Daniel 3:12 - Bible in Tzeltal Bachajón

¹² Ay judio-winiquetic te la awa'be ya'telic ta jsehp q'uinal yu'un Babilonia, ha te Sadrac, Mesac soc Abed-nego; te winiquetic ini ma xyich'at ta cuenta, ajwalil, ma ba ya sch'uhuntayic te diosetic awu'un soc ma ba ya sch'uhuntayic te loc'omba pasbil ta oro te atehc'anej.

Bible in Tzeltal de Oxchuc y Tenejapa

¹² Pero ta ora in to, ay me judioetic te ay yat'elic ta banti jsejp q'uinal Babilonia sbiile, te mero ma xyich'at ta muc' te ja'at te muc' ajwalilat cu'untique, te ma sc'an xch'uunic te diosetic, ni yacuc sc'anic ya xch'uunic te loc'omba pasbil ta oro te la awac' ta pasel, ja'at te muc' ajwalilat cu'untique. Ja' te mach'atic la awac'bey yat'elic ta administrador yu'un te jsejp q'uinal yu'un Babilonia, ja'ic te Sadrac, Mesac, soc Abed-nego —xiic c'oel.

Daniel 3:12 ပူးပေါင်းရင်းမြစ်များ

Ester 3:8

Te Amán hich la yalbe te ajwalil Asuero: Ay jun pueblo te puhquemic ta yohlil te pueblohetic ta spisil ta jujusehp q'uinal te ban c'alal acuentahinej, te leyetic yu'unic ma pajaluc soc te leyetic yu'un te yantic pueblohetic, soc ma ba ya sch'uhunic spasel te leyetic yu'un te ajwalil. Mayuc bin ya xtuhun yu'un te ajwalil teme cuxul ya xhilic.

Proverbios 27:4

Te ilimba ya x'uts'inwan, te sc'ahc'al-o'tanil ya xjinawan, pero ¿mach'a ya xcuhch yu'un te ti'ti'o'tantayele?

Eclesiastés 4:4

Soc la jquil te spisil a'tel soc spisil te bin lec ya yich' pasel, tey ya xhahch tal a te sbic'tal yo'tan ta stojol te spat-xuhque. Ha nix hich tojol nax soc ha snutsel te iq'ue.

Daniel 1:7

Jeltaybot sbihilic yu'un te jtsobaw yu'un te eunucohetic: te Daniel, ha Beltsasar sbihil c'oht; te Ananías, ha Sadrac sbihil c'oht; te Misael, ha Mesac sbihil c'oht; te Azarías, ha Abed-nego sbihil c'oht.

Daniel 2:48

Te ajwalil la stohytesbe ya'tel te Daniel, la ya'be bayel mahtaniletic, la ya'be ya'tel ta gobernador yu'un spisil te jsehp q'uinal Babilonia soc jtsobaw yu'un spisil te p'ijil winiquetic yu'un Babilonia.

Daniel 2:49

Te Daniel la sc'ambe te ajwalil te yacuc ya'be scuentahinic te a'teliletic ay ta pasel ta jsehp q'uinal Babilonia te Sadrac, Mesac, soc te Abed-nego. Te Daniel hil ta a'tel ta banti ay ta a'tel te ajwalile.

Daniel 3:11

soc te mach'a ma ba ya squejan sbahic soc ma ba ya sch'uhuntayic ya me yich' ch'ojel ochel ta horno banti yac ta tihlel c'ahc'.

Daniel 3:16

Te Sadrac, Mesac soc Abed-nego hich la sjac'beyic sc'op te ajwalil Nabucodonosor: Mayuc sc'oblal te ya jsuhtbatcotic suhtib te c'op ini.

Daniel 3:29

Ha yu'un ya cal ta mandar te biluc pueblohil, nacionil o c'opil te ya sbohlc'optay te Dios yu'un Sadrac, Mesac soc Abed-nego ac'a yich'ic butsticlanel soc ac'a yich' busanel ta jinel te sna, como mayuc yan dios te hich ya xhu' ya xcoltaywan, xchi.

Daniel 3:30

Hich te ajwalil la stoybe ya'telic te Sadrac, Mesac soc Abed-nego ta jsehp q'uinal yu'un Babilonia.

Daniel 6:13

Hich la sjac'beyic te ajwalil: Te Daniel, te jtuhl te ic'ot loq'uel tal ta chuquel ta Judá, ma ba ya yich'at ta cuenta, ajwalil, o te mandaril te la awac' afirma a, oxeb buelta jujun c'ahc'al ya sc'opon te Dios yu'une, xchihic.

Daniel 6:14

C'alal hich la ya'iy te ajwalil, bayel la smel yo'tan yu'un, la snop te ya scoltay te Daniel. Ha to c'alal mahl c'ahc'al la snop bin ya yut ya scoltay.

Hechos 17:7

soc ha yic'oj ta sna te Jasón. Spisil yac scontrahimbelic smandar César yu'un ya yalic te ay yan ajwalil, ha te Jesús, xchihic ta aw.

Hechos 5:28

¿Ma bal tulanuc la jpasex ta mandar te ma xawa'iyic p'ijubteswanej ta scuenta te bihilil ini? Pero yo'tic la anojesic ta Jerusalén te nohptesel awu'unique, soc yac awa'bel jcuchcotic smalbeyel sch'ich'el te winic yac awalique, xchi.