Daniel 3:17 - Bible in Tzeltal Bachajón

¹⁷ Te Dios cu'uncotic, te cac'oj jbahcotic ta a'batinel yu'une, ya xhu' ya scoltayotcotic loq'uel ta horno banti yac ta tihlel c'ahc', soc ya xhu' ya scoltayotcotic loq'uel ta ac'ab, ajwalil.

Bible in Tzeltal de Oxchuc y Tenejapa

¹⁷ Melel te jo'otique, ay Dios cu'untic te ch'uunbil cu'untique. Te Dios cu'untic ja' me ya scoltayotic ta c'ajc' ta horno, soc ta spisil te bitic amen ya ac'an ya apas ta jtojoltique. Ya me scoltayotic stuquel.

Daniel 3:17 ပူးပေါင်းရင်းမြစ်များ

Génesis 17:1

Ay balunlajuneb yo'winic (99) ya'bilal a te Abram te c'alal Jehová la yac' sba ta ilel ta stojol, hich halbot yu'un: Ho'on Dioson te spisil ya xhu' cu'un; behenan ta jtojol soc toj me xawac' aba.

Génesis 18:14

¿Ay bal bin wocol ta pasel ya ya'iy te Diose? Ya suhton tal ta atojol ta yorahil te la jcalbate, ha yorahil a te ya x'ayin squerem-al te Sara, xchi.

Job 34:29

Teme ya scux yo'tan, ¿mach'a ya xhu' ya stij hahchel? Teme ya snac' yelaw, ¿mach'a ya xhu' ya yil? Pajal ya yil te nación soc te ants-winiquetic,

Job 5:19

Ya scoltayat loq'uel ta waqueb awocol, ta shuquebal ma ba ya stahat te bin chopole.

Salmos 115:3

¡Te Dios cu'untic ay ta ch'ulchan; ha la spas spisil te bintic la sc'an yo'tan!

Salmos 37:39

Te coltayel yu'un te mach'atic toj yo'tanic, ha ya xtal ta stojol Jehová, ha ahnibal yu'unic ta yorahil wocol.

Salmos 37:40

Te Jehová ya me scoltaylan soc ya me yac'ticlan ta libre; ya yac' ta libre ta stojol mach'atic chopol yo'tanic soc ya scoltay, como snac'oj sbahic ta stojol.

Salmos 73:20

Hich te bin ut'il swayich te mach'a ya xhahch ta wayel, hich te c'alal ya xhahchat, Cajwal, yac ap'aj te bin scuyoj sbahic a.

Isaías 12:2

Ha jcoltaywanej te Diose; ha smuc'ulinej co'tan, ma xiwon; como ha ahnibal cu'un soc ha c'ayojil cu'un te Jehová, ha jcoltaywanej cu'un, xchihex.

Isaías 54:14

Yac awich' ch'alel ta bin toj ta pasel; namal ya xhil awu'un te uts'inele, mayuc bin yac axi'; namal ya xhil awu'un te tulan xiwel, ma ba ya xnohpoj tal ta atojol.

Jeremías 1:8

Ma me xiwat ta stojolic, como joquinejat yu'un ya jcoltayat, xchi te Jehová.

Jeremías 15:20

Ya cac' te ha tulan ts'ahc pasbil ta bronce ya xc'ohat ta stojol te pueblo ini; ya ya'bat guerra, pero ma ba ya stsalat, como joquinejat yu'un ya jcoltayat soc yu'un ya cac'at ta libre, xchi te Jehová.

Jeremías 15:21

Ya cac'at ta libre ta sc'ab te mach'atic chopol yo'tanic, ya jcoltayat loq'uel ta sc'ab te j'uts'inwanejetic, xchi.

Daniel 3:26

Hich te Nabucodonosor nopoj bahel ta sti'il te horno banti yac ta tihlel c'ahc', hich la yawtay: Sadrac, Mesac, Abed-nego, a'batex yu'un te Dios te mero toyol ay, la'ic, loc'anic talel, xchi. Hich te Sadrac, Mesac soc Abed-nego loq'uic talel ta yohlil te c'ahc'.

