Daniel 3:1 - Bible in Tzeltal Bachajón

¹ Te ajwalil Nabucodonosor la pas jun muc'ul loc'omba ta oro, oxwinic (60) xuhc'ubil stoyolil soc waqueb xuhc'ubil sjamalil. La stehc'an ta spamlej yu'un Dura, ta jsehp q'uinal yu'un Babilonia.

Bible in Tzeltal de Oxchuc y Tenejapa

¹ Te muc' ajwalil Nabucodonosor, la yac' ta pasel muc'ul loc'omba ta oro, ay lajuneb xcha'winic (30) metro snajt'il soc ay oxeb metro sjamalul. Te muc' ajwalil la yal mandal te la yich' aq'uel ta spamlej yu'un Dura, ta sq'uinal Babilonia.

Daniel 3:1 ပူးပေါင်းရင်းမြစ်များ

1 Reyes 12:28

Te c'alal la ya'iybe sc'op te j'ac'-o'taniletic, la spas cheb jcolel torohetic ta oro, soc hich la yalbe te pueblo: Tic'aniquix a te ya xmohex bahel ta Jerusalén. Li' ay te diosetic awu'unic, Israel, te la sloq'uesex tal ta sq'uinal Egipto, xchi.

Ester 1:1

Ta yorahil te Asuero, ha te Asuero te la scuentahin c'alal India ha to ta Etiopía, huqueb shucwinic (127) ta sehp q'uinal,

Salmos 135:15

Te loc'ombahetic yu'un te nacionetic pasticlambilic ta plata soc oro, ha ya'tel sc'ab winiquetic.

Éxodo 20:23

Ma me xapasic diosetic ta jtojol te pasticlambil ta oro o ta plata.

Éxodo 32:31

Ha yu'un te Moisés suht bahel ta stojol Jehová, hich c'oht yalbe: Ta mero melel te pueblo ini la stahix muc'ul mulil yu'un la spas diosetic ta oro.

Isaías 2:20

Ta hich ora te ants-winiquetic ya me sch'ojic bahel ta stojol te ch'ohetic soc sots'etic, te loc'ombahetic yu'unic te pasbilic ta plata soc ta oro, te la spasic yu'un ya sch'uhuntayic.

Isaías 30:22

Ha bohlobtesbil sc'oblal ya xc'oht awu'unic te loc'ombahetic awu'unic te potsbilic ta plata, soc te awahcananic macalic ta oro. Yac ach'ojticlanic bahel hich te bin ut'il pac' te bohloben sc'oblale, hich yac awalic: ¡Loc'anic bahel! xchihex.

Isaías 46:6

Ay mach'atic ya sloq'uesic oro ta yawil yu'un soc ya slicbeyic yalal te plata; ya schap sc'opic soc jten-taq'uin yu'un ya xpasbotic jun dios a, ya squejan sbahic ta stojol soc ya sch'uhuntayic.

Jeremías 10:9

Ya yich' tal tembil plata ta Tarsis soc oro ta Ufaz; ha ya'tel te jten-taq'uin soc j'ultesej-taq'uin; ya ya'beyic slap yax soc chi'in-yaxal c'u'ul, ta spisilic chahpambilic yu'un te mach'atic ya sna'ic spasele.

Jeremías 16:20

¿Ya bal xhu' ya spas dios te winique? Pero ma ha'uc diosetic, xchihic me.

Daniel 2:48

Te ajwalil la stohytesbe ya'tel te Daniel, la ya'be bayel mahtaniletic, la ya'be ya'tel ta gobernador yu'un spisil te jsehp q'uinal Babilonia soc jtsobaw yu'un spisil te p'ijil winiquetic yu'un Babilonia.

Daniel 2:49

Te Daniel la sc'ambe te ajwalil te yacuc ya'be scuentahinic te a'teliletic ay ta pasel ta jsehp q'uinal Babilonia te Sadrac, Mesac, soc te Abed-nego. Te Daniel hil ta a'tel ta banti ay ta a'tel te ajwalile.

Daniel 3:14

Te Nabuconosor hich la yalbeyic: ¿Melel bal, Sadrac, Mesac soc Abed-nego, te ma ba yac awich'ic ta muc' te diosetic cu'un, te ma ba yac ach'uhuntayic te loc'omba pasbil ta oro te jtehc'anej?

Daniel 3:30

Hich te ajwalil la stoybe ya'telic te Sadrac, Mesac soc Abed-nego ta jsehp q'uinal yu'un Babilonia.

Daniel 5:23

La atoy aba ta stojol te Ajwalil yu'un te ch'ulchan; la aticon ta ich'el tal ta atojol te vasohetic yu'un te templo yu'un; ha'at soc te príncipaletic, te antsetic awu'un soc te yan antsetic awu'un la awuch'ic vino a; soc la awalbe yutsil sc'oblal te diosetic te pasbilic ta plata, oro, bronce, hierro, te' soc ton, te ma xyilic q'uinal, ma xya'iyic c'op, soc mayuc bin ya sna'ic; ma ba la awich' ta muc' te Dios te ay ta sc'ab te acuxlejal soc spisil te behetic awu'une.

Daniel 5:4

La yuch'ic vino soc la yalbeyic yutsil sc'oblalic te diosetic te pasbilic ta oro, ta plata, ta bronce, ta hierro, ta te' soc ta ton.

Oseas 2:8

Ma ba la sna' te ho'on la jca'be te trigo, vino soc te aceite; te la jp'ohltes te plata soc te oro te la smahtantesic a te Baal.

Oseas 8:4

La ya'be ya'telic ajwaliletic, pero ma ha'uc te tsahbil cu'une; la slehic príncipaletic, pero ma ba jna'oj. La spasic loc'ombahetic yu'unic ta plata soc ta oro, ha nax ya sjin sbahic a.

Habacuc 2:19

¡Obol sba te mach'a hich ya yalbe te te': Cuxa awo'tan, soc te ya yalbe te ton te ma xc'opoj: Hahchan, te xchihe! ¿Ya bal xhu' ya xnohpteswan? Aunque potsbil ta oro soc ta plata, mayuc sch'uhlel.

Hechos 17:29

Ha yu'un, te bin ut'il ha sts'umbalotic te Diose, ma me jcuytic te Dios te ha pajal soc oro, o plata o ton, te ha loc'omba pasbil ta sc'ab winiquetic te hich nax la snop shachel.

Hechos 19:26

pero awilojic soc awa'iyejic te Pablo la yac' te parte ya yac' sbahic bayel ants-winiquetic ta scuenta te bin ya yac' ta nopel, ma ha'uc nax li' ta Éfeso, jteb ma spisiluc te Asia; ha ya yal te ma ha'uc diosetic te bin ya yich' pasel ta c'abal.

Deuteronomio 7:25

Ya me achic'ticlambe te sloc'omba diosetic yu'unique. Ma me xbic'taj awo'tan yu'un te plata o te oro te yich'ojic, ma me xawich', scuenta yu'un ma ba yac ac'ohchin a, como ha ihlaybil yu'un te Jehová.

Apocalipsis 9:20

Te jayeb xan mach'atic ma ba lajic yu'un te wocoletic ini, ma teyuc la suhtes yo'tanic yu'un a te bin spasoj ta sc'abic, soc ma ba la yihquitayic sch'uhunel te pucujetic soc te yahcananic pasticlambil ta oro, plata, bronce, ton, soc te', te ma xyilic q'uinal, ma xya'iyic c'op soc ma xbehenic.