta te sc'ahc'al te horno te c'ahyemic ta spasele.

Daniel 3:21

Hich te winiquetic ini la yich'ic chuquel soc smuc'ul-c'u'ic, stepic, spohtsil sjolic soc sc'u'ic, la yich'ic ch'ojel ochel ta horno banti yac ta tihlel te c'ahq'ue.

Hechos 16:23

Bayel la smajic, patil la yotsesic ta cárcel, soc la spasic ta mandar te jcanan-cárcel te ya me scanantay ta lec.

Hechos 16:25

Ta ohlil ahc'abal yacalic ta sc'oponel Dios soc ta sc'ayojtayel Dios a te Pablo soc Silas; yac ya'iybelic te yantic jchuqueletique.