Daniel 4:35

Te mach'atic nahinemic ta bahlumilal hich c'ohemic te mayuc sc'oblalic ta stojol; ha ya spas te bin ya sc'an yo'tan ta stojol tsobolic ta ch'ulchan soc te mach'atic nahinemic ta bahlumilal. Mayuc mach'a ya xhu' ya scombe sc'ab o te hich ya yalbe: ¿Bin yac apas? te xchihe.

Daniel 6:16

Ha yu'un te ajwalil la yal mandar te ya sticonic ta iq'uel te Daniel, hich la sch'ojic ochel ta sch'en te chojetique. Te ajwalil hich la yalbe te Daniel: Te Dios awu'un, te spisil ora awac'oj aba ta a'batinel yu'une, ac'a scoltayat, xchi.

Daniel 6:23

Te ajwalil buen tse'el yo'tan yu'un, la yac' ta loq'uesel tal ta ch'en te Daniel. Hich la sloq'uesic ta ch'en te Daniel, mayuc banti ehchenajem, como ha smuc'ulinej yo'tan te Dios yu'une.

Daniel 6:27

Ha ya xcoltaywan soc ya x'ac'awan ta libre, ya spas señahetic soc jchahp a'teliletic; ha la scoltay te Daniel ta yip te chojetic, xchi.

Miqueas 7:7

Pero te ho'one ya cac' jsit ta stojol te Jehová, ha ya jmahliy te Dios yu'un te jcolele; ya ya'iybon jc'op te Dios cu'une.

San Lucas 1:37

Como mayuc bin ma xhu' yu'un stuquel te Diose, xchi.

Hechos 20:24

Pero mayuc sc'oblal ta co'tan te jcuxlejal, ha nax ay sc'oblal te yacuc xhu' cu'un slajinel soc yutsil co'tan te ahnimal soc te ca'tel quich'oj yu'un te Cajwaltic Jesús, ha te yalbeyel sc'oblal te lec yach'il c'op yu'un te yutsil yo'tan te Diose.

Hechos 21:13

Pero la yal te Pablo: ¿Bin yu'un yac awoq'uetaybelonic soc yac awa'bonic jmel co'tan? como ma ha'uc nax chapalon te ya quich' chuquel, ha nix hich chapalon te ya xlajon ta Jerusalén ta scuenta sbihil te Cajwaltic Jesús, xchi.

Romanos 8:31

¿Bin ya caltiquix yu'un a ini? Teme lec yo'tan Dios ta jtojoltic, ¿mach'a ya xhu' ya scontrahinotic?

2 Corintios 1:10

Ha nix la scoltayotcotic ta muc'ul lajel soc ya scoltayotcotic ta ora ini, soc ha smuc'ul co'tancotic te ya to scoltayotic xan ta patil.

Hebreos 7:25

Ha scuentahil te ya xhu' ya scoltay sbahtel q'uinal te mach'atic ya xnohpojic ta stojol Dios ta scuenta, como stalel cuxul yu'un ya xc'opoj ta scuentahic.

1 Samuel 17:37

Te Jehová te la scoltayon loq'uel ta yehch'ac choj soc ta yehch'ac oso, ha nix hich ya scoltayon loq'uel ta sc'ab te filisteo ini, xchi. Te Saúl la yalbe te David: Bahan, soc ac'a sjoquinat te Jehová, xchi.

1 Samuel 17:46

Te Jehová ya me yac'at ta jc'ab yo'tic, ya jtsalat soc ya jxot'bat anuc'. Yo'tic nix ya ca'be sti'ic abaq'uetal soc te sbaq'uetal filisteohetic te mutetic ya xwihlic ta toyol soc te chambahlametic ta q'uinal. Hich me ya sna' a swohlol bahlumilal te ay Dios ta Israel.