Daniel 3:18 - Bible in Tzeltal Bachajón

¹⁸ Teme ma'uque, na'a me, ajwalil, te ma ba ya cac' jbahcotic ta a'batinel yu'un te diosetic awu'un soc ma ba ya jch'uhuntaycotic te loc'omba atehc'anej, xchihic.

Bible in Tzeltal de Oxchuc y Tenejapa

¹⁸ Manchuc teme ma scoltayotic te Diose, pero na'a me, muc' ajwalil, te ma'yuc bi ora ya jch'uuntic te diosetic awu'une, soc ni ma'yuc bi ora ya jquejan jbajtic ta stojol te loc'omba pasbil ta oro —xiic.

Daniel 3:18 ပူးပေါင်းရင်းမြစ်များ

1 Reyes 19:14

La sjac': Mero xut'et co'tan ta stojol Jehová te Dios te scuentahinej spisil, como te snich'nab Israel la yihquitaybat te chapbil-c'op awu'un, la sjimbat te scajtajib ta chiq'uel mahtaniletic soc la smilticlanic ta espada te jalwanejetic awu'une. Jtuquel xanix hilemon, soc yac slehbelonic yu'un ha nix hich ya slajimbonic jcuxlejal, xchi.

1 Reyes 19:18

Hilem cu'un j'ohlil swaxac lajunbahc' (7,000) ta tuhl ta Israel te ma ba la squejan sbahic ta stojol Baal soc te ma ba la yuhts'uyic, xchi.

Job 13:15

Aunque ya smilon, ha smuc'ulinej co'tan te Diose. Ya jcoltay jba ta stojol, ya calbe te lec te behetic cu'un,

Proverbios 28:1

Te mach'a chopol yo'tan ya x'ahn bahel aunque mayuc mach'a ya xnutsot yu'un; yan te mach'a toj yo'tan, jun yo'tan ay hich te bin ut'il choj.

Daniel 3:28

Hich la yal te Nabucodonosor: Bayel me yutsil te Dios yu'un Sadrac, Mesac soc Abed-nego, te la sticon tal ch'ul a'bat yu'un ta scoltayel te a'batetic yu'un te jun yo'tanic ta stojole. Ma ba la spasic bin la yal ta mandar te ajwalil, manchuc ya xlajic, ma ba ya yac' sbahic ta a'batinel ta stojol yan diosetic soc ma ba ya sch'uhuntayic, ha nax stuquel te Dios yu'unique.

Levítico 19:4

Ma me xach'uhuntayiquix loc'ombahetic, soc ma me xapas awahcananic ta uhltesbil taq'uin. Ho'on, Jehovahon, Dioson awu'unic.

San Mateo 10:28

Ma xaxi'ic te mach'atic ya smilbeyex abaq'uetalic, te ma xhu' yu'un ya smilbeyex ach'uhlelic; ha me xaxi'ic te Mach'a ya xhu' ya slajin ta infierno te ach'uhlel soc abaq'uetal.

San Mateo 10:39

Te mach'a c'ux ya ya'iy te scuxlejal, ya me xch'ay scuxlejal; yan te mach'a ya xch'ay te scuxlejal ta jcuenta, ha me ya sta stuquel.

San Mateo 16:2

Pero halbotic yu'un te Jesús: Te c'alal ya xmahl c'ahc'al, hich yac awalic: Q'uepelix pajel, como chicpulpul te tocal yu'un sjahts' c'ahc'al, xchihex.

Hechos 4:19

Pero la sjaq'uic te Pedro soc Juan: Nopa awa'iyic teme ha toj ta pasel ta stojol Dios teme ya jch'uhuncotic spasel te bin yac awalic te ha'exe o teme ha ya jch'uhuncotic spasel bin ya yal te Diose,

Hebreos 11:25

ha lec xan la ya'iy a te pajal ya xc'ax swocol soc te pueblo yu'un Dios te bin ut'il ya smulan te yac'oltayel mulil te jc'axel nax ay;

Josué 24:15

Teme ma lecuc yac awa'iyic te yac awac' abahic ta a'batinel yu'un Jehová, tsaha mach'a yac awac' abahic ta a'batinel yu'un: teme ha te diosetic te la yac' sbahic ta a'batinel yu'un te ame'atatic ta jehch te muc'ul-ha', o ha te diosetic yu'un te amorreohetic te banti nahinemexix ta sq'uinalique; pero te ho'on soc te mach'atic ay cu'un ya cac' jbahcotic ta a'batinel yu'un te Jehová, xchi te Josué.

Apocalipsis 12:11

Ha'ic la stsalic ta scuenta sch'ich'el te Jcolel Tuminchij soc ta scuenta te testigo-c'op la yalique. La sloq'ues sbahic ta yo'tanic, ma ba la xi'ic lajel.